Efesiyo 5:16 - Deoso-ka Yama Hani

¹⁶ Hibayata mai ati kasira, mai dama, mai dai hiyarahi, Yeso ati‑ya mai nofiya, mai ihi amosawamabonehe.

Efesiyo 5:16 ပူးပေါင်းရင်းမြစ်များ

Mateo 25:17

Yinero webote fame‑ya kayafe yama‑ya kanike, yama‑ya daanamaki, haa‑nima ne hika yinero webote famamaki‑ya kayafane.

Yowaho 12:35

“Dai amoni fa‑famaraba niya, dai tabaro‑ya yama wahi tohasa naboneni. Yama wahi tohasa ni‑ya dai yakanahi. Yama soki kobonaboneni. Yama soki‑ya mai ya‑yaka mai toki‑ka yama‑ya mai watorani.

Homa 13:11

Owati‑nima dai na, dai dodafi, mai a‑amo‑nima dai riyahi. Hibati‑ya Yeso ati‑ya ai nofa yati tohiya, Yeso ai awabone nahorebona, hibayata ai amoni fa‑famaraba nibisa, Yeso ai awaboneni.

Korito daidi 7:26

Hibayata Deoso ati‑ya ai no‑nofa ai‑ya mai kaka, dai fanaramaro, dai fanariya, yama amosabone owatibodi ati nineni.

Karatiya 1:4

Ai ene amosara, tabora nafi‑nima ai ene towe namaro, ai manakone wada, ai ababoneni. Yeso ai manakone‑ya nanahabebona, ababisemarine. Hibati‑ya ai ene towe toha, Deoso ati ene ai manakone‑ya Yeso nanahabemari, Yeso ene ai ene amosawahaboneni.

Karatiya 6:10

Yama‑ya mai kihara mai dai kasomahi. Dai‑ka yama dama, dai one‑ka yama‑ba dai daanahi. Yeso ati‑ya mai nofara mai dai kasomi bi‑bidi, Yeso ati‑ya mai no‑nofa mai dai kasomi ba‑basi nahi.

Efesiyo 6:13

Fara mai ihi Deoso‑ka bora kita dai sakonahi. Bora sakoni dai hawa toha, dai naha, Satanasi‑ka dai‑ya keyehe‑ya mai hirikana, mai ati dai nofaraboneni. Fara bora ihi dai habo siitora, dai habo kitabisaboneni.

Efesiyo 6:15

Sabata‑ya sodado mai sakoteni, mai tame yama hiidarabonehe. Fara‑nima Deoso mai‑ya ati somawamebona tamine dai kaminabone, Deoso ati dai wato ba‑basi nahi. Deoso ati‑ya dai wata, sabata sakoni hawa tohe‑nima dai naboneni.

Koroso 4:5

Deoso ati‑ya mai nofara mai‑ya dai hiyarahi. Kirisito tamine mai‑ya dai hiyarahi. Dai ene‑ya mai awiya, Kirisito tamine‑ya mai nofawahaba awineni. Dai ene amosiya, Deoso ati‑ya mai nofawahaba awineni.