Efesiyo 5:5 - Deoso-ka Yama Hani

⁵ Mai ihi amosara, mai fanawi one‑ya mai aha, mai makidi hini one‑ya mai aha, mai nana, yama dama‑ya mai kayawa, yama dama‑ya mai nokotonihi, mai nana, Deoso yokana‑ya mai kahiyari awira, deoso bare‑ya mai kahiyarabisa, Yeso Kirisito tabaro, Deoso tabaro ne‑ya mai winateraboneni.

Efesiyo 5:5 ပူးပေါင်းရင်းမြစ်များ

Yeso‑ka yo‑yose mai tamine 20:32

Deoso dai‑ya nawada, dai‑ya kasoma nebona owatibodi ati nineni. Deoso‑ka yama hani dai kadikiya, dai habo kitawahaboneni. Deoso tabaro‑ya, dai kobona, dai nafi‑ya Deoso hika yama‑ya daanebonane.

Yeso‑ka yo‑yose mai tamine 8:21

Haa‑nima tiwa ene teraboneni. Deoso‑ya tiwatibodi amosi awisarani.

Karatiya 5:19

Mai atibodi bote ati‑ya mai tokadaba, eya mai ihi teni. Mai ihi amosara, mai one‑ka yibote mai‑ya mai kayafa, mai makidi one‑ya mai aha teni.

Karatiya 5:21

Mai one‑ka yama‑ya mai ati kobo, kawi ihi mai towe toha, mai dami ibi aha na, mai tamine owati dai mitahi. Hibati‑ya dai‑ya okaminamaro, okaminamatasaboneni. Haa‑nima mai ihi na, Deoso tabaro‑ya mai winateraboneni.

Efesiyo 5:3

Kirisito‑ka dai toha, dai ene amosahi. Dai tamine‑ya mai hiyariya, dai ene amosara tamine toharaboneni. Dai‑ka yibote ohare‑ta dai dakorabisa, yama dama dai kayawarihi, yama dama‑ya dai nokotonirihi, dai nahi. Kirisito‑ka dai toha, dai ene towe toha riyahi.

Koroso 1:13

Satanasi tabaro‑ya yama soki nafiteni. Hibati‑ya Satanasi ai‑ka hidi tohemari, Deoso ene ai‑ka hidi tohamare, Deoso Bidi amosabote ai‑ka Hidi tohawahene.

Koroso 3:5

Dai atibodi bote dai‑ya keyehe, ati dai nanahabahi. Mai fanawi one‑ya dai aharihi, mai makidi one‑ya mai fanawi dakorarihi. Mai tamine‑ya dai atibodi kadikarihi. Mai one‑ka yama‑ya dai nokotonirihi. Mai‑ka yama‑ya dai nokotoniya, deoso bare‑ya dai kahiyara‑nima dai nineni.

Timoti daidi 6:10

Yinero‑ya mai nokotonihe, mai ihi amosaraba awineni. Yinero‑ya ai one no‑nokotoni Deoso hawine‑ya mai sawimi awiramaroni. Hini mai ihi mai yawi kitawahamaroni.

Timoti daidi 6:17

Mai‑ka yinero dame, mai tihiyara, “Dai‑ya dai kahiyarariyahi. Dai‑ka yinero dai nokotoniriyahi. Deoso ati‑ta dai nofabisahi. Deoso ati dai nofiya, dai‑ka yamata‑bone‑ya dai‑ya daanebonane.” Tinahi.

Ebereo 13:4

Dai‑ka yibote‑ya dai fami ohare, mai one‑ya dai dakorariyahi. Mai one‑ya dai dakoriya, dai ene‑ya Deoso aweya, dai manakone wadaboneni. Dai manakone amosara, dai nofaraboneni.

Yeso Kirisito ene‑bona 21:8

Mai habi siitona ihi oka hawi‑ya mai sawira mai toha, owati‑ya mai tokadabara mai toha, mai ihi towe mai toha, mai one‑ya mai nanahaba mai toha, mai si‑siwa mai toha, madi mai‑ya mai ha‑haa mai toha, deoso bara mai‑ya mai ka‑kahiyara mai toha, keyehe‑ya mai hi‑hiri mai toha, mai na, wara hirini yati hirini sawi‑kaya mai sawibisaboneni. Mai abi oharimatasa‑nima mai na, mai kome fawaraboneni.” Hidi Webote ati nene.

Yeso Kirisito ene‑bona 22:15

Mai ihi towe mai toha, madi towe mai‑ya mai ha‑haa mai toha, mai si‑siwa mai toha, ai one‑ya mai na‑nanahaba mai toha, deoso bara mai‑ya mai ka‑kahiyara mai toha, keyehe‑ya mai no‑nofa mai toha, keyehe‑ya mai hi‑hiri mai toha, mai na, sidadi‑ya mai tokiyomateraboneni.