Efesiyo 4:13 - Deoso-ka Yama Hani

¹³ Ai ibi kasomiya, Deoso Bidi i‑di Yeso tamine‑ya ai nafi wato ba‑basi naboneni, ati ai nofi ba‑basi nebonaha. Mai hawa toha, mai‑nima ai atibodi hawa tohabone, Yeso ene‑nima ai ene nawawahaboneni.

Efesiyo 4:13 ပူးပေါင်းရင်းမြစ်များ

Mateo 11:27

Oda‑ya hiyaramatase, “Okobi ene yama nafi okayafawahineni. Owa‑ya dai wato nafira, owa‑ya Okobi watobisane. Okobi owato oteni. Owati ihi Okobi‑ya dai one watomakineni. Dai‑ya okasomara‑mani, Okobi‑ya dai watora neni.

Yowaho 1:16

Yeso ai nafi‑ya nofe, ai‑ya kasomanadimarine.

Yowaho 16:3

Okobi‑ya mai watora, owa‑ya mai watoharira, oda‑ya mai watora ihi dai‑ya mai kakaboneni.

Yowaho 17:21

Abi, tiwati ihi mai nafi oharihi. Ai‑ka mai toha ai ohari‑nima mai oharihi. Ai nafi oharihi. Mai ihi‑ya mai one awiya, owa tiyosemaro owa‑ya mai watowahaboneni.

Yowaho 17:3

Deoso yokana amatini. Deoso owa wadaterene. Yeso Kirisito ama·oni. Owa tiyosemaroni. Ai‑ya mai nofiya, mai abateraboneni.

Yowaho 6:69

Deoso‑ka yokana amatini. Tiwati oda nofini.” Simaho Bedoro ati nemarine.

Yeso‑ka yo‑yose mai tamine 4:32

Yeso ati‑ya mai no‑nofa mai atibodi fara hinama toha, “Owa hare oka yama tohi awirini. Ai nafi‑ka yama amani.” Mai nafi ati teni.

Korito daidi 1:10

Oka soho dai amani. Owati dai mitahi. Ai‑ka Ayo i‑di Yeso Kirisito ati ene dai ibi weerihi, dai yorotokana dai ibi eberihi, dai ibi nofabisa, Yeso atibodi ati‑nima dai nafi atibodi ati nahi.

Korito daidi 14:20

Soho, madehe i‑isi na yama towe‑ya mai atibodi kadikaterani. Mai‑nima yama towe‑ya dai kadikariyahi. Madehe yama‑ya watora, mai‑nima dai riyahi. Ai hawa toha, yama‑ya wato‑nima yama dai watobisahi.

Korito daidi 2:6

Deoso ati‑ya mai no‑nofa ai hawa toha‑nima mai na, oda ati‑ya mai mita, yama‑ya mai wato ba‑basi naboneni. Yama nafi‑ya mai watamone mai ati na, mai ati‑nima oda ati ni awirini. Yama nafi‑ya mai watamone mai ati na, mai ati fawanaboneni. Deoso ati oda kamine, ati fawaterebonane.

Korito yoto‑ke 4:6

Hibati‑ya yama soki hinama tohaya, Deoso ati yanane, “Yama wahi tohawahi.” Ati ne. Ati ene yama wahi tohawahameteni. Makobote Bidi i‑di Yeso Kirisito‑ya yose, ai atibodi noko‑ya Bidi noko wehene ai aweya, Deoso amosabote tohe ai watowahaboneni.

Karatiya 4:19

Oka madehe‑nima dai na, dai tamine omita, owatibodi koma, owatibodi komene kitineni. Mai fanawi dori kome yanana, mai dori kome kitateni, dori wadabonehe. Fara‑nima owatibodi komene nineni. Dai ene owatibodi komineni. Yeso Kirisito ati dai nofi nafibona, ene‑nima dai ene nabone, dai tamine ene owatibodi komineni.

Efesiyo 1:17

“Abi Deoso, Yeso Kirisito‑ka Abi amosabote amatini. Yeso Kirisito‑ka Deoso amatini. Efesiyo‑ya mai wi‑wina mai‑ya tika Doni sawiyaho, tiwa‑ya mai wato ba‑basi nabonehe. Tiwa tamine‑ya mai tikanawatohi.” Oteni.

Efesiyo 1:23

Ai atibodi ati‑nima ai teni. Fare Kirisito ai‑ka Hidi tohe, ati‑nima ai teni. Hibayata ai‑ka Hidi tohe, makobote yama nafi‑ka Hidi tohebonane.

Efesiyo 2:15

Hibati‑ya Mose ati ai‑ya barikane, Mose ati nafi‑ya ai tokadabara, ai manakone hasinamaroni. Yeso Kirisito‑ta Mose ati nafi‑ya tokadabe, abe, ai nafi manakone‑ya nanahabematane, hika ai tohabonehe. Yodeo ai tohamarihi, Bara ai tohamarihi, ai na, fara hinama ai toha, Yeso Kirisito‑ka ai tohawahineni.

Efesiyo 4:12

Ai‑ya mai kasoma, ai ibi kasomamakeboneni. Yeso‑ka ai toha, ai ibi kasomiya, Yeso ati‑nima ai naboneni.

Efesiyo 4:3

Deoso‑ka Doni dai‑ya sawi, fara dai hinama toha, dai ibi nofa, dai atibodi ati somahi.

Efesiyo 4:5

Ai‑ka Hidi ohari ati ai nofiya, Yeso‑ka ai tohawaha, Yeso ati ene ai nafi‑ya mai habanirisiteni.

Firibo 3:10

Yama bara‑ya owati koboni awirani. Yeso Kirisito‑nima onabone owatibodi ati nineni. Yeso‑ya mai bisi, owa‑ya mai bisi, Yeso‑ya mai nanahaba, owa‑ya mai nanahaba, sibarini. Yeso kitame‑nima okitamahareboneni.

Firibo 3:8

Yama anini manakone noko·onihemaro, yama anini manakone noko·onimateraboneni. Oka Ayo Yeso Kirisito noko·onibisa oneni. Hibati‑ka oka yama dama tohamaro, Kirisito ati onofa ene oka yama nafi fawanawahani. Sibarini. Yama one onofamaraboneni. Kirisito ati onofe ene yama one onofami awira, Kirisito‑ta owato ba‑basi nabonehe.

Koroso 1:28

Mai dami‑ya Yeso Kirisito tamine oda hiyara, Deoso oda kasome, mai oda kanawata, Kirisito kameya, “Ayo Yeso, mai tiawahi. Tiwati mai nofa, tiwati‑nima mai namaroni.” Oda ati naboneni. Kirisito ati nafi oda kamine, ati‑nima dai naboneni.

Koroso 2:2

Dai atibodi ya‑yainabone, dai ibi nofi nafi nabone, Deoso‑ka yama nafi dai watabone, Kirisito tamine mai hiwatoremari dai watowahebonane.

Ebereo 5:14

Bani kite‑ya dai kaba, ai hawa toha‑nima dai na, yama amosa dai wato, yama towe dai wato dai nineni.

Bedoro yoto‑ke 1:4

Deoso ati amosabote tohe, ati‑nima yama naboneni, ai ene amosawamabonehe. Deoso atibodi ati‑nima ai atibodi ati nawahabone, Satanasi ati‑ya mai no‑nofa mai ihi‑nima ai ene raboneni.

Bedoro yoto‑ke 3:18

Ai‑ka Hidi i‑di Yeso Kirisito ati dai wato ba‑basi niya, ati‑nima dai ene na ba‑basi naboneni. Ai manakone‑ya nanahabemari, hibayata ai kahiyare ai kahiyari fawaterayaho. Feye amani.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.