Firibo 1:1 - Deoso-ka Yama Hani

¹ I‑di Baoro ama·oni. I‑di Timoti oda fama Yeso Kirisito‑ya na‑narifa oda amani. Firibo‑ya dai wi‑wina Deoso‑ka dai toha, Yeso Kirisito dai‑ya sa‑sawi, Yeso‑ka mai dai kanawato, mai tase dai toha, dai na, oka yama hani dai kadikiyahi.

Firibo 1:1 ပူးပေါင်းရင်းမြစ်များ

Maroko 13:34

Mai‑ka hidi kobonamebona‑ya mai nimana mai‑nima dai‑ka Ayo neme‑ke‑ya dai nimanahi. Yama yaki‑ya maki tokebona, hika fai‑ya mai na‑narifa mai‑ya yosene. Hika yo‑yose owa nokobi‑ya waibona‑ya yosenane, maki kamataseya, nokobi‑ya seekana kanibote nebonaha.

Yowaho 12:26

Owa‑ya dai narifabone dai ati na, owa ene‑nima dai ene nahi. Owa‑ya dai narifa osawi‑kaya dai sawebone, Okobi dai‑ya kahiyarebonane.” Yeso ati nemarine.

Yeso‑ka yo‑yose mai tamine 1:20

Dafi‑ka yama hani ati one‑ya Bedoro hiyaratase, “‘Hika yobe abaho, mai winateri‑bone‑karo. Hika yama anini‑ta ai owa anihinamakibisahi.’ Dafi‑ka yama hani ati nineni, wayoma‑kaya.

Yeso‑ka yo‑yose mai tamine 20:28

Dai narabo hawihi. Yeso‑ka mai dai nawadahi. Deoso‑ka Doni ati ene mai‑ka hidi‑nima dai na, mai dai nawadabonehe. Hibati‑ya Yeso abe, mai manakone hinahabamaro, dai atibodi yama‑ya watoyahi. Hika mai toha mai dai nawadabone ati nane.

Yeso‑ka yo‑yose mai tamine 9:13

“Ayo Yeso, Saoro tamine omitani. Yerosare‑ya tika mai dami‑ya i‑di Saoro ene amosarene.

Homa 1:1

Yeso Kirisito‑ka yo‑yose i‑di Baoro ama·oni. Deoso owa‑ya kadike, owa‑ya yosemarine, Deoso Ati Amosabote okaminabonehe.

Homa 1:7

Homa‑ya dai wi‑wina Deoso dai‑ya nofe, dai‑ya kadikematane, Deoso‑ka dai tohabonehe. Dai‑ka yama hani‑bone okanahanoneni. Ai‑ka Abi i‑di Deoso, ai‑ka Ayo i‑di Yeso Kirisito mai fama, dai‑ya mai kasoma, dai atibodi ati dai‑ya soma teni.

Korito daidi 16:10

I‑di Timoti dai tabaro‑ya koboneya, dai ati ene habo siitorayaho. Deoso‑ka yama ani·ona‑nima i‑di Timoti anitene.

Korito yoto‑ke 1:1

Yeso‑ka yo‑yose i‑di Baoro ama·oni. Deoso owa‑ya yosemarine, Yeso ati okaminabonehe. Korito‑ya dai wi‑wina, Akaiya nafi‑ya dai wi‑wina dai na, Deoso‑ka dai toha dai‑ka yama hani‑bone i‑di Timoti oda kanahanoneni.

Karatiya 1:10

“Mai ya‑yai·onihebone, owati amani.” Dai ati na awineni. Deoso‑ta ya‑yai·onira‑mani, mai ya‑yai·onibisa‑mani, Yeso Kirisito‑ka yo‑yose ohara neni. Yeso Kirisito‑ka yo‑yose oha, Deoso‑ta ya‑yai·oniteni.

Karatiya 3:26

Yeso ati dai no‑nofa Deoso bidi dai tohawahani, dai nafi.

Karatiya 3:28

Ai hinama tohawahineni. Yeso‑ka ai nafi tohawahani. Yodeo ai one toha, Bara ai one toha, ai one‑ya mai kanika, ai one‑ya mai kanikarihi mai namaroni. Maki mai toha, mai fanawi toha na, Yeso‑ka ai nafi tohawahineni. Yeso Kirisito ati ai nofa, ai hinama tohawahineni.

Efesiyo 1:1

Baoro ama·oni. Yeso Kirisito‑ka yo‑yose ama·oni. Deoso owa‑ya kadikemarine, Yeso Kirisito‑ka yo‑yose ohawahabonehe. Efesiyo‑ya dai wi‑wina Yeso Kirisito ati dai tokadaba, dai‑ka yama hani‑bone okanahanaboneni.

Efesiyo 1:15

Efesiyo‑ya dai wi‑wina, ai‑ka Ayo i‑di Yeso ati‑ya dai nofa dai toha, Yeso Kirisito ati‑ya mai one nofa mai‑ya dai nofamone, dai tamine omita, ya‑yai·onamaroni.

Efesiyo 6:24

Deoso‑ya ohiyara, “Abi Deoso, mai‑ya tikasoma, mai‑ya tiwakasomi fawateriyahi. Tika dao, i‑di Yeso Kirisito‑ya mai nofi nafe, mai tikasoma, mai abateraboneni.” Oteni. Feye amani.

Firibo 2:19

Ai‑ka Ayo, i‑di Yeso, ati sibareya, ai amoni fa‑famaraba niya, i‑di Timoti oyoseboneni. Dai tabaro‑ya i‑di Timoti oyose, kameya, dai tamine omita, ya‑yai·onaboneni.

Firibo 2:5

Yeso Kirisito atibodi ati‑nima dai atibodi ati nahi.

Firibo 3:12

Yama nafi owato awisa ora, owa ene amosa hinama tohi awisara, Yeso‑ka oha, Yeso Kirisito‑nima onabone, fare‑ya owatibodi nokotonineni.

Firibo 3:3

Deoso ai atibodi‑ya namose ene Deoso‑ka ai tohateni. Ai abano wisina ene tohaterani. Deoso‑ka Doni ai‑ya sawi, Deoso‑ya ai kahiyara, Yeso Kirisito ene ai ene amosawamateni. Mai sowiri tati ataro wisina ihi mai‑ya mai kahiyara, ai ataro ene ai‑ya ai kahiyaraterani.

Firibo 3:8

Yama anini manakone noko·onihemaro, yama anini manakone noko·onimateraboneni. Oka Ayo Yeso Kirisito noko·onibisa oneni. Hibati‑ka oka yama dama tohamaro, Kirisito ati onofa ene oka yama nafi fawanawahani. Sibarini. Yama one onofamaraboneni. Kirisito ati onofe ene yama one onofami awira, Kirisito‑ta owato ba‑basi nabonehe.

Tesaronika daidi 1:1

I‑di Baoro ama·oni. I‑di Sira, i‑di Timoti mai fama, owa‑ya mai dabineni. Kirisito‑ka dai toha, Tesaronika‑ya dai wi‑wina, oda‑ka yama hani dai kadikiyahi. Ai‑ka Abi i‑di Deoso, ai‑ka Ayo i‑di Yeso Kirisito ne, dai‑ya mai kasoma, dai atibodi ati dai‑ya somateni.

Tesaronika daidi 2:2

Firibo‑ya oda winiya, Deoso Ati Amosabote oda kamina, oda‑ya mai bisina, makobote dai tabaro‑ya oda kobona, Deoso Ati Amosabote oda kamina, oda‑ya mai ati bisi, oda‑ya mai wee, mai na, Deoso ene oda habo siitoni awiramaroni.

Tesaronika yoto‑ke 1:1

I‑di Baoro ama·oni. I‑di Sira, i‑di Timoti mai fama, owa‑ya mai dabineni. Ai‑ka Abi i‑di Deoso, ai‑ka Ayo i‑di Yeso Kirisito‑ka dai toha, Tesaronika‑ya dai wi‑wina dai‑ka yama hani boneni.

Tesaronika yoto‑ke 1:10

Ai‑ka Hidi kameya, ati ai no‑nofa ai yorotokanabone, ai‑ka Hidi ai nafi kahiyaraboneni. “Ayo Yeso, amosabote amatini. Tiwa ene amosini.” Ai ati naboneni. Yeso tamine oda kamine, Yeso ati dai nofa, dai ati‑ya mai one mitamakiya, Yeso ati‑ya mai nofiya, Yeso koboneya, mai nafi kahiyaraboneni.

Timoti daidi 1:2

Timoti, tika yama hani‑bone okanahanoneni. Yeso tamine hibati‑ya ohiyare, tamine tinofa, tiwa oka dao onamaroni. Ai‑ka Abi, i‑di Deoso, ai‑ka Ayo i‑di Yeso Kirisito ne, tiwa‑ya mai kasoma, tiwatibodi ati tiwa‑ya somateni.

Timoti daidi 3:8

Deoso ati‑ya mai ka‑kanawato mai ihi amosa‑nima Deoso‑ka mai‑ya mai kasoma mai ihi tohaharihi. Keyehe‑ya mai hiririhi, kawi‑ya mai nokotonirihi, yinero‑ya mai nokotonirihi, mai nahi.

Tito 1:1

I‑di Baoro ama·oni. Deoso‑ka yama anini‑ya ani·oteni. I‑di Yeso Kirisito owa‑ya yosemari, Deoso mai hikayawamaro, mai okanawataboneni. Deoso ati‑ya mai watabone, Deoso ati‑ya mai tokadaba nabone, mai okanawataboneni.

Tito 1:7

Ene amosare ai‑ya kanawatotere, ene amose‑ta ai‑ya kanawato tene. Hini‑ya kahiyare, Deoso‑ka mai‑ya kasoma, ai ati‑ya miteya, yawa kanibote ra, kawi ihi towe toharihi, ai one‑ya bisirihi, yinero‑ya nokotonirihi tene, tikadikayaho, Deoso‑ka mai‑ya kanawatobonaha.

Firimo 1:1

Baoro ama·oni. Yeso Kirisito ati okamina, kadeya‑ya owa‑ya mai nawaani. Ai‑ka soho i‑di Timoti oda fama, yama hani oda kanahanoneni. Firimo, tika yama hani‑bone okanahanaboneni. Oka owa amatini. Deoso‑ka yama‑ya anititeni.

Ebereo 13:23

Dai‑ka ayo i‑di Timoti mai sokihine, kadeya‑ya mai hinafoyemari‑ya mai seekana, i‑di Timoti koboneya, dai tabaro‑ya oda tokaboneni.

Tiyako 1:1

Tiyako ama·oni. Deoso, ai‑ka Ayo Yeso Kirisito ne mai‑ka yama anini‑ya ani·oteni. Isara·eo‑ka nodi dai toha, mai tabori dami‑ya dai wi‑wina dai‑ka yama hani‑bone okanahanaboneni. Dai‑ya owati foyani.

Bedoro daidi 2:25

Kaneiro mai‑nima dai nineni. Kaneiro tabora hawi‑ya mai fawaniteni. Deoso tabaro hawine‑ya dai sawiramaro, Yeso ene Deoso hawine‑ya dai sawiwaha, dai‑ya Na‑nawada‑ya dai dabawahani.

Bedoro yoto‑ke 1:1

Simaho Bedoro Yeso Kirisito‑ka yo‑yose ama·oni. Owa‑ya yosemarine, ati okaminebonaha. Deoso, Bidi‑ya fame amosabote mai toha, Deoso ati dai nofa, Yeso Kirisito ati‑ya dai nofahari, dai na, oda‑nima dai na, dai‑ka yama hani‑bone okanahanowahaboneni.

Yoda‑ka yama hani 1:1

Yeso Kirisito‑ya na‑narifa i‑di Yoda ama·oni. Tiyako sori ama·oni. Ai‑ka abi i‑di Deoso dai‑ya nofe, dai‑ya haanemarine, hika dai tohabonehe. Dai‑ka yama hani‑bone okanahanaboneni. Deoso dai‑ya nawade, Yeso Kirisito‑ka dai tohawahaboneni.

Yeso Kirisito ene‑bona 1:1

Yeso Kirisito‑ka yama hani amani, dai awahi. Yama yana kanibote nabone tamine‑ya Yeso‑ya Deoso kamine, Yeso‑ya ai na‑narifa ai watowahabonehe. Deoso‑ka yo‑yose‑ya Yeso yose, yama tamine‑ya owa‑ya kaminane. Yowaho ama·oni. Yeso‑ya na‑narifa ama·oni.

Yeso Kirisito ene‑bona 1:20

Owa yehe kanika‑ya amowa mai 7 kana mai dama·okana, tamine tiwatora, tamine okaminaboneni. I‑di Deoso‑ya mai hi‑hiyara‑ke yobe 7 kane‑ka mai‑ka hidi mai tamine amani. Nabarina awe oro wamani 7 kana Deoso‑ya mai hi‑hiyara‑ke yobe 7 kane‑ka mai‑ka mai tamine amani.” Ati nene.

Yeso Kirisito ene‑bona 19:10

Teme yowi‑ya owa bako‑kaya ohoma, okahiyarebona, “Araba! Owa tikahiyarariyahi! Yeso tamine dai ka‑kamina dai‑nima ona ama·oni. Yeso ati dai to‑tokadaba dai toha, yama yananabone tamine oda ka‑kamina oda toha, ai na, Deoso‑ya ai na‑narifa ai amani. Ai‑ka hidi oharine, Deoso tikahiyarabisahi.” Deoso‑ka yo‑yose ati namatasene.

Yeso Kirisito ene‑bona 2:12

“Yama hani tikanahanohi. Deoso‑ya mai hi‑hiyara‑ke yobe Bekamo‑ya wai, yobe hidi‑ya daatinahi. Yima ini fama, yima hidi ama·oni. Fara owati amani.

Yeso Kirisito ene‑bona 2:8

“Yama hani tikanahanohi. Deoso‑ya mai hi‑hiyara‑ke yobe Esimina‑ya wai, yobe hidi‑ya daatinahi. Yama yanakani‑ke ama·oni. Faina ama·oni. O·abamaro, okitamamaro, fara owati amani.

Yeso Kirisito ene‑bona 22:9

Deoso‑ka yo‑yose owa‑ya hiyare, “Araba! Deoso‑ya dai na‑narifa dai toha, fara dai owa ama·oni, Deoso ati‑ya dai ka‑kamina dai toha, yama hani ati‑ya dai tokadaba dai toha, dai na, fara dai‑nima ona ama·oni. Deoso tikahiyarabisahi.” Deoso‑ka yo‑yose ati nene.