Efesiyo 4:14 - Deoso-ka Yama Hani

¹⁴ Madehe‑ya keyehe‑ya mai hirikana, mai ati‑ya madehe nofateni. Madehe‑nima ai riyahi. Deoso ati ai wata, ai hawa toha‑nima ai nawahaboneni. Deoso ati‑mona mai one ati na, Deoso ati tohi awireya, mai ati ai nofaraboneni. Keyehe‑ya ai‑ya mai hirikana mai ati ai nofara, faha rike toka, kamatasa‑nima ai atibodi ni awiraboneni. Deoso ati‑ya ai nofi ohariyahi. Mai one ati bara toha, ai nofaraboneni.

Efesiyo 4:14 ပူးပေါင်းရင်းမြစ်များ

Mateo 11:7

Yowaho‑ka mai tokoma, mai nowati‑ya i‑di Yowaho tamine‑ya mai dama mai‑ya Yeso hiyare, “Hibati‑ya i‑di Yowaho‑ya dai toka, hini yamata dai awabone dai tokiti? Watikoro henerikane dai awabone, dai tokiraniha?

Mateo 24:11

‘Deoso ati‑ya mi‑mita ama·oni.’ Mai one ati naboneni, keyehe‑ya mai hirinaro. Mai ati‑ya mai dami nofaboneni.

Mateo 24:24

‘Deoso‑ka Ka‑kadika ama·oni.’ Mai one ati naboneni, keyehe‑ya mai hirinaro. ‘Deoso ati‑ya mi‑mita ama·oni.’ Mai one ati nihi naboneni. Mai ihi kiti nafeboneni, Deoso‑ka dai toha, mai‑ka keyehe‑ya dai nofabonehe.

Yeso‑ka yo‑yose mai tamine 23:21

Mai ati tinofariyahi. Hawi‑ya 40 mai fiyakana mai kemabone, mai ibi hiyara mai ati nani. Mai tafamarihi, faha‑ya mai fawamarihi ni‑ya, Baoro‑ya mai nabohiya, mai tafama, faha‑ya mai fawama naboneni. Hawi‑ya tiwa‑ya mai kema, tiwa‑ya mai nimanineni.” Baoro‑ka bidimi ati nemonane.

Korito daidi 12:2

Hibati‑ya Bara dai toha, dai‑ya mai kanawata, mai ati‑nima dai namaro, mai‑ka deoso hiniya mai wamana, mai ati wadara, mai‑ya dai kahiyaramaroni.

Korito daidi 14:20

Soho, madehe i‑isi na yama towe‑ya mai atibodi kadikaterani. Mai‑nima yama towe‑ya dai kadikariyahi. Madehe yama‑ya watora, mai‑nima dai riyahi. Ai hawa toha, yama‑ya wato‑nima yama dai watobisahi.

Korito daidi 3:19

Deoso ati‑ya mai nofara, “Yama nafi‑ya oda watoneni.” Mai ati na, yama‑ya mai watora, ka‑kana mai amani. “Hini mai ati mai‑ya kobotonamatasaboneni.” Deoso‑ka yama hani ati nineni.

Korito yoto‑ke 2:17

Mai one yinero‑ya nokotonihe, Yeso ati yokana‑ya mai kamini awirani. Deoso oda‑ya yosemarine, Yeso ati yokana oda kaminebonaha. Deoso ene Yeso ati yokana oda kamini oharineni.

Korito yoto‑ke 4:2

Deoso ati‑ya mai one kaminamone mai ati na, Deoso ati‑nima mai ihi ra. Deoso ati kote‑ya mai kema, ati yokana‑ya mai kaminara. Hini yama miti mai hinofa‑nima mai ati na, mai ati‑ya mai nofabonehe. Mai‑nima oda ni awira. Deoso ati yokana oda kamine, ati mai himite, Deoso ati‑ya mai atibodi nofaboneni. Deoso oda ene‑ya awe, ati‑nima ati oda kaminatene.

Karatiya 3:1

Karatiya‑ya dai wi‑wina dai ka‑kana nawaha awineni. Mai‑ka keyehe‑ya dai nofawahineni. Hibati‑ya dai tabaro‑ya oda wina, Yeso Kirisito tamine oda kaminamaroni. Keyehe‑ya dai‑ya oda hirikaramaroni. “Yeso awa‑ya abemarine, ai manakone‑ya nanahaberi.” Oda ati namaroni. Yeso ati ai nofiya, ai sibarabone ona. Owati dai mita, owati dai watamaroni.

Efesiyo 6:11

Sodado mai‑ka bora kita‑ya mai sakoteni, mai‑ya mai ka‑kako mai‑ka wati, mai‑ka wabise, mai‑ka yima na, mai‑ya koborabonehe. Sodado mai‑ka bora kita‑nima Deoso‑ka bora kita dai sakonahi, Satanasi ati dai‑ya koborebonaha.

Timoti daidi 3:6

Hibati‑ya Yeso ati‑ya nofe, sibabisarene. Yeso ati‑ya nofa yati tohe, dai‑ya kanawatorayaho. Yeso ati‑ya nofa yati tohe dai‑ya kanawato hini‑ya kahiyare, hini‑ya nofi nafi, Satanasi ene‑nima ene nawahebonane. Satanasi hini‑ya nofi nafi ene Deoso yawemarine. Ai‑ya ai nofi nafe, ai ene Deoso yawebonane.

Timoti yoto‑ke 1:15

Asiya‑kaya mai wi‑wina mai kananeni. Owa‑ya mai dabami awirini, mai habi siitonaro. Timoti, mai kanani tamine timita awini. I‑di Fikero, i‑di Emokene mai fama, mai kanakanamaroni.

Timoti yoto‑ke 3:13

Mai ihi towe toha, mai ihi towe ba‑basi naboneni. Mai one‑ya mai keyeheneni. Mai one mai hikayeheriya, mai ati‑ya mai nofahareboneni.

Timoti yoto‑ke 4:3

Makobote Deoso ati miti‑ya mai nofara, “Ati oda nofe, ati‑nima tiwati niya, tiwati oda nofaboneni. Ati oda nofe, ati‑nima tiwati ni awiriya, mai one oda ati‑nima mai ati na, mai ati oda nofaboneni.” Mai ati naboneni.

Ebereo 13:9

Yamata bara dai kababone tamine‑ya mai kamina, mai ati‑nima dai na, dai‑ya kasomi nafebone mai ati na, mai ati dai nofariyahi, Yama ai kaba ai atibodi‑ya namosaterani. Deoso ati ai nofa, ai atibodi‑ya kasomabisatene. Yamata bara mai hikaba, mai atibodi‑ya kasomaterani.

Tiyako 1:6

Deoso dai haana, “Oka yama‑bone‑ya Deoso daanebonane.” Dai atibodi ati nahi. “Oka yama‑bone‑ya daaneba awane yama‑ya daareba awane.” Dai atibodi ati riyahi. Yama hakikini ihi faha rikana, rike‑nima dai atibodi ati riyahi,

Tiyako 3:4

Fara‑nima maboro ne. Maboro webote yama hakikini kita ihi yakani kite, yama ho‑hokakana bide‑ya hidi hokahiwame, hidi ati toki‑kaya tokatene.

Bedoro yoto‑ke 2:18

“Oda‑nima dai nahi! Mai fanawi oda nokotonihe, Deoso oda‑ya kayafebonane.” Mai ati nineni, keyehe‑ya mai hirinaro. Deoso ati‑ya mai tokadabawahabone mai ati na, mai one‑ka keyehe‑ya mai tokadabamatasa, Deoso ati‑ya mai nofamara, mai fanawi‑ya mai nokotonimatasineni.

Yowaho daidi 2:19

Mai one Yeso‑ka mai‑mone mai ati na, Yeso‑ka mai tohaterani. Oda‑ya mai sawemaro, oda‑ya mai sawimi awira, Yeso‑ka mai toha‑mani, oda‑ya mai sawe neni. Yeso‑ka mai‑ya mai sawira, Yeso‑ka mai tohara, mai‑ya mai dami watowahaboneni.

Yowaho daidi 2:26

Owati dai kadikiya, Deoso ati dai watabone, keyehe‑ya mai hirina, mai ati dai nofaraboneni.

Yowaho daidi 4:1

Soho, owati dai mitahi. Deoso‑ka yo‑yose mai ati‑mone mai ati na, mai ati dai kadika, mai ati dai wataboneni. Deoso ati yokana tohe dai wato, Deoso ati tohare dai wato, dai naboneni. Deoso‑ka yo‑yose ati‑mone mai dami ati na, ati bare‑ya mai kaminabisineni.

Yoda‑ka yama hani 1:12

Dai eyehe mai marina, hini mai‑ya mai kasomabisa, dai‑ya mai kasomara, bora kabatata na‑nima mai na, neme sabi hokore‑nima mai na, dai‑ya mai kasomabone dai ati na, dai‑ya mai kasomara, hiniya mai toka kanibote na, awa bono ade aba, hobakana‑nima mai na, mai ihi amosabone mai ati na, mai ihi amosateraboneni.

Yeso Kirisito ene‑bona 19:20

Mai kiti awirani. Bani Hame faha‑ke toha, Deoso ati‑ya mi‑mita‑mona ati ne toha, mai na, mai‑ya mai wata, mai‑ya mai nanahabi awira, hiniya wara hirini‑ya yati hirini sawini‑kaya mai‑ya mai korotoniki amani. Deoso ati‑ya mi‑mita‑mona ati ne, hiniya keyehe‑ya hi‑hiri, ene kite bofe‑ka mai awiya, hika keyehe mai hikadabamaroni. Bani Hame faha‑ke‑ka yo‑yose amane. Keyehe‑ya hi‑hiri ene Bani Hame faha‑ke oni korimari‑ya bofe‑ka mai kobobokanihe, Bani Hame faha‑ke korimari‑ya mai kahiyara namaroni.