Efesiyo 3:16 - Deoso-ka Yama Hani

¹⁶ Dai tamine‑ya Deoso‑ya ohiyara, “Abi Deoso, amosabote, kitabote amatini. Tika Doni mai‑ya sawi, mai atibodi kitawahaboneni.

Efesiyo 3:16 ပူးပေါင်းရင်းမြစ်များ

Mateo 6:13

Tiwa ene yama amosara oda nokotoniriyahi. Oda nafi‑ka hidi tihawahabone, kitabote amatini. Amosabote amatini. Yama maakani awirabone, fara amosineni.’ Dai atiyahi.

Homa 2:29

Yodeo yokana ai tohabone, ai sowiri tati ataro wisina ene tohaterani. Deoso‑ka Doni ai atibodi‑ya sawi, ai atibodi‑ya namose ene Deoso‑ka ai toha, Yodeo yokana ai toha teni. Ai atibodi‑ya mai one awara, Deoso‑ta ai atibodi‑ya awe, ai atibodi amosa ene Deoso ya‑yaitene.

Homa 7:22

Deoso ati owatibodi yati nofi nafineni.

Homa 9:23

Deoso yawe‑ya mai kayafiya, mai‑ya ai awa, Deoso ati‑nima yama nabone ai watoneni. Ai‑ya Deoso kadikemata, ati ai nofe, ai‑ya kasomi na‑nafi nebona ati ne, mai one‑ya Deoso ati amosare‑nima‑ya mai kayafa, ai‑ya ati amose‑nima nebona ai watoneni. Deoso tabaro‑ya ai winaboneni.

Korito daidi 16:13

Dai noko wadahi. Yeso tamine‑ya keyehe‑ya mai hirinabone, Yeso ati‑ya dai nofahi. Dai‑ya mai we‑wee, dai eme kita, dai habo siitoriyahi.

Korito yoto‑ke 12:9

“Baoro, tiwa eme komene fawaraboneni. Sibaraboneni. Tiwa okasomaboneni. Tiwa eme kitara, tiwa ene‑ta kita‑ya mai awa, owa ene toha‑ya mai watowahaboneni. Tiwa eme komara‑mani, owa ene‑ya mai watora neni.” Kirisito ati nemarine. Owa eme koma tamine okamina, ya‑yai·oneni, Kirisito ene‑ya mai awabonehe.

Korito yoto‑ke 4:16

Oda abano kiti fawani yanatona, kiti fawanaba awineni. Oda atibodi kiti fawarabone, mahi‑nima oda atibodi‑ya Deoso nakitamatene. Oda atibodi kita ene oda ya‑yaiteni.

Efesiyo 1:18

Deoso‑ya dai tamine ohiyarateni, dai atibodi yama‑ya watabonehe. Hibati‑ya Deoso dai‑ya kadikematane, Hika dai tohabonehe. Deoso tabaro‑ya dai winabone yama dai nimaniya, dai ya‑yainahi. Deoso tabaro‑ya dai koboniya, dai‑ya Deoso kayafebona, dai wehene nafiwahaboneni.

Efesiyo 1:7

Deoso Bidi Yeso Kirisito abe, emene tokafodo ene ai manakone abamaroni, ai manakone wadamaterabonehe. Ai ene amosara ai‑ya yaditona‑nima namaro, ai manakone aba, Deoso ai‑ya ati somawame, ai‑ya seekanemarine. Deoso ene amosabote amane.

Efesiyo 2:7

Deoso ene Yeso Kirisito ai manakone‑ya nanahabe, ai‑ya kasome, hibayata ai kasomi tamine nafi ai watosa ni awira, makobote ai watowahaboneni. Fara Deoso ene amosabote‑ya mai nafi awawahaboneni.

Efesiyo 3:15

Bofe‑ya mai wi‑wina‑bone mai toha, neme‑ya mai wi‑wina‑bone mai toha, mai na, ai nafi‑ya wamanemata, ai‑ka yama yanakani daidi tohane.

Efesiyo 3:8

Hibati‑ya Deoso owa‑ya haanemari, owa ene amosara nafe mai one‑ta ihi amosara bi‑bidi na, owa‑ta owa‑ya Deoso haanemarine, Bara mai‑ya Yeso Ati Amosabote okaminabonehe. Yeso Kirisito ai‑ya kasomi nafi ene nafi ai watoterebonane.

Efesiyo 6:10

Yeso Kirisito kitabote tohe, Yeso‑ka dai toha, dai eme kita, dai habo siitoriyahi.

Firibo 4:13

Yeso Kirisito kite ene owa kiti toha, Yeso ene yama anini dami owatowahineni.

Firibo 4:19

Neme‑ya Deoso‑ka yama tosiyotera, Yeso Kirisito ai‑ya sawi, ai‑ya yama daani‑ya nofe, ati ai nofe, ai‑ka yama‑bone‑ya daanebonane.

Koroso 1:11

“Abi Deoso, tiwa ene kitabisa, tiwati ihi mai habi siitoriyahi. Mai‑ya mai bisi, mai‑ya mai we‑wee, mai na, mai habi siitoriyahi. Mai habi siitoriya, mai ya‑yainibisahi.” Oteni.

Koroso 1:27

Hibati‑ya Deoso Ati Amosabote‑ya mai watoramete, hibayata ai‑ya Deoso kanawato, Bara mai atibodi‑ya Kirisito sawiwahebonane. Yodeo ai toha, Bara dai toha na, ai nafi‑ya sawiwahane. Ai atibodi‑ya Kirisito sawi, Deoso tabaro‑ya ai winawahabone ai watowahini.

Koroso 2:2

Dai atibodi ya‑yainabone, dai ibi nofi nafi nabone, Deoso‑ka yama nafi dai watabone, Kirisito tamine mai hiwatoremari dai watowahebonane.

Timoti yoto‑ke 4:17

Ai‑ka Ayo i‑di Yeso ohari owa‑ya sawi, owa habo siitorani. Deoso Ati Amosabote‑ya Bara mai dama mai mitani. Iriyaho mai‑ya owa‑ya mai daanabone mai ati na, Yeso owa‑ya kasome, iriyaho mai‑ya owa‑ya mai daani awirani.

Ebereo 11:34

Deoso ati‑ya mai no‑nofa mai one‑ya mai yaditona, yama hirini‑ya mai‑ya mai korotowitineni, mai ababonehe. Mai abara mai‑ka mado‑ta hatibisameteni. Yima‑ya mai one mai mai hinahaba hinabone, Deoso ene mai hinahabarameteni. Hibati‑ya mai kitara, mai‑ya bara mai bisinabone mai ati na, Deoso ene mai kitawaha, mai ihi bara mai‑ta mai kananawahameteni.

Bedoro daidi 3:4

Dai amosi yokana tohabone, dai atibodi amosahi. Dai mese‑ka ato bote tohawahiya, amosi fawateni. Mai dai kasoma, dai ati soma na, dai atibodi‑ya Deoso awe, dai manakone nafimone ati tene. Dai atibodi amosi fawateraboneni.