Efesiyo 3:20 - Deoso-ka Yama Hani

²⁰ Deoso kitabote ene amose hinama, ai‑ka yama amosabote‑bone‑ya daatene. Deoso‑ya yama ai haana, ai ati‑ya fiyakana, yama‑ya ai atibodi kadika, ai atibodi ati‑ya fiyakana tene.

Efesiyo 3:20 ပူးပေါင်းရင်းမြစ်များ

Korito yoto‑ke 9:8

Deoso kitabote tohe, dai kasomi‑ya fawaterebona, dai‑ka yama tosiyoteraboneni, mai dami‑ya dai kasomabonehe.

Homa 4:21

“Deoso kitabote ati‑nima yama naboneni.” Abaraho atibodi ati ne, habo kitematane.

Yoda‑ka yama hani 1:24

Deoso dai‑ya kasomayaho, dai ene amosabone, Yeso hawine‑ya dai taratokara, Yeso‑ya dai koboni amosaboneni. Yeso amose dai awiya, dai ya‑yaina, “Dai ene amosini.” Ati nebonane.

Korito daidi 2:9

Deoso ai nofa ai‑ka yama amosabote Deoso wamahinamete‑ya ai‑ya daanebonane. “Ai‑ka yama‑bone‑ya mai awarihi, yama tamine‑ya mai mitarihi, ai‑ka yama‑bone hibati‑ya ai watorihi nineni.” Deoso‑ka yama hani ati nineni.

Efesiyo 1:19

Deoso ohiyara, Deoso kitabote‑ya dai watabone, Yeso ati ai no‑nofa ai‑ya kasomebona, ai‑ya kasomi fawaterebonane. Kirisito‑ya kasomemata‑nima dai‑ya kasomebonane.

Ebereo 7:25

Yeso ati ai nofa, Deoso‑ka ai tohawaha, Yeso ai‑ya kasomatene. Ai aba, Deoso tabaro‑ya ai‑ya towakamebonane. Yeso abamatere, ai tamine‑ya kaminatene Deoso‑ya. “Abi, owati‑ya mai no‑nofa mai tikasomahi. Mai ihi amosariya, mai manakone onahabamaroni. Mai‑ya tiwati yawariyahi.” Yeso ati tene.

Efesiyo 3:7

Deoso kitabote owa‑ya yose, owa‑ya kasome ene Yeso Ati Amosabote okaminateni.

Homa 16:25

Hibati‑ya yama mai hiwatoramete tamine‑ya Yeso owa‑ya kamine, fara dai‑ya okamina, dai‑ya Yeso kasoma, dai atibodi‑ya nakita, dai habo‑ya nakita nebonane.

Koroso 1:29

Fara yama ani·ona, oka yama anini kitateni. Yeso Kirisito owa‑ya sawi, owa‑ya kasome, tamine okaminabonehe.

Yowaho 10:10

Yama‑ya mai bo‑boti kaneiro mai tabori‑ya mai kakiya, ‘Awa yara bai onahabiya, kaneiro o·idiya, kaneiro onahababoneni.’ Mai atibodi ati teni. Kaneiro mai abarabone, mai tabori‑ya okemaroni. Mai ya‑yaini nafebone, mai tabori‑ya okemaroni.

Tiyako 4:12

Ai atibodi‑ya a‑awa Deoso ohari‑ta tohe, fara ohari‑ta mai ene‑ya kadikiyahi. Hini ene ai one aba, hini ene ai owa hasi nane. Dai‑ta dai owa ene dai kadikariyahi.

Timoti daidi 1:14

Yeso ene sibare, hibati‑ya mai bisi·ona, Yeso onofara, Yeso owa‑ya nofe, ati ene Deoso ati‑ya onofawaha, hika mai onofawahineni.

Ebereo 11:19

Abaraho atibodi ati, “I‑di Isaki‑ka nodi mai damabone Deoso ati ne, fare hika nodi mai damaboneni. Isaki abeya, Deoso hinakitamebonane.” Abaraho atibodi ati ne, I‑di Abaraho atibodi‑ya i‑di Isaki abi hawa tohe‑nima ne. “Deoso ati ene Isaki abe, kitame‑nima nawahene.” Abaraho atibodi ati nawahematane.

Bedoro yoto‑ke 1:11

Ai‑ka Ayo Yeso Kirisito tabaro abaterebona, fare‑ya dai koboniya, Deoso ya‑yainebonane. Dai‑ka yama dai kayafawahabone, dai abamateraboneni.

Mateo 3:9

‘Abaraho‑ka nodi oda amani. Deoso oda‑ya sarikiterebonane.’ Dai ati riyahi. Owati dai mitahi. Abaraho‑ka nodi mai one‑bone‑ya Deoso ati wamane‑mana, yati‑ya mai‑ya wamane nane.