Efesiyo 4:10 - Deoso-ka Yama Hani

¹⁰ Kitame, neme‑ya tokome, Deoso tabaro‑ya winamatasane, yama nafi‑ka hidi tohawahebonaha.

Efesiyo 4:10 ပူးပေါင်းရင်းမြစ်များ

Mateo 24:34

Owati amosa dai mitahi. Owati‑nima yama yanana‑ya mai awiya, mai one hasinasa niya, dai‑ka Ayo neme‑ke kobonebonane.

Roka 24:44

“Hibati‑ya dai‑ya osawe, dai‑ya ohiyara, ‘Owa tamine‑ya Mose kanahano, owa tamine‑ya Deoso ati‑ya mai mi‑mita‑mete mai kanahano, Deoso‑ka wayoma hani‑ya owa tamine‑ya mai one kanahano nameteni. Mai ati‑nima yama naboneni.’ Onamaroni. Fara yama hani mai hikanahanamete ati‑nima yama nineni.” Yeso ati nematane.

Yowaho 1:16

Yeso ai nafi‑ya nofe, ai‑ya kasomanadimarine.

Yowaho 19:24

“Bora yaba ai sibiriyahi. Hiniya yati bide ai wereniya, ai owa ohari bora‑ya kayafeya, yama ai wataboneni.” Sodado mai ati namaroni. Deoso‑ka yama hani ati‑nima yama nawahani. “Oka bora‑ya mai ebekana, yati bide‑ya mai wereneni, oka bora one‑ya mai kayafabonehe.” Deoso‑ka yama hani ati na, fara ati‑nima sodado mai ihi nawahamaroni.

Yowaho 19:28

Yama nafi hawa toha, fara Yeso hiwata, ati yanane, “Owa bako hokoni.” Ati nemarine, Deoso‑ka yama hani ati‑nima yama nabonehe.

Yowaho 19:36

Yeso tamine‑ya Deoso hiyarematamonane. “Tone bakatoterebona.” Deoso‑ka yama hani ati na, ati‑nima nawahane.

Yeso‑ka yo‑yose mai tamine 1:11

“Karireya‑ka dai toha, hini yamata ihi neme‑ya dai kakatoma? Neme‑ya Yeso tokome, kamebonane. Tokomi dai awe, kisami mai hiawebonane.” Deoso‑ka yo‑yose mai ati namoneni.

Yeso‑ka yo‑yose mai tamine 1:9

Hiyari hawa tohe, neme‑ya tokome mai hiwakatome, neme sabi ihi Yeso‑ya mai awami awiramoneni.

Yeso‑ka yo‑yose mai tamine 2:33

Deoso neme‑ya hiwakame, Deoso‑ka kanika‑ya itariwahe, Yeso‑ya Deoso‑ka Doni sawimari, Yeso ati ene oda atibodi‑ya sawiwahe, ene dai ati‑ya oda hiyarawahineni.

Yeso‑ka yo‑yose mai tamine 3:18

Deoso ati‑ya mai mi‑mita‑mete Deoso ati‑ya mai kanahana, ‘Deoso‑ka Ka‑kadika‑ya mai nakomaboneni.’ Mai ati namete. Deoso ati‑nima yama nawahani.

Korito yoto‑ke 12:2

Hibati‑ya faha fowe 14 tohi‑ya Kirisito ene neme‑ya maki tokemari owato, korimari toha, abano toha ne awane. Yama owatora, Deoso‑ta hiwatobisane.

Efesiyo 3:19

Abi Deoso, Yeso Kirisito‑ka yama nofi‑ya mai wato nafiterabone, mai hiwato ba‑basi hinahi. Abi, tiwa ene Yeso yama hinofa‑ya mai nofiyahi.” Oteni.

Koroso 1:19

Deoso hini‑ya hiyare, “Owa‑nima oka dao nane.” Ati nane. Deoso‑nima Bidi, i‑di Yeso Kirisito nane. Yeso ai toha Deoso toha nane.

Koroso 2:9

Deoso‑nima Yeso Kirisito nane. Yeso Kirisito ai awiya, Deoso ai watowahaboneni. Deoso abano wadare, Kirisito abano wadabise, Deoso ati‑nima Kirisito ati nane. Deoso ene‑nima Yeso ene nane.

Timoti daidi 3:16

Hibati‑ya Deoso Ati Amosabote tamine‑ya mai watoramete, Ati Amosabote‑ya mai watowahineni. Deoso Bidi i‑di Yeso Kirisito bofe‑ya kame ai owa tohe, ai abano‑nima abano tohe, Deoso‑ka Doni hikasome, ene amose hinama tohemarine. Bofe‑ya wine, Deoso‑ka yo‑yose mai hiawemarine. Ai tabaro nafi‑nima tamine mai hikaminawahane. Yeso ati‑ya mai dami nofawaha, Neme‑ya Deoso hiwakamemarine.

Ebereo 4:14

I‑di Yeso, Deoso‑ka yama‑bone‑ya mai da‑daa mai‑ka hidi webote neme‑ya tokome, Deoso Bidi yokana amane. Deoso ati ai tokadababone ai ati na, Deoso ati ai tokadabahi.

Ebereo 7:26

Deoso‑ya ai manakone‑ya Yeso daane ene ai manakone abawahani. Ati amose hinama tosawariterene. Ai‑ta ai tosawari, Yeso‑ta tosawari terene. Neme amosi‑ya Yeso amosi fiyakanane.

Ebereo 8:1

Owati dai mita yama‑ya dai watowahaboneni. Deoso‑ka yama‑bone‑ya mai da‑daa mai‑ka hidi webote i‑di Yeso tohe. Ai manakone‑ya Deoso‑ya daane, ai‑ka Abi neme‑ke‑ka kanika‑ya itariwahane.