Efesiyo 3:8 - Deoso-ka Yama Hani

⁸ Hibati‑ya Deoso owa‑ya haanemari, owa ene amosara nafe mai one‑ta ihi amosara bi‑bidi na, owa‑ta owa‑ya Deoso haanemarine, Bara mai‑ya Yeso Ati Amosabote okaminabonehe. Yeso Kirisito ai‑ya kasomi nafi ene nafi ai watoterebonane.

Efesiyo 3:8 ပူးပေါင်းရင်းမြစ်များ

Roka 14:22

Fai‑ya toke, mai‑ya kakame, ati yanane, ‘Ayo, tiwati‑nima ona, mai haa·ona, mai owakama, tika yobe kibarane.’ Hidi‑ka yo‑yose ati nane.

Yowaho 1:16

Yeso ai nafi‑ya nofe, ai‑ya kasomanadimarine.

Yeso‑ka yo‑yose mai tamine 5:41

Yeso‑ka yo‑yose mai toka, mai ya‑yaina, “Yeso‑nima oda nawaha, oda‑ya mai bisinamakineni.” Mai atibodi ati na. Mai ya‑yainamoneni.

Yeso‑ka yo‑yose mai tamine 9:15

“Tikamakihi. Saoro okadike, oka yama‑ya a‑ani tohawahebonane. Bara mai toha, Bara mai‑ka hidi mai toha, Isara·eo‑ka nodi mai toha na, mai‑ya owa tamine‑ya hiyarebonane.

Homa 11:33

Ka! Yama nafi‑ya Deoso wato, ene nafi ai watorihi, ati nafi ai watorihi ne, yama ai wata‑ya Deoso‑ka yama wato fiyakani nafineni.

Homa 12:10

Yeso‑ka dai toha dai‑ka soho dai nofi‑nima dai ibi nofa, mai ihi amosa mai dai kahiyarahi.

Homa 2:4

Deoso‑ya dai nayawariyahi. Dai‑ya nofi nafi, dai ene‑ya kakatome, dai ene‑ya kadika kanibote re, dai ene‑maro‑nima dai ene namarabone, dai ene‑maro dai nofamarabone‑ya Deoso nimanane.

Korito daidi 1:30

Deoso ene Yeso Kirisito ai‑ya sawiwahene, ai abarabonehe. Kirisito ene yama‑ya ai watowaha, Deoso‑ka ai toha, Deoso ai‑ya kayawe, Kirisito ene ai ene amosawamaboneni. Ai manakone abawaha, ai abiya, ai kitamateboneni.

Korito daidi 15:9

Yeso‑ka yo‑yose mai one amosabisa, owa‑ta towe ama·oni. Hibati‑ya Yeso ati‑ya mai no‑nofa mai‑ya bisi·onamaroni. Owa ene‑maro Deoso owa‑ya yosere‑mana, sibare nane. Owa‑ya yosemarine.

Korito daidi 2:9

Deoso ai nofa ai‑ka yama amosabote Deoso wamahinamete‑ya ai‑ya daanebonane. “Ai‑ka yama‑bone‑ya mai awarihi, yama tamine‑ya mai mitarihi, ai‑ka yama‑bone hibati‑ya ai watorihi nineni.” Deoso‑ka yama hani ati nineni.

Karatiya 1:16

Deoso hini Bidi‑ya owa‑ya yofikanemarine. “Bara mai‑ya Oka dao tamine tikaminawahaboneni.” Deoso ati nemarine. Deoso ati‑ya omita, mai one ati omitaramaroni. Deoso ati‑ta omitabisamaroni.

Karatiya 2:8

Deoso ati ene Yodeo mai‑ya Yeso ati‑ya i‑di Bedoro kamine, Deoso ati ene Bara mai‑ya Yeso ati okaminahari oneni. Yeso Kirisito‑ka yo‑yose i‑di Bedoro amane. Yeso Kirisito‑ka yo‑yose‑hari ama·oni.

Efesiyo 2:7

Deoso ene Yeso Kirisito ai manakone‑ya nanahabe, ai‑ya kasome, hibayata ai kasomi tamine nafi ai watosa ni awira, makobote ai watowahaboneni. Fara Deoso ene amosabote‑ya mai nafi awawahaboneni.

Efesiyo 3:1

Bara dai tamine‑ya owatibodi kadika, dai tamine‑ya Deoso‑ya ohiyarateni. Yeso Kirisito tamine‑ya dai‑ya okaminamaro, kadeya‑ya owa‑ya mai nawaamaroni.

Efesiyo 3:16

Dai tamine‑ya Deoso‑ya ohiyara, “Abi Deoso, amosabote, kitabote amatini. Tika Doni mai‑ya sawi, mai atibodi kitawahaboneni.

Efesiyo 3:19

Abi Deoso, Yeso Kirisito‑ka yama nofi‑ya mai wato nafiterabone, mai hiwato ba‑basi hinahi. Abi, tiwa ene Yeso yama hinofa‑ya mai nofiyahi.” Oteni.

Efesiyo 3:2

Bara dai toha, Deoso dai‑ya nofe‑ya dai watabone, owa‑ya yosemarine, Yeso tamine dai‑ya okaminabonehe. Owa tamine dai mitamete awineni.

Firibo 2:3

Dai ati dai kahiyarariyahi. Mai ati dai mita, “Yama‑ya mai wato ba‑basi na, ai‑ta yama ai wato bi‑bidi nibisineni.” Dai atibodi ati nahi.

Firibo 4:19

Neme‑ya Deoso‑ka yama tosiyotera, Yeso Kirisito ai‑ya sawi, ai‑ya yama daani‑ya nofe, ati ai nofe, ai‑ka yama‑bone‑ya daanebonane.

Koroso 1:27

Hibati‑ya Deoso Ati Amosabote‑ya mai watoramete, hibayata ai‑ya Deoso kanawato, Bara mai atibodi‑ya Kirisito sawiwahebonane. Yodeo ai toha, Bara dai toha na, ai nafi‑ya sawiwahane. Ai atibodi‑ya Kirisito sawi, Deoso tabaro‑ya ai winawahabone ai watowahini.

Timoti daidi 1:13

Hibati‑ya Yeso ati onofara, Yeso tamine‑ya keyehe‑ya hiri·ona, Yeso ati‑ya mai no‑nofa mai‑ya bisi·ona, yama owatora, Deoso owa‑ya ati somawamemarine.

Timoti daidi 1:15

“Yeso Kirisito kame, ai manakone‑ya nanahabemarine.” Mai ati na. Keyehe‑ya mai hirini awirani. Towe ama·oni. Owa ene amosara, owa manakone nafibisamaro, ama·oni. Owa manakone‑ya Yeso nanahabemarine.

Timoti daidi 2:7

Deoso owa‑ya kadike, owa‑ya yosemarine, Yeso tamine ohiyarabonehe. Keyehe‑ya hiri·oterani. Deoso Ati Amosabote okaminabisateni. Bara mai okanawataboneni, Yeso tamine‑ya mai watowahabonehe.

Timoti yoto‑ke 1:11

Fara ihi Deoso ati ene Yeso owa‑ya yose, Bara mai tabori‑ya oka, Deoso Ati Amosabote okamina, mai okanawatoneni.

Yeso Kirisito ene‑bona 3:18

Yama dai watora dai narabo okaminaboneni. Oka oro, yifo hirini ihi bise wadami awirani. Oka oro dai kanikahi, dai‑ka yama amosawahabonehe. Bora sawa owa‑ya dai kanikahi, dai sakonabonehe, dai bodi‑ya mai awari‑bone‑karo. Dai noko bodi tene‑ba owa‑ya dai kanikahi, dai noko bodi dai ketehebonehe, yama dai awibakaro.