Efesiyo 5:3 - Deoso-ka Yama Hani

³ Kirisito‑ka dai toha, dai ene amosahi. Dai tamine‑ya mai hiyariya, dai ene amosara tamine toharaboneni. Dai‑ka yibote ohare‑ta dai dakorabisa, yama dama dai kayawarihi, yama dama‑ya dai nokotonirihi, dai nahi. Kirisito‑ka dai toha, dai ene towe toha riyahi.

Efesiyo 5:3 ပူးပေါင်းရင်းမြစ်များ

Mateo 15:19

Yama towe‑ya mai nokotonihe mai toha, mai one‑ya mai nanahaba mai toha, fana one‑ya mai ide mai toha, fana mai dama mai‑ya mai nokotonihe mai toha, yama‑ya mai bote mai toha, keyehe‑ya mai hirina mai toha, mai one‑ya mai weena mai toha na, mai atibodi ihi mai ihi towe toha teni.

Roka 12:15

Mai nafi‑ya hiyare, “Dai noko wadahi. Bofe‑ka yama dai nokotoniriyahi. Mai‑ka yama dama toha, mai‑ka yama dama mai‑ya kasomi nafira, mai one ohi, mai one aba nineni.” Yeso ati nematane.

Roka 16:14

Fariseo yinero‑ya mai nokotoniteni. Yeso ati‑ya mai mita, “Yeso yama‑ya watorane.” Mai ati nameteni.

Yeso‑ka yo‑yose mai tamine 15:20

Mai‑ka yama hani‑ba ai kanahanohi. ‘Mai‑ka deoso bare‑ka bani‑bona mai daahine‑ya dai kabarihi, mai fanawi one‑ya dai aharihi, bani emene abare eme dai kabarihi nahi.’ Ai‑ka yama hani ati naboneni.

Yeso‑ka yo‑yose mai tamine 20:33

Dai‑ya osawe, dai‑ka yinero, dai‑ka barata, dai‑ka oro, dai‑ka bora na‑ya okayaterani.

Homa 1:29

Yama towe‑ya mai atibodi nokotonihe, hini mai atibodi ati koboni‑ka yama‑ya mai nokotoni teni. Mahi‑nima mai ihi amosara, mai one‑ka yama‑ya mai nokotonihe, mai one‑ka yama‑ya mai kayafara, mai yawateni. Mai one‑ya mai kako, mai one‑ya mai nanahaba, mai ibi wee, keyehe‑ya mai hiri na, hini mai‑ya mai kahiyara, mai one noki‑ya mai one‑ya mai kahiyara, mai one noki beheri‑kaya mai one‑ya mai towe tonihi teni. Mai one tamine‑mone‑ya mai ibi narabi basateni.

Homa 16:2

Dai tabaro‑ya i‑di Febe koboniya, dai kasomahi. Yeso ati‑ya mai no‑nofa ai tabaro‑ya mai kobona, mai ai kasomateni. Dai tabaro‑ya kobona, yama hinofa dai daanahi. Ai owa mai dami‑ya i‑di Febe kasoma, owa‑ya kasomahari nineni.

Homa 6:13

Hibati‑ka dai aba, dai yati tohawaha, dai abano kobobona dai daanahi, Deoso‑ya. Dai abano kobobona ene amosaramaro‑nima dai riyahi. Deoso ati kobohina‑nima dai abano kobobona nawahabisahi.

Korito daidi 10:8

Mai fanawi one‑ya mai a‑aha mai ihi Deoso yawe, mahi ohari‑ya mai dama 23,000 mai toha, mai abawahameteni. Mai‑nima ai riyahi.

Korito daidi 5:1

Dai‑ka owa Yeso ati‑ya nofe‑mona ati ne, badi fadi‑ya famawahemonane. Yeso ati‑ya ai nofa haa‑nima ai ene terani. Bara Yeso tamine‑ya mai watora, haa‑nima mai ihi terani.

Korito daidi 6:13

Yamata‑ya Deoso nayanane, ai kababonehe. Yamata ai kababone, ai tefe weyene‑ya Deoso wama, ai nabadi‑ya wama nematane. Makobote Yeso kamataseya, ai fimimaraboneni. Hini yamata‑bone Deoso ai abano‑ya wamanamatati? Deoso‑ya ai kahiyarabone, ai‑ya kasomebona ai abano‑ya wamanematane. Ai ene amosarabone ai‑ya wamani awirematane.

Korito daidi 6:18

Fana one‑ya tiwati aha, kanatibisahi, tiaharabonehe. Ai ene amosara ai‑ya nakoma, fana one ai aha, ai kobobona mai tohawaha, mai ihi towe ai kayafateni.

Korito yoto‑ke 12:21

Dai tabaro‑ya kobo·oniya, dai ene amosara, dai tamine‑ya Deoso‑ya dai kaminara, dai ene oyawa, ohi·ona, Deoso owa‑ya weeneba awane. Dai owa‑ka yobote‑ya dai owa aha, mai fanawi one‑ka yibote‑ya mai one dakora namone, dai ene owatibodi komene kitaboneni.

Efesiyo 5:12

Yama soki‑ya mai wi‑wina, ai noko beheri‑kaya mai ihi towe tohateni. Mai ihi dai watinawi nofariyahi. Mai ihi tamine‑ya mai kaminiya, dai narabo‑ya dai barikanahi, mai ati dai mitarabonehe.

Efesiyo 5:5

Mai ihi amosara, mai fanawi one‑ya mai aha, mai makidi hini one‑ya mai aha, mai nana, yama dama‑ya mai kayawa, yama dama‑ya mai nokotonihi, mai nana, Deoso yokana‑ya mai kahiyari awira, deoso bare‑ya mai kahiyarabisa, Yeso Kirisito tabaro, Deoso tabaro ne‑ya mai winateraboneni.

Firibo 1:27

Dai ene‑ya mai awa, Kirisito ene‑nima dai ene na‑ya mai awiyahi. Dai tabaro‑ya kobo·ona, kobo·orihi ona, dai tamine omitaboneni. Dai ibi nofiya, Kirisito‑ka yama ani‑ya dai nafi aniniya, mai one Deoso ati‑ya mai nofaboneni.

Koroso 3:5

Dai atibodi bote dai‑ya keyehe, ati dai nanahabahi. Mai fanawi one‑ya dai aharihi, mai makidi one‑ya mai fanawi dakorarihi. Mai tamine‑ya dai atibodi kadikarihi. Mai one‑ka yama‑ya dai nokotonirihi. Mai‑ka yama‑ya dai nokotoniya, deoso bare‑ya dai kahiyara‑nima dai nineni.

Tesaronika daidi 4:3

Dai ene amosabone Deoso ati ne, dai ene amosiyahi. Tika yibote dai famabisahi. Fana mai one‑ya dai famawahariyahi. Mai‑ya dai siwakariyahi.

Tesaronika daidi 4:7

Deoso ai‑ya kadikemarine, ai ene towe toharabone, ai ene amosabonehe.

Timoti daidi 2:10

Dai ene‑ya mai awa, dai ene amosa, Deoso‑ya dai nofa mai watowahaboneni.

Timoti daidi 3:3

Kawi ihi towe toharihi, Yinero‑ya nokotonirihi, mai one‑ya nofa, mai one‑ya weerihi, tene.

Timoti daidi 6:10

Yinero‑ya mai nokotonihe, mai ihi amosaraba awineni. Yinero‑ya ai one no‑nokotoni Deoso hawine‑ya mai sawimi awiramaroni. Hini mai ihi mai yawi kitawahamaroni.

Timoti yoto‑ke 3:2

Hini mai‑ya mai nofa, ai one‑ya mai nofi awiraboneni. Mai one‑ka yamata‑ya mai kayawa naboneni. Yinero‑ya mai nokotonihe. “Amosabote ama·oni. Deoso ati kasiro ati oda nofi awirini.” Mai ati naboneni. Mai‑ka abi, mai‑ka ami na, mai ati‑ya mai nofaraboneni. Yama mai daahina ihi mai ya‑yaira, yama one‑ya mai nokotoniteni. Deoso ati‑ya mai nofaraboneni.

Tito 1:11

Keyehe‑ya mai hirineni, yinero‑ya mai kayafawahabonehe. Mai‑ya tiwati bariniyahi. Mai ati ihi yobe dami‑ya mai wi‑wina mai atibodi mai‑ya weeneni.

Tito 1:7

Ene amosare ai‑ya kanawatotere, ene amose‑ta ai‑ya kanawato tene. Hini‑ya kahiyare, Deoso‑ka mai‑ya kasoma, ai ati‑ya miteya, yawa kanibote ra, kawi ihi towe toharihi, ai one‑ya bisirihi, yinero‑ya nokotonirihi tene, tikadikayaho, Deoso‑ka mai‑ya kanawatobonaha.

Tito 2:3

Mai fanawi bote tikanawatohi, mai ihi amosawamaharebonehe. Mai one tamine‑mone‑ya mai hiyararihi, kawi ihi mai towe toharihi, mai naboneni. Mai one‑ya mai kanawata, mai ihi amosaboneni.

Ebereo 12:16

Dai ene amosahi. Dai‑ka yibote ohare‑ya dai famabisahi. Fana one‑ya dai famamakiriyahi. I‑di Esa‑nima dai riyahi. Deoso‑ka ka‑kasoma‑ya i‑di Esa nokotonire, sohori tefe bidi‑ya kanikebona, Deoso‑ka ka‑kasoma‑ya daanematane.

Bedoro daidi 5:2

Kaneiro ewete mai ai natafa‑nima Deoso‑ka mai‑ya dai kanawatohi. Mai‑ya dai kanawatabone, yinero ihi toharihi, mai one tiwa‑ya yose ihi toharihi, mai‑ya tinofa, mai‑ya dai kasomabone tohabisahi.

Bedoro yoto‑ke 2:10

Ai one Satanasi ati‑ya mai tokadaba, mai one‑ya mai nokotoniteni, mai‑ya mai ahabonehe. Mai‑ka hidi ati‑ya mai kaka, Satanasi‑ka madi mai kiti ba‑basi na mai toha, mai tamine‑ya mai weeni kofina, mai habi siitora, mai ihi‑ya Deoso kadikebonane.

Bedoro yoto‑ke 2:14

Mai fanawi‑ya mai ahabone mai nokotonihe, mai ihi amosara, Deoso ati‑ya mai fanawi one wato bide toha, mai‑ya mai keyeheteni, mai‑ya mai ahabonehe. Mai one yahi hone‑ya mai yaba, madehe narabi hawira‑nima mai na, hini mai ihi Deoso mai‑ya bisinebonane.

Bedoro yoto‑ke 2:3

Keyehe‑ya dai‑ya mai ka‑kanawato, hini mai ati‑ya dai‑ya mai kamineni, Deoso ati monaha. Yinero‑ya mai nokotonihe, keyehe‑ya mai hiriteni, dai‑ka yinero‑ya mai kayafabone, mai ihi‑ya Deoso watomata, mai manakone‑ya daaneya, mai ababoneni. Mai manakone daani‑ya Deoso fawaterebonane.

Yeso Kirisito ene‑bona 2:14

Dai ene amosa hinama tohi awirani. Baraho ati‑mari‑nima dai one ene tohanineni. Baraki‑ya i‑di Baraho kanawato, Yodeo mai‑ya Baraki kanawatomakimarine. Baraki ati ene deoso bara mai‑ka bani mai‑ya Yodeo mai kabamaro, fana bara mai‑ya Yodeo mai idiwaha namaroni.

Yeso Kirisito ene‑bona 2:21

Yesabeo ati‑maro‑nima ati na, fara‑ya nima·onani, ati amosawamabonehe. Yama amosawami‑ya nofarani.

Yeso Kirisito ene‑bona 21:8

Mai habi siitona ihi oka hawi‑ya mai sawira mai toha, owati‑ya mai tokadabara mai toha, mai ihi towe mai toha, mai one‑ya mai nanahaba mai toha, mai si‑siwa mai toha, madi mai‑ya mai ha‑haa mai toha, deoso bara mai‑ya mai ka‑kahiyara mai toha, keyehe‑ya mai hi‑hiri mai toha, mai na, wara hirini yati hirini sawi‑kaya mai sawibisaboneni. Mai abi oharimatasa‑nima mai na, mai kome fawaraboneni.” Hidi Webote ati nene.

Yeso Kirisito ene‑bona 22:15

Mai ihi towe mai toha, madi towe mai‑ya mai ha‑haa mai toha, mai si‑siwa mai toha, ai one‑ya mai na‑nanahaba mai toha, deoso bara mai‑ya mai ka‑kahiyara mai toha, keyehe‑ya mai no‑nofa mai toha, keyehe‑ya mai hi‑hiri mai toha, mai na, sidadi‑ya mai tokiyomateraboneni.

Yeso Kirisito ene‑bona 9:21

Hibati‑ka mai one‑ya mai nanahaba, madi towe mai‑ya mai haanihi, fana mai dami‑ya mai nokotonihi, maki mai dami‑ya mai nokotonihi, yama mai boti na, mai ihi towe fawani watorani.