Efesiyo 4:9 - Deoso-ka Yama Hani

⁹ Hini yamata‑nima Kirisito winitoname, tokominati? Hibati‑ya Deoso tabaro‑ya Kirisito wine, ai tabaro‑ya kise, abe, wami bodi‑ya toke,

Efesiyo 4:9 ပူးပေါင်းရင်းမြစ်များ

Mateo 12:40

Hibati‑ya aba doro‑ya i‑di Yona foye, mahi, yama soki na 3 kane‑ya aba doro‑ya foye, aba saahinamematane. Fare‑nima onabone, hodi‑ya ofoyabone, mahi 3 kane‑ya okitamaboneni. Dai‑ka Ayo neme‑ke ama·oni.” Yeso ati nemarine.

Yowaho 20:17

“Hibareya owa damatiriyahi. Okobi‑ya okomi awisa orani. Oka soho mai‑ya tikamiya, mai tihiyarahi. ‘Ai‑ka Abi‑ya okomabone, ai‑ka Deoso‑ya okomaboneni. Ati nene.’ Tiyahi.” Yeso ati nematane.

Yowaho 3:13

Deoso tabaro dai awara, dai‑ka Ayo neme‑ke ama·oni. Deoso tabaro‑ya owinamaroni.

Yowaho 6:33

Neme‑ya yanane, bofe‑ya kise, ene dai abarabone, fare Deoso‑ka baho amane.” Yeso ati nemarine.

Yowaho 6:38

Bofe‑ya okemaroni, Okobi ati‑nima onabonehe. Owa‑ya yose‑mari ati‑nima oteni. Hini owati‑nima oterani.

Yowaho 6:41

“Neme‑ka baho ama·oni.” Yeso ati ne, ati‑ya mai one nofara, Yeso tamine‑ya mai ibi hiyara,

Yowaho 6:51

Neme‑ya okisamaroni. Baho‑nima ona ama·oni. Oka baho‑ya mai kaba, mai abateraboneni. Bofe‑ya dai wi‑wina dai‑ya okasomabone, oka baho daa·onaboneni. Oka baho owa eme tamine amani.” Yeso ati nemarine.

Yowaho 6:58

Neme‑ka baho amosabote ama·oni. Mana‑ya ai‑ka idi mai kaba, mai abametemoneni. Oka baho‑ya mai kaba, mai abateraboneni.” Yeso ati nemarine.

Yowaho 6:62

Neme‑ya dai‑ka Ayo tokomisame dai awiya, owati dai nofaraba awineni.

Yowaho 8:14

“Owa tamine ohiyara, sibaraboneni. Keyehe‑ya hiri·oterani. Yana·omaro‑ka yama dai watora, owa‑ta owatobisineni. Oki‑bone‑ka dai watora, owa‑ta owatobisineni.

Ebereo 2:7

Hibati‑ya bofe‑ya ai‑ka Ayo wineya, Deoso ene ai‑ka Ayo kiti bi‑bidi, amosi bi‑bidi noko wehene bi‑bidi nematane. Makobote Deoso‑ka yo‑yose mai kiti‑ya kiti fiyakana, mai amosi‑ya amosi fiyakana, mai noki wahi‑ya noko wehene fiyakana nane.’ Ai owa ati ne, ati‑ya kanahanomatane.

Ebereo 2:9

Hibayata yama ai watoneni. Yeso bofe‑ya wine, ai‑nima ne kiti bi‑bidi, bofe‑ya wineya, Deoso‑ka yo‑yose mai kiti ba‑basi, Yeso abe, ai nafi manakone‑ya nanahabe, Deoso hinakitame, hini kiti tohamatase, abamaterebona, amosabote tohawahene.