Efesiyo 5:18 - Deoso-ka Yama Hani

¹⁸ Kawi ihi dai towe tohariyahi. Dai towe tohiya, dai ene amosaraboneni. Deoso‑ka Doni dai‑ya sawi, ati dai tokadabeya, dai ene amosaboneni.

Efesiyo 5:18 ပူးပေါင်းရင်းမြစ်များ

Mateo 23:25

Ka! Mose‑ka yama hani ati‑ya dai ka‑kamina dai toha, fariseo dai toha na, dai ati kasiroteni. Dai ene manakone wadani. Keneko mese dai sorona, keneko doro dai awara‑nima dai ene na, mai noki‑ya dai ene amosabisa, dai atibodi towe tohabisineni. Yama‑ya mai bo‑boti mai toha, hini mai‑ya mai no‑nokotoni mai toha na, mai atibodi ati‑nima dai atibodi ati neni.

Mateo 24:49

mai one‑ya bisi, kawi‑ya mai fawa mai‑ya daba neya,

Roka 1:15

Yowaho Deoso hiyosewahebona, kawi‑ya fawarihi, fino‑ya fawarihi tebonane. Wadi awisareya, Deoso‑ka Doni sawibonane.

Roka 11:13

Dai ene kote towe toha, dai‑ka ewe‑ka yama amosa‑bone dai daateni. Deoso ene amose hinama tohe, Deoso‑ka Doni dai‑ya sawibona dai ati na, Deoso dai haaniya, yama‑ya daanebonane, ai‑ka Abi neme‑ke toheri.” Yeso ati nematane.

Roka 12:45

Hidi‑ya nimani nafiya, ‘Oka hidi kama kanibote re, kama kanibote ni awirebonane.’ Hika yo‑yose atibodi ati neya, mai makidi, mai fanawi mai na, mai‑ya bisi, kawi‑ya fawa neya,

Roka 21:34

“Dai noko wadahi. Dai siwariyahi. Kawi dai fawariyahi. Yinero dai nokotoniriyahi. Yama dama dai nokoniya, yama yanani kanibote na ihi yama we‑wee‑kaya dai saweboneni.

Yowaho 2:10

Fanebona‑ya hidi hiyare, “Fino fawi amosa ai daani baha, mai towe tohi bide tohiya, fino fawi to‑tobaramana ai daanamakitasateni. Ai owa ene‑nima tiwa ene ra, fino fawi amosa‑ya tinayotoneni.” Ati nemarine.

Yeso‑ka yo‑yose mai tamine 11:24

Banabe ene amose, Deoso‑ka Doni fai‑ya sawi, Deoso ati‑ya nofi nafi, ati ene Yeso ati‑ya mai dami nofawahamoneni.

Homa 13:13

Yama tehe‑ka ai toha, ai ene amosa, Yeso koboni hawa tohe‑nima ai ene nahi. Mai ai weerihi, ai yawarihi, kawi ihi ai towe toharihi, ai‑ka yibote mai awira mai‑ya ai dakorarihi, mai‑ka yibote mai ai aharihi, ai‑ka yibote‑ta ai famabisa, ai nahi.

Korito daidi 11:21

Dai yorotokana, dai tafabone, dai one‑ya dai nimani awira, “Ai tafi dai tohiya, mai tafi yotaboneni.” Dai ati na, Dai tafi dai toha, yamata nafi‑ya dai tonasiya, mai yota, mai tafe‑bone wadara, mai fimi, dai one fino nafi‑ya fawa, fino‑ya mai tonasiya, fino ihi mai towe tohawaha, mai yota, mai‑ka fino‑bone wadara, mai baki hokoneni.

Korito daidi 5:11

Yeso ati‑ya mai nofa‑mone mai ati na, mai ihi amosara, dai yorotokana, Deoso dai hiyarabone, dai‑ya mai dabarihi. Mai fanawi one‑ya mai a‑aha, mai makidi one‑ka mai a‑aha, kawi ihi mai towe toha, mai one‑ka yama‑ya mai kayafa, mai one tamine‑mone‑ya keyehe‑ya mai hiri, deoso bare‑ya mai ka‑kahiyara, yama‑ya mai boti mai na, dai‑ya mai dabarihi, mai tabori‑ya dai tafarihi nahi.

Korito daidi 6:10

Yama‑ya mai bo‑boti mai toha, hini mai‑ka yama‑mone‑ya mai ibi to‑tokatowe mai toha, kawi‑ya mai no‑nokotoni mai toha, mai one tamine‑mone‑ya keyehe‑ya mai hi‑hiri mai toha, mai na, Deoso tabaro‑ya mai winateraboneni.

Tesaronika daidi 5:7

Mai amona, yama soki‑ya mai amoteni. Kawi ihi mai fawa, yama soki‑ya mai towe tohateni.

Tito 1:6

Mai tikadika, eya mai ihi nahi. Mai ihi amosa‑ta mai tikadikiyahi. Fadi ohare toha, ati fadi hinofa, ati hika madehe hinofa, Yeso ati‑ya hika madehe nofa na, tikadikabisayaho. Hika madehe ati kasira‑ta tikadikarayaho.