Efesiyo 4:22 - Deoso-ka Yama Hani

²² Dai atibodi bote ati‑ya dai tokadabamariyahi. Dai atibodi bote, yama towe‑ya nokotonihe. Bora bisa toha, taninisa‑nima dai atibodi bote dai nihi.

Efesiyo 4:22 ပူးပေါင်းရင်းမြစ်များ

Homa 6:6

Hibati‑ya ai ene amosara, ai ene Yeso awa‑ya abemata, ati ai nofa, Yeso ene hibati‑ka ai aba, ai yati tohawaha ai‑ya ai watoneni. Hibati‑ka ai‑nima ai namara, ai atibodi bote kiti fawana, ai‑ka hidi tohamara, ai atibodi yati kitawaha, ai ene amosawamaboneni.

Homa 7:11

Owatibodi bote owa‑ya keyeheteni. Mose‑ka yama hani‑ya tokadababone ati na, Mose ati‑ya tokadabara ihi o·ababone owatowahani.

Korito yoto‑ke 11:3

Hibayata dai tamine omita, owa habo siitoneni. Hibati‑ya i‑di Efa i‑di Satanasi ati‑ya nofamete‑nima Satanasi ati dai nofawahaba awineni. Satanasi ati dai nofa‑mani, Kirisito ati ohari dai nofara neni.

Karatiya 1:13

Hibati‑ka owa tamine dai mita awineni. Deoso‑ka mai onofara, Yodeo mai ati‑ya onofa, Yodeo mai ihi‑nima owa ene na, Deoso‑ka mai‑ya okako, mai‑ya wee, mai‑ya bisi onamaroni, Yeso ati‑ya mai nofarabonehe.

Efesiyo 2:3

Fara mai ihi‑nima ai nafi ene namaro, ai atibodi bote ati ai tokadaba, mai ihi‑nima ai ene na, ai ene amosara ene ai‑ya Deoso yawematane.

Efesiyo 4:17

Ai‑ka Hidi, i‑di Kirisito ati dai mitahi. Hibati‑ya Bara mai one ihi‑nima dai ene namaro, haa‑nima dai ene namariyahi.

Efesiyo 4:25

Dai one‑ya dai hiyara, dai ati amosahi. Dai‑nima dai one na, mai‑ya keyehe‑ya dai hirikariyahi.

Efesiyo 4:31

Mai‑ya dai kakorihi, dai ati bida‑ya mai dai daarihi, dai nahi, dai ati komene‑ya mai awarabonehe. Mai dai keyeherihi, dai ati ene mai korikasarihi na, dai ati ene mai atibodi komaraboneni.

Koroso 2:11

Yodeo makidi mai sowiri tati atori wisinakosa, Kirisito‑ka mai tebone mai ati neni. Ai‑ta ai atibodi amosaramaro, Kirisito ene ai atibodi yati tohawaha, Kirisito‑ka ai teboneni. Kirisito ene Satanasi ati ai nofamaraboneni.

Tito 3:3

Hibati‑ya yama‑ya oda watora, Deoso ati‑ya oda nofara, keyehe‑ya mai hirina, mai ati oda nofa, yama amosara‑ya oda nokotonihe. Yama amosa oda watora, mai oda kako, oda‑ya mai kakohari namaroni.

Ebereo 12:1

Deoso ati‑ya mai no‑nofa‑mete mai ihi ai awa, mai‑nima ai nahi. Deoso ati ai tokadaba, yama one ai nokotonira. Ai‑ya mai one awaboneni. Ai kananabone, yama kanaha‑ya ai weyeterani. Yama kanaha ai korotowitiya, ai honita kanateni. Ai ene amosara yama kanaha‑ya ai weyena‑nima teni, Satanasi‑ka keyehe ai tokadabamaro, ati ai nofami awireya, Deoso hawine‑ya ai yakaniya, ai kiti fawaraboneni.

Ebereo 3:13

Mahi‑nima dai ibi kasomahi. Deoso ati‑ya dai owa tokadabare dai hiyarahi, atibodi tokitarebonaha.

Tiyako 1:21

Dai ene amosaramaro‑nima dai ene namariyahi. Dai ati yanana, dai ati amosahi. Mai ati towe, mai ati‑nima dai ati rihi, mai ihi towe, mai ihi‑nima dai ene rihi nahi. Deoso hini ati‑ya dai atibodi‑ya kanahanomata, ati dai nofe, tabaro‑ya dai winamakeboneni.

Tiyako 1:26

Deoso ati tinofamone tina, tiwati tinawadi amosara, keyehe‑ya hiritineni. Deoso ati tinofamone tina, tiwatibodi ati tohara, tiwati honita tohani.

Bedoro daidi 1:18

Dai‑ka idi mai ihi‑nima dai ene namaro, dai ene amosara dai manakone wada, dai manakone‑ya Kirisito nanahabemarine. Oro, barata yama na‑ya dai manakone‑ya nanahabi awiremarine.

Bedoro daidi 4:3

Hibati‑ya Deoso ati dai nofara, dai one ene‑nima dai ene namaro, mai fanawi‑ya dai nokotonihi, kawi‑ya dai fawa, mai fanawi dami‑ya dai dakora, deoso bare ati‑ya dai nofa na, dai ene amosara hinama tohamaroni.

Bedoro yoto‑ke 2:13

Mai ihi amosaramaro, hini mai ihi‑nima yama na‑ya mai kayafabone, dai eyehe mai tafa, yama tehe‑ya mai serena, dai‑ya mai sawe, mai ihi‑ya bara mai awa, dai ati‑ya mai nofaraboneni.

Bedoro yoto‑ke 2:7

Sodoma‑ya i‑di Ro wineya, Deoso kasome, Sodoma‑ya mai wi‑wina mai ihi amosara, mai ihi i‑di Ro yawe, Deoso ati‑ya mai tokadabara, Deoso mai‑ya nanahabebona, i‑di Ro‑ta ene amose, Deoso ati ene tokematane, abarebonaha.