Efesiyo 5:11 - Deoso-ka Yama Hani

¹¹ Mai ihi amosara yama soki‑ya mai wi‑wina, mai‑ya dai dabariyahi. Dai ene mai ihi amosara‑ya mai watomakiyahi.

Efesiyo 5:11 ပူးပေါင်းရင်းမြစ်များ

Mateo 18:15

Dai owa ene amosare, ohari tihiyaraho. Ene amosare tihiyare, tiwati‑ya nofeya, yama amosaboneni. Dai ya‑yainaboneni.

Roka 3:19

Karireya‑ka mai‑ka hidi i‑di Erodi tohe, ene towe dame, anidi fadi i‑di Erodiasi‑ya famawahematane. Ene towe dama ihi i‑di Yowaho weehinematane.

Yeso‑ka yo‑yose mai tamine 26:18

Owa tamine Bara mai‑ya tihiyariya, mai noki weetokana‑nima mai nabone, hibayata yama soki‑nima na‑ya mai wina, tiwati‑ya mai mitiya, yama tehe‑nima na‑ya mai winawahaboneni. Satanasi‑ka mai tohamarabone, Deoso‑ka mai tohaboneni. Mai‑ya owati somawamabone, owati‑ya mai one nofa‑nima yama amosa‑ya mai kayafaboneni.’ Yeso ati nemarine.

Homa 13:12

Yama soki‑nima mai dama mai ihi tohasa nineni. Dai‑ta yama soki‑ya mai wi‑wina mai ihi‑nima dai ene riyahi. Dai ene amosahi. Yama wahabisari‑ya mahi kaki nahore ai wato, fare‑nima hibayata Yeso koboni nahorebona ai watoharine. Deoso‑ka bora kita dai sakona, Yeso kobonebona dai‑ya dai hawa toniheboneni. Yama wahi yanatoni‑ya Sodado mai‑ka bora kita‑ya mai sakona, mai hawa tohabone, mai‑nima Deoso‑ka bora kita dai sakonahi.

Homa 16:17

Oka soho dai toha, owati dai mitamakihi. Dai‑ya mai kanawata mai ati ihi dai ebekanabone, mai ati dai nofariyahi. Yeso ati dai mitamaro, ati‑nima mai ati ni awira, mai ati dai nofariyahi.

Homa 6:21

Dai ene‑maro manakone hini yamata‑ya tohibati? Dai ene‑maro manakone dai ababoneni. Hibayata dai ene‑maro dai nofami awira, dai ene‑maro tamine kadikami dai nofarihi nineni.

Karatiya 6:8

Ai owa hini atibodi bote ati amosare‑ya tokadabe, abeya, Deoso tabaro‑ya winaterebonane. Madi mai tabori‑ya winawahebonane. Ai owa Deoso‑ka Doni ati‑ya nofe, Deoso ati‑ya tokadabe, abeya, Deoso tabaro‑ya winebonane.

Efesiyo 4:22

Dai atibodi bote ati‑ya dai tokadabamariyahi. Dai atibodi bote, yama towe‑ya nokotonihe. Bora bisa toha, taninisa‑nima dai atibodi bote dai nihi.

Efesiyo 5:12

Yama soki‑ya mai wi‑wina, ai noko beheri‑kaya mai ihi towe tohateni. Mai ihi dai watinawi nofariyahi. Mai ihi tamine‑ya mai kaminiya, dai narabo‑ya dai barikanahi, mai ati dai mitarabonehe.

Efesiyo 5:7

Mai ihi amosara, mai‑ya dai dabariyahi.

Koroso 1:12

Deoso‑ka dai toha, Deoso ene Deoso‑ka yama‑ya dai kayafabone, Deoso tabaro‑ya yama wahi nafiteni. “Abi Deoso, amosabote amatini. Tika madehe oda amani. Oda ya‑yainineni.” Dai ati nahi.

Tesaronika daidi 5:7

Mai amona, yama soki‑ya mai amoteni. Kawi ihi mai fawa, yama soki‑ya mai towe tohateni.

Tesaronika yoto‑ke 3:14

Oda‑ka yama hani ati‑ya mai nofara, mai‑ya dai kadikiya, mai‑ya dai sawimarihi. Mai‑ya dai dabamarihi niya, mai atibodi hini mai‑ya weeniya, yama‑ya aninawahaba awineni.

Tesaronika yoto‑ke 3:6

Oka soho dai toha, owati dai mitamakihi. Yeso ati‑ya mai nofa‑mone mai ati na, Yeso ati‑ya mai tokadabara, refo ihi yama‑ya mai anira, mai‑ya dai dabariyahi. Ai‑ka Ayo i‑di Yeso Kirisito ati nemarine.

Timoti daidi 5:20

Ai‑ya ka‑kanawato ene amosare‑ya weetiyaho. Deoso‑ka mai yorotokana, mai noki‑ya ai‑ya ka‑kanawato weetiyahi. Ai‑ya ka‑kanawato ene‑nima mai ihi rabonehe.

Timoti daidi 5:22

Deoso ati‑ya mai hiyarabone mai ati na, mai ihi tiwibaiyahi. Mai ihi amosiya, mai tati‑ya tiwa yehe foriya, “Deoso ati tihiyariyahi.” Tinahi. Mai ihi amosara, mai tati‑ya tiwa yehe foririyahi. Tiwati yanariyahi. Ene amosare tati‑ya tiwa yehe foriya, tiwa‑ya mai awiya, tiwa‑ya mai weenaboneni. “Ene amosare ene‑nima ene nawahene.” Mai ati naboneni. Tiwa ene amosa hinama tohiyahi.

Timoti daidi 6:5

Yeso ati‑ya mai nofara, “Yeso ati oda ati nofa, mai oda kanawatoya, yinero nafi oda kayafaboneni.” Mai atibodi ati na. Mai ihi Yeso ati‑ya mai one nofara, mai ibi ati tokatoweboneni.

Timoti yoto‑ke 3:5

“Deoso‑ka ama·oni.” Mai ati na, Mai ihi amosawamara. Timoti, mai‑ya tisawiriyahi.

Timoti yoto‑ke 4:2

Deoso ati tihiyara, tiwati fawariyahi. Deoso ati‑nima mai ni awiriya, mai weetiyahi, Deoso ati‑nima mai nabonehe. Tiyawariyahi. Hiniya mai tikanawatobisahi, Deoso ati‑ya mai nofabonehe.

Tito 2:15

Tito, eya tinahi. Mai tikanawata, mai ihi amosara mai weetinahi, mai ihi amosabonehe. Mai tikasomahi, Yeso ati‑ya mai nofawahabonehe. Yeso ati tihiyariya, tiwati‑ya mai mitiyahi.

Yeso Kirisito ene‑bona 18:4

Neme‑ya ati yanane, “Oka dai amani, Babironi‑kaya dai sawimariyahi. Babironi‑ka mai ihi‑nima dai ene riyahi. Babironi‑ka mai wee·oniya, dai sawiriyahi.