Efesiyo 4:6 - Deoso-ka Yama Hani

⁶ Deoso ai‑ka Abi ohari, yama nafi‑ka Hidi tohe, Yeso ati ai no‑nofa ai nafi‑ya Deoso sawi, yama nafi‑ya ene tohane.

Efesiyo 4:6 ပူးပေါင်းရင်းမြစ်များ

Mateo 6:13

Tiwa ene yama amosara oda nokotoniriyahi. Oda nafi‑ka hidi tihawahabone, kitabote amatini. Amosabote amatini. Yama maakani awirabone, fara amosineni.’ Dai atiyahi.

Mateo 6:9

Deoso‑ya dai hiyarabone, eya dai atiyahi. ‘Abi, neme‑ya tiwina, amosabote amatini.

Yowaho 14:23

“Owa‑ya mai no‑nofa, owati‑ya mai tokadababoneni. Owati‑ya mai tokadaba mai‑ya Okobi nofebonane. Okobi oda fama mai wini‑kaya oda winaboneni.

Yowaho 17:26

Mai‑ya tiwa yofi·okanamaro, tiwa yofi·okateboneni. Tiwa‑ya mai wato, owa tinofi nafe‑nima mai ibi nofabone, mai‑ya osaweboneni.” Yeso ati nemarine.

Yowaho 20:17

“Hibareya owa damatiriyahi. Okobi‑ya okomi awisa orani. Oka soho mai‑ya tikamiya, mai tihiyarahi. ‘Ai‑ka Abi‑ya okomabone, ai‑ka Deoso‑ya okomaboneni. Ati nene.’ Tiyahi.” Yeso ati nematane.

Homa 11:36

Yama ai kiha‑ya Deoso daanemari, yama nafi‑ka hidi amane. Ai kahiyare, ai kahiyari fawarayaho. Feye amani.

Korito daidi 12:6

Deoso ati ene yama bara‑ya ai owa wato, yama bara‑ya ai owa wato tene. Deoso ati ene yama ai watoteni.

Korito daidi 8:6

Bofe‑ka mai‑ka deoso mai dama, Deoso yokana ohari, ai‑ka Abi amane. Yama nafi‑ya Deoso wamanemata, fare ai kahiyarahi. Deoso Bidi yokana i‑di Yeso Kirisito ai‑ka Hidi yokana oharine. Yama nafi‑ya wamanemata ene ai hasinineni.

Korito yoto‑ke 6:16

Mai‑ka deoso hiniya wamane, Deoso yokana tabaro‑ya sawiterene. Deoso yokana tabaro ai toha, deoso hiniya wamane‑ya ai sawiriyahi. “Oka mai toha, mai atibodi‑ya osawe, mai eyehe yaka·onaboneni. Mai‑ka Deoso ama·oni.” Deoso ati nematane.

Efesiyo 1:21

Deoso kitabote toha, Yeso Kirisito kitabote toha nane. Webote mai one toha, hidi mai toha na, mai kiti bi‑bidi, Deoso‑ka yo‑yose mai toha, madi mai toha, mai na, mai kiti bi‑bidi, bofe‑ya mai wi‑wina, neme‑ya mai wi‑wina, mai na, mai kiti bi‑bidi nineni. Kirisito‑ta kiti nafibisane. Kirisito oni amosabotebisa amane. Hibayata Kirisito kitabote tohe, makobote Deoso tabaro‑ya ai koboniya, Kirisito kitabote tohebona, kiti fawaterebonane.

Efesiyo 2:22

Bara dai tohamara, Deoso‑ka Doni dai‑ya sawi, Deoso‑ka yobe amosabote kote dai toha, kote oda toha nineni.

Efesiyo 3:17

Abi Deoso, Yeso ati‑ya mai no‑nofa mai atibodi‑ya Kirisito sawiwahane. Mai tinofi nafe, mai tikanawatoyahi. Mai tinofi fawatiterabone, tiwa tamine‑ya mai atibodi kadikiyahi, mai habi kitabonehe.

Efesiyo 6:23

Kirisito‑ka dai toha, dai‑ya onofineni. Ai‑ka Abi i‑di Deoso, Bidi i‑di Yeso Kirisito‑ya fame, dai‑ya mai kasoma, dai ibi nofa, dai ati soma,

Yowaho daidi 3:24

Deoso ati ai nofa, ati ai tokadaba, Deoso‑ka Doni ai‑ya sawitene. Deoso‑ka ai toha, ai‑ya sawi ai watotene.