Efesiyo 5:2 - Deoso-ka Yama Hani

² Kirisito ai‑ya nofe, ai manakone‑ya nanahabane, Deoso ai‑ya ati somawamebonaha. Kirisito ene yama mahi amosa‑nima nemona Deoso ati nematane. Kirisito ai‑ya nofi nafi, Kirisito ai‑ya nofi‑nima mai dai nofahi.

Efesiyo 5:2 ပူးပေါင်းရင်းမြစ်များ

Mateo 20:28

Dai‑ka Ayo neme‑ke‑nima dai nahi. Owa dai narifara, dai‑ya onarifabisateni. Mai dama mai ihi manakone‑ya onahababone, o·ababoneni.” Ati nemarine.

Yowaho 13:34

Owati dai mitahi. Dai ibi nofiyahi. Dai onofi‑nima dai ibi nofiyahi.

Yowaho 6:51

Neme‑ya okisamaroni. Baho‑nima ona ama·oni. Oka baho‑ya mai kaba, mai abateraboneni. Bofe‑ya dai wi‑wina dai‑ya okasomabone, oka baho daa·onaboneni. Oka baho owa eme tamine amani.” Yeso ati nemarine.

Homa 15:16

Owa‑ya Deoso yosemarine, Bara dai‑ya Yeso Ati Amosabote okaminabonehe. Yeso ati dai nofiya, Deoso‑ka Doni dai‑ya hawa toniya, Deoso‑ya dai‑ya daa·oniya, dai‑ya kayafawahebonane.

Homa 4:25

Yeso‑ya mai nanahabameteni, ai ene amosara ai manakone‑ya nanahabebonaha. Yeso‑ya Deoso nakitamematane, ai‑ya ati somawamebonaha.

Homa 8:3

Ai atibodi bote‑ya Mose ati namosaterene. Ai tabaro‑ya Deoso hini Bidi‑ya yose, ai abano‑nima Yeso abano ne, ene amose hinama, ai ene towe manakone‑ya nanahabematane. Ai atibodi yati‑ya Mose ati daaterene. Deoso‑ta ai atibodi yati‑ya daane, ai ene amosawama, yama towe ai nokotonimaraboneni.

Homa 8:37

Ai‑ya mai kaka, ai‑ya mai ati nanahaba na, Yeso ai‑ya nofi nafi, ai‑ya kasome, ai habo siitora, ai habo kiti ba‑basi na, ai ya‑yaiteni.

Korito daidi 16:14

Dai ibi nofa, dai ibi nofi fawariyahi.

Korito daidi 5:7

Dai owa ene amosare, hini‑ya kaminare, dai‑ya dabamarayaho, dai ene amosabonehe. Ene amosare dai‑ya dai dabareya, baho femeto kihara‑nima dai nawahaboneni. Hibati‑ya ai‑ka idi mai‑ya Deoso kakariwahemata, baho femeto kihara‑ta mai kababone Deoso ati ne, hibayata kaneiro bidi‑nima Yeso abe, ai manakone‑ya nanahabe, ai abarabonehe. Fare Deoso ai‑ya kakariwahe‑nima baho femeto kihara‑nima dai niyahi.

Korito yoto‑ke 2:14

Deoso kitabote tohe, ai kahiyarahi. Mai tabori dami‑ya oda toka, Satanasi mai yadihinamaro, Deoso ene mai oda seekana, yama mahi amosa ai hisina, ai ya‑yaina, fara‑nima Kirisito ati oda kamine, ati‑ya mai mita, mai ya‑yaiteni.

Korito yoto‑ke 2:15

Mai‑ya Kirisito ati oda kamina, oda ati‑ya Deoso mite, yama mahi amosa mahi‑nima oda ati toha, Deoso ya‑yainane.

Korito yoto‑ke 8:9

Ai‑ka Hidi i‑di Yeso Kirisito ene dai watoneni. Hibati‑ya neme‑ya wine, yama nafi‑ya kihe, makobote bofe‑ya kaki, bofe‑ya hika yama wadara, abe, ai manakone‑ya nanahabe, hibayata yama nafi‑ya mai kiha, mai‑nima ai nawaha, Deoso‑ka yama ai kayafawahabone, tosiyoteraboneni.

Karatiya 1:4

Ai ene amosara, tabora nafi‑nima ai ene towe namaro, ai manakone wada, ai ababoneni. Yeso ai manakone‑ya nanahabebona, ababisemarine. Hibati‑ya ai ene towe toha, Deoso ati ene ai manakone‑ya Yeso nanahabemari, Yeso ene ai ene amosawahaboneni.

Karatiya 2:20

Yeso abe, owa manakone‑ya nanahabemarine. Yeso abeya, Yeso eyehe o·aba‑nima onamaroni. Owa abano abara, hini owatibodi bote‑ta aba‑nima nineni. Yeso kitame, owatibodi yati‑ya winane. Owatibodi‑ya wine, Yeso ene‑nima owa ene nawahani. Deoso Bidi owa‑ya nofe, owa manakone‑ya nanahabe, ati onofe, ati‑nima owahani.

Efesiyo 1:4

Hibati‑ya yama‑ya Deoso wamani awisareya, ai‑ya kadike, Yeso Kirisito‑nima ai nawahabone, Yeso Kirisito‑ka ai toha, ai ene amosawama ai‑ya awebona ati nematane.

Efesiyo 3:17

Abi Deoso, Yeso ati‑ya mai no‑nofa mai atibodi‑ya Kirisito sawiwahane. Mai tinofi nafe, mai tikanawatoyahi. Mai tinofi fawatiterabone, tiwa tamine‑ya mai atibodi kadikiyahi, mai habi kitabonehe.

Efesiyo 3:19

Abi Deoso, Yeso Kirisito‑ka yama nofi‑ya mai wato nafiterabone, mai hiwato ba‑basi hinahi. Abi, tiwa ene Yeso yama hinofa‑ya mai nofiyahi.” Oteni.

Efesiyo 4:15

Keyehe‑ya ai hirira, Deoso ati yokana ai hiyarabisateni. Mai‑ya ai hiyara, mai ai nofa, ai‑ka Hidi i‑di Yeso Kirisito ene‑nima ai ene nawahaboneni.

Efesiyo 4:2

Hini tiwa‑ya tikahiyarariyahi. Dai owa dai kahiyarabisahi. Dai owa ene amosare, dai ati yawa kanibote ra, mai dai nofa, mai dai kasomabone, mai dai hiyarabisahi.

Efesiyo 5:15

Dai noko wadahi, dai ene amosabonehe. Yama‑ya mai watora mai ihi‑nima dai ene riyahi. Deoso ati‑ya mai wa‑wato mai ihi‑nima dai ene nibisahi.

Efesiyo 5:25

Makidi dai toha, dai‑ka yibote mai dai nofi nafihi. Kirisito ai‑ya nofi nafi, ai ene abematane. Kirisito ai‑ya nofi‑nima dai‑ka yibote mai dai nofahi.

Firibo 4:18

Oka yinero‑bona dai daaneya, i‑di Bafodito kakame ene oka yama damawahineni. Deoso‑ka yama‑bone‑ya ai daana, Deoso ya‑yaitene. Deoso‑ka yinero‑bona‑ya owa‑ya dai daana, dai ene Deoso ya‑yainebonane.

Koroso 3:14

Dai ibi nofi nafiyahi. Dai ibi nofi nafe, dai hinama tohaboneni.

Tesaronika daidi 4:9

Dai ibi nofabone, dai tamine okanahano awiraboneni. Deoso dai‑ya kanawato ene dai ibi nofateni.

Timoti daidi 2:6

Yama nafi hawa tohiya, Deoso ati ene Yeso kamemarine, ai nafi manakone‑ya nanahabebonaha. Fare tamine‑ya ai hiyarahi mai nafi‑ya.

Timoti daidi 4:12

Timoti, Yeso ati‑nima tiyahi. Yeso ati‑nima tiwati nahi. Yeso mai‑ya nofemari‑nima mai‑ya tinofa, tiwa‑ya mai kaka, tiwati yawariyahi. Deoso‑ta owa‑ya nofe, yama sibarabone tiwatibodi ati nahi. Mai fanawi nokotinirihi tinahi. Tiwa ene‑ya mai awaboneni. Yetene tiha, tiwa‑ya mai weeraboneni. Tiwa ene‑nima mai ihi nawahaba awineni.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Ebereo 8:3

Deoso‑ka yama‑bone‑ya mai da‑daa mai‑ka hidi Deoso‑ya bani‑ya mai daa, yama one‑ya mai daanamete, fare Deoso‑ya Yeso yama‑ya daanematane.

Ebereo 9:14

Fare Kirisito emene ai‑ya namosi nafibona, Kirisito ene amose hinama tohe, Deoso‑ka Doni hikasome ene ai manakone aba, hini emene‑ya Deoso‑ya daane ene ai ene amosaramaro, ai‑ya ai atibodi weenamaraboneni. Ai ene amosaramaro tamine‑ya Deoso kadikamaterebonane. Ai ene amosa, ai abamateraboneni. Deoso‑ya ai narifabisaboneni.

Ebereo 9:23

Bofe‑ka yama Deoso hikayahaboneya, bani mai ame‑ya mai ketehemeteni. Neme‑ka yama amosabisa, bani mai ame‑ya mai keteheterani. Yama amosa hinama‑ya yama‑ya ketehebisatene.

Ebereo 9:26

Faha fowe‑nima bani mai ame‑ya mai daanamete, mai‑nima Kirisito ne‑mana, abi dame namatane. Yama nafi hawa tohiya, hini emene‑ya daani oharibisematane.

Bedoro daidi 4:8

Dai ibi nofi nafihi. Ai ibi nofa, ai ene Deoso ya‑yainebonane. Mai ihi amosara mai dai nofa, mai ihi dai kadikara, mai dai nofaboneni.

Yowaho daidi 3:16

Deoso ai‑ya nofa, Yeso ai‑ya nofa ne, ai manakone‑ya nanahabemarine. Yeso ene ai awa, ai‑ya nofe‑ya ai watowahineni. Yeso ene‑nima ai ene na, ai‑ka mai ihi ai aba, ai sibaraboneni.

Yowaho daidi 3:23

Deoso ati dai mitahi. “Oka dao i‑di Yeso Kirisito ati dai nofiya, owati‑maro‑nima dai ibi nofahi.” Deoso ati nemarine.

Yeso Kirisito ene‑bona 1:5

Yeso Kirisito yama‑ya watone, yama hiwata tamine‑ya kaminawahane. Yeso kitame, abamaterebona, kitami daidi amane. Bofe‑ka hidi mai‑ka hidi webote amane. Fare okahiyarineni. Ai‑ya nofi nafibisane. Hibati‑ya ai ene amosara, ai barikana‑nima ai namaroni. Makobote Yeso abe, ai‑ya seekawahemarine.

Yeso Kirisito ene‑bona 5:9

Wayoma yati‑ya mai hirina, “Bebeo seetikanahi, yama barikani 7 kana‑ya wakatikanahi. Kitabote yokana amatini. Tiwa‑ya mai nanahabamaro, tabora nafi‑ka mai one tiwa emene‑ya mai tikanikamaro, Deoso‑ka mai tohabonehe. Tabora nafi‑nima mai‑ka mai one tikanikamaroni.