Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Firibo 1:10 - Deoso-ka Yama Hani

10 Yama Deoso atibodi kobohina‑nima dai atibodi koboniya, dai ene amosaboneni. Yeso Kirisito kameya, dai‑ya weeterebonane. “Dai ene amosini.” Ati neya, dai ya‑yainaboneni.

အခန်းကိုကြည့်ပါ။ ကော်ပီ




Firibo 1:10
43 ပူးပေါင်းရင်းမြစ်များ  

Bedoro‑ya Yeso hiyarebona, tonokowame, ati yanane, “Satanasi ati‑nima tiwati nineni. Owa‑ya tiwati baririyahi. Deoso‑ka yama nokotini awira, hini tiwatibodi ati‑ya nokotinibisineni.” Yeso ati nemarine.


“Ayo, mai kananibisaba awineni. Owa‑ta kana·oteraboneni.” Bedoro ati nemarine.


Mai towakama, Yeso‑ya mai kobokana, Natanaeo‑ya Yeso hiyare, “Isara·eo‑ka nodi yokana amatini. Tiwa ene amosa hinama tohani.” Yeso ati ne,


Yama wahi‑nima ne‑ya mai nofara, yama soki‑ya mai nofabisa, hini mai ihi towe watowami‑ya mai nofarani.


Deoso ati nima·ona ene owa noko wadateni, owa ene amosabonehe. Deoso ohiyariya, owatibodi owa‑ya weerihi, ai one‑ya ohiyariya, owatibodi owa‑ya weerihi teni.


Deoso ati‑ya mai nofara mai‑nima dai riyahi. Yama amosa hinama tamine‑ya dai atibodi kadikabisahi. Fara yama amosa dai kadikiya, dai ene amosawamabone, yama Deoso hinofa‑ya dai watabone, dai ene Deoso dai ya‑yainiheboneni.


Mai‑ya dai ati nofa, mai‑ya dai nofi yokana tohahi. Yama towe‑ya dai kaka, yama amosa‑ta dai nokotonibisahi.


Oka soho dai toha, owati dai mitamakihi. Dai‑ya mai kanawata mai ati ihi dai ebekanabone, mai ati dai nofariyahi. Yeso ati dai mitamaro, ati‑nima mai ati ni awira, mai ati dai nofariyahi.


Deoso yama ati kobohina dai wato, Deoso ati amosabote tohe dai wato na, Mose ati‑ya dai‑ya mai kanawatamaroni.


Owa ene towe owato, Mose‑ka yama hani ati amosa owatohari oneni.


Mai atibodi bote ati‑ya mai tokadaba, Deoso ati‑ya mai kaka, ati mai hikadabaterene. Mai atibodi bote Deoso ati‑ya tokadabaterani.


Deoso dai eme‑ya nakitebonane, dai ene amosa fawarabonehe. Yeso Kirisito koboneya, dai ene ya‑yainebonane.


Yodeo mai toha, Kereko mai toha, Deoso‑ka mai toha na, dai ene‑ya mai awiya, Yeso hawine‑ya mai taratokariyahi.


Oka soho mai‑ya osawe, mai taratokarabone, mai noki‑ya bani okobaterabone oteni.


Oda atibodi oda‑ya weera, oda ene amosamone oda atibodi ati na, oda ya‑yaiteni. Mai tabori‑ya oda ene amosa, dai tabaro‑ya oda ene amosa na, yama nafi oda watora, Deoso oda‑ya kasome ene oda ene amosani.


Mai one yinero‑ya nokotonihe, Yeso ati yokana‑ya mai kamini awirani. Deoso oda‑ya yosemarine, Yeso ati yokana oda kaminebonaha. Deoso ene Yeso ati yokana oda kamini oharineni.


Oda ene amosini, Deoso tabaro hawine‑ya mai yakana, oda ene‑ya mai awa, mai taratokarihi, oda ene‑ya mai one awa, Deoso‑ya mai weerihi nabone oda ati teni.


Owati ihi yama dai daariyahi. Hini dai ati daahina, dai daanibisahi. Mai one ihi tamine dai mita, mai one‑ya mai nofa‑nima mai dai nofahare awineni. Yama dai daana dai awa, mai dai nofa dai watowahaboneni.


Dai sowiri tati ataro dai wisinakosabone onamone mai ati na. Keyehe‑ya mai hirina, mai ati amani. “Dai sowiri tati ataro dai wisinahi.” Oterani. Mai ati‑nima ona‑mani, owa‑ya mai weenami awira neni. Awa‑ya Yeso abemari, ai manakone nafi‑ya nanahabemari, owatobisineni. Tamine ohiyaratene. Yeso tamine ohiyari awira‑mani, owa‑ya mai weenami awira neni.


Keyehe‑ya ai hirira, Deoso ati yokana ai hiyarabisateni. Mai‑ya ai hiyara, mai ai nofa, ai‑ka Hidi i‑di Yeso Kirisito ene‑nima ai ene nawahaboneni.


Dai ene Deoso ya‑yainebona tamine dai watohi.


Yeso‑ka ai toha, neme‑ya ai kobona, Yeso ai‑ya kayafebona, bora kabatata ra‑nima, bora bisa tohara‑nima, bora yikirikara‑nima, ai nabone, ai ene amosa hinama boneni.


Deoso‑ya ohiyara, “Abi Deoso, mai‑ya tikasoma, mai‑ya tiwakasomi fawateriyahi. Tika dao, i‑di Yeso Kirisito‑ya mai nofi nafe, mai tikasoma, mai abateraboneni.” Oteni. Feye amani.


“Baoro, owati tikaminaboneni.” Deoso ati nemarine. Kadeya‑ya owaa, Deoso ati okaminanasa onabone, owa‑ya mai wato, owa‑ya mai nofa, owa‑ya mai kasomabone, Deoso Ati Amosabote‑ya mai kaminaharineni.


Deoso ene Yeso ati dai nofawahamaro, Deoso ene dai ene amosateboneni. Yeso Kirisito kameya, Deoso ene neme‑ya dai sawiwahabone, dai‑ya owatibodi watoneni.


Deoso ati dai nofa, mai ihi amosara mai dai hiyarahi. “Yeso dai‑ya nofe, dai manakone‑ya nanahabemata, ati dai nofeya, dai abaraboneni.” Dai ati nahi. Haa‑nima dai ene niya, Kirisito kamataseya, dai ene ya‑yai·ona, oka yama anini honita tohara owatowahaboneni.


Mai‑ya dai nofiya, dai ene sibaraboneni. Yeso ati‑nima dai naboneni. Yeso hika mai eyehe kameya, Deoso noko‑kaya ai nahoya, “Dai ene sibarini.” Ai‑ka Abi i‑di Deoso ati nawahebonane.


Deoso‑ka yama hani ati‑nima mai ati ni awira, mai ati dai nofariyahi.


Deoso ati ene ai ati somateni. I‑di Deoso‑ya dai tamine ohiyarateni. “Abi Deoso, mai atibodi, mai aboni, mai korimari na tinamosahi.” Oteni. Yeso kameya, dai‑ya weeni awirebonane. Dai ene amosabisaboneni.


Soho, owati dai mitahi. Deoso‑ka yo‑yose mai ati‑mone mai ati na, mai ati dai kadika, mai ati dai wataboneni. Deoso ati yokana tohe dai wato, Deoso ati tohare dai wato, dai naboneni. Deoso‑ka yo‑yose ati‑mone mai dami ati na, ati bare‑ya mai kaminabisineni.


Dai ene nafi owatoneni. Dai‑ka yama anini amosa, Deoso‑ka hawi bai‑ya dai maakani awirani. Mai ati kasira, mai ati dai nofi awirani. ‘Yeso‑ka yo‑yose oda amani.’ Mai one ati na, keyehe‑ya mai hirina. Mai ati dai mita, mai‑ya dai watoneni. Mai ati dai nofarani.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ