Efesiyo 5:32 - Deoso-ka Yama Hani

³² Ai fana tamine‑ya ohiyara, yama mai hiwatoramete tamine ohiyara, Yeso‑ka ai toha, Kirisito ai atibodi‑ya sawi tamine ohiyarahari oneni.

Efesiyo 5:32 ပူးပေါင်းရင်းမြစ်များ

Yeso Kirisito ene‑bona 21:2

Deoso‑ka sidadi oawani. Fara Yerosare yati amani. Neme‑ya Deoso tabaro‑ya yanana, kisani. Fadi‑bone bora amosa‑ya sakoteni, maki‑bona ya‑yainebonaha. Fara‑nima sidadi na, amosi nafeni.

Korito yoto‑ke 11:2

Mai fanawi fanabone, mai‑ka yibote‑bona‑ya mai nokotonihe, maki bare‑ya mai nokotoniterani. Dai okayawa, Kirisito‑ka dai tohabone, Deoso ati dai nofi oharebone, Satanasi ati dai nofarabone onamaroni.

Koroso 2:2

Dai atibodi ya‑yainabone, dai ibi nofi nafi nabone, Deoso‑ka yama nafi dai watabone, Kirisito tamine mai hiwatoremari dai watowahebonane.

Timoti daidi 3:16

Hibati‑ya Deoso Ati Amosabote tamine‑ya mai watoramete, Ati Amosabote‑ya mai watowahineni. Deoso Bidi i‑di Yeso Kirisito bofe‑ya kame ai owa tohe, ai abano‑nima abano tohe, Deoso‑ka Doni hikasome, ene amose hinama tohemarine. Bofe‑ya wine, Deoso‑ka yo‑yose mai hiawemarine. Ai tabaro nafi‑nima tamine mai hikaminawahane. Yeso ati‑ya mai dami nofawaha, Neme‑ya Deoso hiwakamemarine.

Yowaho 3:29

Ai‑ka no‑nofa fanebona, ya‑yaine, fadi‑bone‑ya famebonaha. Fane‑bona kobone ene ai ya‑yainahariteni. Yeso‑ka no‑nofa ama·oni. Yeso‑ya mai toka, oyawara, ya‑yai·oneni.

Efesiyo 6:19

Owa tamine‑ya Deoso‑ya dai hiyaraharihi. Yeso Ati Amosabote ohiyare, Deoso ati‑ya mai watoramete, ati mai hiwatowahebonane. Deoso owa‑ya kasomebona, owa habo siitorabone, owa tamine dai hiyarahi.

Timoti daidi 3:8

Deoso ati‑ya mai ka‑kanawato mai ihi amosa‑nima Deoso‑ka mai‑ya mai kasoma mai ihi tohaharihi. Keyehe‑ya mai hiririhi, kawi‑ya mai nokotonirihi, yinero‑ya mai nokotonirihi, mai nahi.

Efesiyo 5:31

Deoso‑ka yama hani ati dai mitahi. Eya dai naboneni. “Maki fana‑ya fame, badi, madi na, mai‑ya dabami awire, fadi‑ya famabise mai aboni ohari wama teni.” Deoso‑ka yama hani ati nineni.

Efesiyo 5:33

Makidi dai toha dai‑ka yibote mai dai nofahi. Dai‑ya dai nofi‑nima dai‑ka yibote mai dai nofahi. Fana dai toha dai‑ka yobote mai ati dai tokadabahi.