Efesiyo 4:5 - Deoso-ka Yama Hani

⁵ Ai‑ka Hidi ohari ati ai nofiya, Yeso‑ka ai tohawaha, Yeso ati ene ai nafi‑ya mai habanirisiteni.

Efesiyo 4:5 ပူးပေါင်းရင်းမြစ်များ

Mateo 28:19

Mai tabori dami‑ya dai tokahi. Owa tamine dai hiyarahi. Mai‑ya dai habanirisahi. Okobi, Deoso Bidi, Deoso‑ka Doni ne oni‑ya mai weyenaboneni.

Yeso‑ka yo‑yose mai tamine 10:36

Hibati‑ya Deoso Bidi‑ya yosene, Isara·eo‑ka nodi mai‑ya Ati Amosabote hikaminebonaha. Yeso Kirisito ati‑ya mai nofa, Deoso mai‑ya ati somawamebonane. Fare‑nima Yeso Kirisito ati dai nofa, Deoso dai‑ya ati somawamaharibonane.

Yeso‑ka yo‑yose mai tamine 2:36

Isara·eo‑ka nodi dai toha, yama dai watohi! Yeso dai baakanemari, Deoso ene ai nafi‑ka Hidi tohe, Kirisito amane. Dai ati kadamowamariyahi.” Bedoro ati nane.

Homa 3:30

Deoso ohari‑ta tohe, Yeso ati‑ya Yodeo mai nofa, mai‑ya Deoso ati somawama, Yeso ati‑ya Bara mai nofa, mai‑ya ati somawamahari tene.

Korito daidi 1:13

Kirisito‑ka ai toha, ai ebekiterani. Dai manakone‑ya onahabarihi, awa‑ya owa‑ya mai baakarihi namaroni. Faha‑ya dai‑ya mai habanirisa, owa oni‑ya dai weyetini? Owa oni‑ya dai weyeterani.

Korito daidi 1:2

Korito‑ya dai wi‑wina, tabora bara‑ya dai wi‑wina dai na, Deoso ati dai no‑nofa, Yeso Kirisito ene Deoso dai‑ya haane, dai‑ya kayawe, oda‑ka hidi tohemari, dai‑ka hidi tohahariwahe, oda‑ka yama hani dai kadikahi.

Korito daidi 12:13

Hibati‑ya Yodeo ai one toha, Kereko ai one toha, ai‑ya mai ka‑kanika ai one toha, ai‑ya mai kanikara ai one toha namaroni. Makobote Deoso‑ka Doni ene Yeso kobobone ai tohawaha, fara hinama ai‑ya Deoso‑ka Doni sawiwahane.

Korito daidi 12:5

Ai‑ka yama anini damateni. Ai owa yama bara‑ya ani, ai owa yama bara‑ya ani ne, ai‑ka Hidi‑ta oharibisa tene.

Korito daidi 8:6

Bofe‑ka mai‑ka deoso mai dama, Deoso yokana ohari, ai‑ka Abi amane. Yama nafi‑ya Deoso wamanemata, fare ai kahiyarahi. Deoso Bidi yokana i‑di Yeso Kirisito ai‑ka Hidi yokana oharine. Yama nafi‑ya wamanemata ene ai hasinineni.

Korito yoto‑ke 11:4

Deoso Bidi i‑di Yeso ai manakone‑ya nanahabemata tamine dai‑ya oda kaminamaro, mai one dai tabaro‑ya kobona, Yeso oni‑ya mai hirina, Yeso bare tamine‑ya mai kamina, mai ati dai nofamoneni. Doni mai ati‑mone mai ati na, Deoso‑ka Doni ati tohi awire, ati dai nofamoneni. Deoso ati‑mona ati‑ya mai kamina, Deoso Ati Amosabote oda kaminemari, ati‑nima mai ati ni awira, mai ati dai nofamoneni.

Karatiya 5:6

Yeso Kirisito‑ka ai toha ai sowiri tati ataro‑ya mai wisinakosa, ai‑ya kasomarihi, mai wisinakosara, ai‑ya kasomarihi, Yeso ati ai nofa, mai one ai kasoma na ai‑ya kasomabisateni.

Efesiyo 4:13

Ai ibi kasomiya, Deoso Bidi i‑di Yeso tamine‑ya ai nafi wato ba‑basi naboneni, ati ai nofi ba‑basi nebonaha. Mai hawa toha, mai‑nima ai atibodi hawa tohabone, Yeso ene‑nima ai ene nawawahaboneni.

Firibo 2:11

“Yeso Kirisito ai‑ka Hidi amatini.” Mai dami ati naboneni. Ai‑ka Abi i‑di Deoso‑ya mai kahiyaraboneni.

Firibo 3:8

Yama anini manakone noko·onihemaro, yama anini manakone noko·onimateraboneni. Oka Ayo Yeso Kirisito noko·onibisa oneni. Hibati‑ka oka yama dama tohamaro, Kirisito ati onofa ene oka yama nafi fawanawahani. Sibarini. Yama one onofamaraboneni. Kirisito ati onofe ene yama one onofami awira, Kirisito‑ta owato ba‑basi nabonehe.

Tito 1:1

I‑di Baoro ama·oni. Deoso‑ka yama anini‑ya ani·oteni. I‑di Yeso Kirisito owa‑ya yosemari, Deoso mai hikayawamaro, mai okanawataboneni. Deoso ati‑ya mai watabone, Deoso ati‑ya mai tokadaba nabone, mai okanawataboneni.

Tito 1:4

Tito, tika yama hani‑bone okanahana, tikadikiyahi. Oka dao owa amatini. Deoso ati ohiyara, owati‑ya timita, Deoso ati tinofawahamaro, tiwa oka dao onamaroni. Ai‑ka abi i‑di Deoso, ai‑ka ayo i‑di Yeso Kirisito mai na, tiwa‑ya mai kasoma, tiwatibodi tiwa‑ya weerabone, Yeso Kirisito tiwa manakone‑ya nanahabemari, tiwa‑ya kasomebonane.

Ebereo 13:7

Hibati‑ya Deoso tamine‑ya dai‑ya mai kaminamaro, mai tamine dai kadika, mai ihi amosa, mai ihi‑nima dai ene namakiyahi.

Ebereo 6:6

Deoso ati‑ya mai nofami awira, awa‑ya Yeso Kirisito‑ya mai baakanamatasa‑nima mai nineni. Fara ihi Kirisito‑ya mai one hahakanaboneni.

Tiyako 2:18

Deoso ati‑ya dai ati nofa, feye amani dai ati na. Hiniya Deoso ati‑ya dai ati nofa, dai‑ya mai watoraboneni. Deoso ati onofe, ati okadabe, owa ene‑ya mai awiya, Deoso ati onofa, owa‑ya mai watowahaboneni.

Bedoro daidi 3:21

Ai‑ya mai habanirisa ihi ai besene fawara, Deoso‑ya ai tamine ai kamina ai‑ya ati somawame, ai atibodi besene fawateni. Ai‑ya mai habanirisa, ai‑ya mai one awiya, Deoso ati ai nofa ai‑ya mai watowahaboneni. “Owati‑ya dai nofa, dai‑ya mai habanirisahi faha‑ya.” Deoso ati nematane. Dai atibodi dai‑ya weerabone, dai‑ya mai habanirisahi. Yeso Kirisito kitamemari‑nima ai kitamahareboneni.

Bedoro yoto‑ke 1:1

Simaho Bedoro Yeso Kirisito‑ka yo‑yose ama·oni. Owa‑ya yosemarine, ati okaminebonaha. Deoso, Bidi‑ya fame amosabote mai toha, Deoso ati dai nofa, Yeso Kirisito ati‑ya dai nofahari, dai na, oda‑nima dai na, dai‑ka yama hani‑bone okanahanowahaboneni.

Yoda‑ka yama hani 1:20

Owati dai mitahi. Oka dai toha, Yeso Kirisito ati dai nofa, ati dai nofi nafiyaho, Yeso Kirisito‑nima dai nawahabonehe. Deoso‑ka Doni dai‑ya sawi, ati ene Deoso dai hiyarahi.

Yoda‑ka yama hani 1:3

Hibati‑ya dai‑ka yama hani‑bone okanahanabone onamaroni. Deoso ai‑ya nofe, ai‑ya ati somawame tamine okanahanabone onamaroni. Deoso ati yokana‑ya ai‑ya mai kaminamaro mai ati dai fawani awiraboneni, yama bara‑ya mai kamina mai ati dai nofarabone tamine okanahanobisaboneni.