Efesiyo 4:18 - Deoso-ka Yama Hani

¹⁸ Yama‑ya mai atibodi wato nofara, yama‑ya mai watora, mai atibodi kita ihi Deoso hawine toki‑ya mai nofara, Deoso tabaro‑ya mai koboni awiraboneni.

Efesiyo 4:18 ပူးပေါင်းရင်းမြစ်များ

Mateo 13:15

Owati miti‑ya mai nofara, mai narabi‑ya mai barikana‑nima mai na mai toha, mai noki barikana‑nima mai na mai toha, mai naboneni, oka yama‑ya mai watorabonehe. Mai narabi hawe‑mani, owa ene‑ya mai awa, yama‑ya mai watoya, mai ihi‑maro‑nima mai ihi namariya, mai okasoma neni.’ Deoso ati nemata, ati‑ya i‑di Isa·iya kanahanomatane.

Maroko 3:5

Fariseo mai atibodi ati amosara, mai atibodi ati‑ya Yeso mite, yawe, mai nafi hiwakatome, maki‑ya hiyare, “Tiwa yehe feotokanahi.” Yeso ati ne, Yehe feotokaname, yehe amosawamemarine.

Yowaho 12:40

“Yama‑ya mai awa, Deoso hini ati ene yama‑ya mai watora, tamine mai himite, Deoso hini ati ene tamine mai hiwatorane. Mai ihi‑maro‑nima mai ihi namariya, mai‑ya Deoso kasomane.” Isa·iya ati nematamonane.

Yeso‑ka yo‑yose mai tamine 17:30

Hibati‑ya Deoso yokana ai watore, ai‑ya weeni awire, hibayata ai watowahe, ‘Hibati‑ya dai ene towe tohamaro, dai‑ya dai kaminahi.’ Deoso ati nane.

Yeso‑ka yo‑yose mai tamine 3:17

Soho, yama dai watorihi, dai‑ka hidi mai hiwatorihi hina. Yeso Deoso Bidi toharemona dai atibodi ati na, dai nanahabemarine.

Homa 1:28

Deoso ati‑ya mai nofara, Deoso mai‑ya saatokase, hini mai ihi Deoso mai‑ya hiyarami awirane. Mai atibodi yama towe kobohina, hini mai atibodi ati‑nima mai ihi nawahani. Haa‑nima mai ihi rabone Deoso ati ne, haa‑nima mai ihi teni.

Homa 11:25

“Yodeo mai ati kasira oda‑ta oda amosabisineni.” Dai ati riyahi. Yama‑ya mai watoramete yama dai watowahi. Hibayata Isara·eo‑ka mai one atibodi kita, Deoso ati‑ya mai nofara, Bara dai one‑ya Deoso kadikemata, ati dai nafi hinofeya, yama hawa tohawahaboneni.

Homa 11:7

Isara·eo‑ka nodi mai dami‑ya Deoso kadikare, mai fa‑famaraba na mai‑ya kadike, Isara·eo‑ka nodi Deoso‑ka mai dami toha‑mone mai ati na, Deoso mai‑ya kadikemata, Deoso ati‑ya mai nofa, Deoso‑ka mai tohabisa. Mai one Deoso ati‑ya nofara mai atibodi ai teme ataro baye‑nima mai atibodi tokitameteni.

Homa 2:19

Deoso ati‑ya dai watamone, yama‑ya mai watora mai‑ya dai kanawatabone dai ati nineni. Yama wahi‑nima dai namone, Deoso hawine‑ya mai awara, mai‑ya dai kanawatoya, Deoso hawine‑ya mai awawahabone dai ati nineni.

Korito daidi 1:21

Yama dama‑ya mai wa‑wato‑mone mai ati na, yama wato ihi Deoso hawine‑ya mai wasiterani. Deoso ene Yeso abe, ai manakone‑ya nanahabe tamine oda kamine, oda ati‑ya mai nofa, Deoso hawine‑ya mai wasiteni. Oda ati‑ya mai nofara, ka‑kana oda‑mone mai ati na, Deoso hawine‑ya mai wasirani.

Korito daidi 2:8

Yeso Deoso Bidi tohe tamine‑ya ai‑ka hidi mai one watora, mai baahikanematane. Tamine mai hiwato‑mana, ai‑ka Hidi amosabote mai baahikare namatane.

Korito yoto‑ke 3:14

Deoso ati‑ya Mose kamine, noko‑ya barikanematane, noko mai hiawi nafirebonaha. Mose noko‑ya barikanemata‑nima mai na, mai atibodi‑ya mai bari kiteni, yama‑ya mai watorabonehe. Deoso ati i‑di Mose hikanahanomata‑ya hibayata mai kadika, mai atibodi barikana‑nima mai na, yama‑ya mai wato i‑isi nineni. Yeso Kirisito ati‑ya mai no‑nofa mai atibodi barikani fawana, yama‑ya mai watowahani.

Korito yoto‑ke 4:4

Deoso yokana ati‑ya mai nofara, madi mai‑ka deoso i‑di Satanasi ati‑ya mai nofabisa, Satanasi ene mai atibodi noki wadara, Deoso Ati Amosabote mai mitara, Kirisito amosabote‑ya mai awara, Deoso yokana‑nima Kirisito ne amane.

Karatiya 4:8

Hibati‑ya Deoso yokana dai watora, madi mai ati dai nofamaro, deoso mai amanikani dai ati na, mai ati‑ya dai tokadabamaroni.

Efesiyo 2:1

Hibati‑ya Deoso ati dai tokadabara, dai ene amosara ene dai aba‑nima dai namaroni.

Efesiyo 2:12

Hibati‑ya Kirisito‑ya dai watorihi, Isara·eo‑ka mai‑ya dai dabarihi na, Deoso‑ka yama‑ya Yodeo mai one kayafabone, dai kayafi awirabone. Fara hibati‑ya dai aba‑mani, Deoso tabaro‑ya dai tokara neni.

Koroso 1:21

Hibati‑ya Deoso‑ya dai ka‑kako, dai ene amosaramaroni. Dai ene Deoso yawemarine.

Tesaronika daidi 4:5

Deoso ati‑ya mai nofara, mai atibodi ati amosara, mai fanawi‑ya mai nokotoniteni, mai fanawi‑ya mai ahabonehe. Mai‑ka owa‑ka yibote mai‑ya mai siwakana, mai makidi hinama mai ibi siwakana, mai na, fara mai ihi Deoso yawatene. Tika yibote ohare‑ta tinofabisahi. Dai one mai‑nima dai riyahi.

Ebereo 5:2

Deoso‑ka yama‑bone‑ya da‑daa‑mata, ai‑nima kitare, ai ene‑nima ene ne. Yama ai watora, ai tosawariya, ai‑ya weeni nafirebonane.

Ebereo 9:7

Yobe kote Deoso kayawi ba‑basi hine‑ya mai tokiyomara, faha fowe ohari‑ya Deoso‑ka yama‑bone‑ya mai da‑daa mai‑ka hidi webote tokiyomi oharibisematane. Tokiyome, ama‑ya damakane, Deoso‑ya ama‑ya daane, hini manakone‑bona‑ya daani baha, ai manakone‑bone‑ya daanamakinematane. Ai ene‑ya barikanane, Deoso ai ene‑ya awarebonaha.

Tiyako 4:4

Mai dami‑ya mai da‑dakora mai‑nima dai na, yama dai watokarini? Satanasi‑ka yama ai nokotonihe Deoso ai‑ka no‑nofa tohaterebonane. Satanasi‑ka ai‑ya mai nofabone mai ihi‑nima ai ene na, Deoso ai ene‑ya kakotebonane.

Bedoro daidi 1:14

Madehe ihi amosa, mai‑ka abi mai ati‑ya mai tokadabateni. Madehe‑nima Deoso ati dai tokadabahi. Hibati‑ya yama‑ya dai watoriya, yama amosara dai atibodi kobohina‑nima dai ene namariyahi.

Yowaho daidi 2:11

Mai ibi ka‑kako, yama soki‑ya mai winateni. Yama soki‑ya mai wi‑wina mai toki‑ya mai watora. Yama soki ihi yama‑ya mai awaterani.