Efesiyo 4:11 - Deoso-ka Yama Hani

¹¹ Kirisito yama wa‑wato‑ya daanane, Yeso‑ka ai toha ai‑ya kasomebonaha. Hini hika yo‑yose mai‑bone‑ya ai owa‑ya daa, Deoso ati‑ya mi‑mita mai‑bone‑ya ai owa‑ya daa, Deoso ati‑ya hi‑hiyara mai‑bone‑ya ai owa‑ya daa, Deoso ati‑ya ka‑kanawato mai‑bone‑ya ai owa‑ya daa tene.

Efesiyo 4:11 ပူးပေါင်းရင်းမြစ်များ

Mateo 28:20

Owati nafi‑ya dai kanawatohi, owati‑ya mai tokadababonehe. Dai tokiya, dai‑ya osawebone, dai honita tohateraboneni.” Yeso ati nemarine.

Yeso‑ka yo‑yose mai tamine 13:1

Atioki‑ya Deoso ati‑ya mai mi‑mita mai toha, Yeso ati‑ya mai ka‑kanawato mai toha na, mai wina, i‑di Banabe toha, Simiyaho so‑sokine toha, Rosiyo Sireni‑ke toha, Manaeni Erodi mai yanikimamete mai toha, Saoro toha nane.

Yeso‑ka yo‑yose mai tamine 20:28

Dai narabo hawihi. Yeso‑ka mai dai nawadahi. Deoso‑ka Doni ati ene mai‑ka hidi‑nima dai na, mai dai nawadabonehe. Hibati‑ya Yeso abe, mai manakone hinahabamaro, dai atibodi yama‑ya watoyahi. Hika mai toha mai dai nawadabone ati nane.

Yeso‑ka yo‑yose mai tamine 21:8

Mahi owa‑ya oda towakatasa, Sesareya‑ya oda kobokana, Firibi‑ka yobe‑ya oda wina, hibati‑ya mai 7 tohabone mai i‑di Bedoro mai hikadikamaro, fare i‑di Firibi ohari Yeso tamine‑ya hiyaratene.

Homa 12:7

Mai‑ya ka‑kasoma dai one atibodi‑ya Deoso yofikane, fare dai‑ya yofikane‑nima mai‑ya dai kasomahi. Mai‑ya ka‑kanawato dai one‑ya Deoso yofikane, fare dai‑ya yofikane‑nima mai‑ya dai kanawatohi.

Korito daidi 12:4

Deoso‑ka Doni ohari yama dama‑ya ai‑ya daane, ai owa‑ya yama bara‑ya daa, ai owa‑ya yama bara‑ya daa tene.

Efesiyo 2:20

Kirisito ene Deoso‑ka yobe amosabote ai nafi tohaboneni. Kirisito kitabote, yobe tati mese ewene kite‑nima nane. Yobe wamani nahotene. Hibati‑ya Deoso ati‑ya mai mi‑mita‑mete mai toha, Deoso ati‑ya mai kanahanamete mai toha na, Deoso‑ka yobe kote mai toha, Yeso‑ka yo‑yose Yeso tamine‑ya mai kaminamake, yobe kote mai toha, Yeso ati‑ya dai no‑nofa yobe kote dai toha na,

Efesiyo 3:5

Hibati‑ya yama tamine‑ya mai watora, hibayata Deoso ati‑ya mai mi‑mita mai toha, Yeso‑ka yo‑yose oda toha, oda na, fara tamine‑ya Deoso‑ka Doni oda‑ya kaminawahemarine.

Efesiyo 4:8

Deoso‑ka yama hani‑ya Kirisito tamine‑ya Dafi kanahano, “Neme‑ya winitoname, mai one‑ya towakame, yama wa‑wato‑ya ai‑ya daane.” Kirisito tamine‑ya Dafi kanahanomatane.

Timoti yoto‑ke 4:5

Timoti, tiwa noko wadahi. Mai‑nima tiriyahi. Tiwa‑ya mai bisina, tiyawariyahi. Deoso Ati Amosabote ati‑ta tihiyarabisahi. Deoso tiwa‑ya yosemari, ati nafi tikaminiyahi.

Ebereo 5:12

Hibati‑ya Deoso ati dai mita, mai one‑ya dai kanawatomakebone oda ati na, yama‑ya dai wato awisara, dai‑ya oda kanawatomatasabone dai nofabisineni. Madehe‑nima dai nasa na, yama kita kabi dai watora, yoha fahi‑ta dai ati fawabisineni,

Yoda‑ka yama hani 1:17

Oka dai toha, Yeso Kirisito ai‑ka Hidi‑ka yo‑yose dai‑ya mai hiyaramaro, mai ati‑ya dai ati kadamowamariyahi.

Yeso Kirisito ene‑bona 18:20

Neme‑ya dai wi‑wina dai toha, Deoso‑ka dai toha, Yeso‑ka yo‑yose dai toha, Deoso ati‑ya dai ka‑kamina dai toha, dai na, dai ya‑yainahi. Hibati‑ya Babironi‑ka mai ihi dai‑ya mai weenamaro, mai ihi manakone‑ya Deoso daanawahene. Fara ihi dai ya‑yainahi.” Neme‑ya ati kaki, ati nene.

Yeso Kirisito ene‑bona 21:14

Yama barikani‑ka awe siitona yati wamani 12 kana tohani. Yati mese‑ya Kaneiro Bidi‑ka yo‑yose mai 12 kana mai oni kobobokana nani.