Efesiyo 3:1 - Deoso-ka Yama Hani

¹ Bara dai tamine‑ya owatibodi kadika, dai tamine‑ya Deoso‑ya ohiyarateni. Yeso Kirisito tamine‑ya dai‑ya okaminamaro, kadeya‑ya owa‑ya mai nawaamaroni.

Efesiyo 3:1 ပူးပေါင်းရင်းမြစ်များ

Roka 21:12

Fara haa‑nima yamana yanani awisari‑ya dai‑ya mai wataboneni, dai‑ya mai bisinabonehe. Owati dai no‑nofa dai‑ya mai nafoyaboneni, kadeya‑ya. Owati dai no‑nofa Deoso‑ya mai hi‑hiyara‑ke yobe hidi‑ya dai‑ya mai towakama, mai‑ka hidi webote‑ya dai‑ya mai towakama, mai‑ka kofenado‑ya dai‑ya mai towakama na, dai‑ya mai kako nafeboneni.

Yeso‑ka yo‑yose mai tamine 21:33

Sodado mai‑ka hidi Baoro‑ya damane, sodado mai‑ya haane, “Koheti fame‑ya dai sokinaho.” Ati nane. Mai yorotokana mai‑ya haane, “Oni emenati? Hini yamata ihi dai waratonati?” Ati nemarine.

Yeso‑ka yo‑yose mai tamine 23:18

Baoro‑ka bidimi‑ya sodado towake, hidi‑ya hiyare, “Baoro sokine ati ene hika bidimi owakamani, ati timitebonaha.” Ati nane.

Yeso‑ka yo‑yose mai tamine 26:29

Ati‑ya Baoro mite, ati yanane, “Owati fa‑famaraba na toha, owati dama toha na, Deoso ati tinofabone owati nofani. Owati dai nafi mita, owa‑nima dai na‑mani, yama amosa neni. Koheti‑ya soki·okana‑nima dai‑ya owati sokini nofarani.” Ati nemonane.

Yeso‑ka yo‑yose mai tamine 9:15

“Tikamakihi. Saoro okadike, oka yama‑ya a‑ani tohawahebonane. Bara mai toha, Bara mai‑ka hidi mai toha, Isara·eo‑ka nodi mai toha na, mai‑ya owa tamine‑ya hiyarebonane.

Korito yoto‑ke 1:6

Hibati‑ya Deoso Ati Amosabote dai‑ya oda kaminabone, oda‑ya mai bisinamaroni, Deoso ati dai mitarabonehe. Ati dai mitawahe, ati dai nofawahene. Oda‑ya mai bisina, Deoso oda‑ya kasome‑ya dai awa, dai habo kitawaha, dai‑ya mai bisinamake, dai habo siitora. “Baoro mai‑ya Deoso kasome, oda‑ya kasomahari nebonane.” Dai atibodi ati namaroni.

Korito yoto‑ke 10:1

Baoro ama·oni. Owati dai mitahi. Owati hamara, owati somateni. Hibati‑ya Kirisito ati somemata‑nima owati somateni. Dai‑ya osawiya, owati somabisa, yama hani‑ya owati hamatemone dai owa ati nemona mai ati nineni.

Korito yoto‑ke 11:23

Yeso Kirisito mai‑ya yosemona mai ati na, owa‑ya yoseharimarine. Ka‑kana mai ati‑nima owati namatasaboneni. Mai ihi‑ya owa ene fiyakana, owa‑ya mai bisini fiyakana, owa‑ya mai kosini fiyakana, owa‑ya kadeya‑ya mai nafoyi fiyakana, owa abi yanatoni fiyakana nineni.

Karatiya 5:11

Dai sowiri tati ataro dai wisinakosabone onamone mai ati na. Keyehe‑ya mai hirina, mai ati amani. “Dai sowiri tati ataro dai wisinahi.” Oterani. Mai ati‑nima ona‑mani, owa‑ya mai weenami awira neni. Awa‑ya Yeso abemari, ai manakone nafi‑ya nanahabemari, owatobisineni. Tamine ohiyaratene. Yeso tamine ohiyari awira‑mani, owa‑ya mai weenami awira neni.

Karatiya 5:2

Baoro ama·oni. Owati dai mitahi. Dai sowiri tati ataro‑ya mai wisinakosiya, Deoso dai‑ya ati somawamebona dai atibodi ati na awineni. Dai sowiri tati ataro aba ene Deoso dai‑ya ati somawame‑mana, Yeso Kirisito abe honitabise tohane.

Karatiya 5:24

Yeso Kirisito‑ka ai toha, hibati‑ya Yeso Kirisito abemarine, ai ene amosara manakone‑ya nanahabebonaha. Awa‑ya Yeso‑ya mai baakanamaro, owa ene amosara ene Yeso‑ya mai baakanamaroni. Fara Yeso Kirisito abe‑nima ai atibodi bote ati ai nanahabahi. Ai ene‑maro‑nima ai ene namariyahi.

Efesiyo 3:11

Yama nafi‑ya wamani awireya, Yeso‑ka ai tohabone, ai tamine nafi‑ya Deoso wato, ai‑ka Hidi Yeso Kirisito tohebona‑ya wato, ai hinama tohabone, ai tamine‑ya wato nematane.

Efesiyo 3:13

Yeso tamine‑ya dai‑ya ohiyara, kadeya‑ya owa‑ya mai nawaa, dai habo kita, dai yawariyahi. Dai‑ya Deoso kasomebonane.

Efesiyo 3:8

Hibati‑ya Deoso owa‑ya haanemari, owa ene amosara nafe mai one‑ta ihi amosara bi‑bidi na, owa‑ta owa‑ya Deoso haanemarine, Bara mai‑ya Yeso Ati Amosabote okaminabonehe. Yeso Kirisito ai‑ya kasomi nafi ene nafi ai watoterebonane.

Efesiyo 4:1

Ai‑ka Ayo i‑di Yeso Kirisito ati okamine, kadeya‑ya owa‑ya mai nawaa, owati dai mitahi. Deoso dai‑ya haanemata, Yeso‑ka dai toha, ati dai tokadabaho.

Efesiyo 6:20

Kirisito tamine ohiyare, kadeya‑ya owa‑ya mai nawaamaro, waasa ona, Deoso dai hiyarahi, owa habo siitorabonehe. Owa habo kitiya, Yeso ati okaminamakitasaboneni.

Firibo 1:7

“Dai onofa, sibarineni.” Owatibodi ati na, owatibodi dai‑ya foyateni. Deoso Ati Amosabote okamina, owa dai kasoma, kadeya‑ya ofoya, owa‑ya dai kasoma, fara owa manakone kote dai kayafahareboneni.

Koroso 1:24

Deoso Ati Amosabote okamina, owa‑ya mai bisina, owa abano komamaroni. Owa‑ya mai bisina, oyawara, ya‑yai·obisamaroni. Kirisito‑ya mai bisinamaro‑nima ai‑ya mai bisinawaha, Kirisito‑ka ai amani. Kirisito abano‑nima ai nawahaboneni. Kirisito‑ka mai okasoma, Kirisito ati‑ya mai nofara owa‑ya mai bisinamaroni.

Koroso 4:18

Owa‑ya kadeya‑ya mai nawaa, owa yehe‑ya yama hani okanahanowahani. Baoro ama·oni, owa dai watoyahi. Owa tamine dai hiyarahi Deoso‑ya. Deoso dai‑ya sawibonane. “Deoso, Koroso‑ya mai wi‑wina mai tikasomahi.” Oteni. Feye amani.

Koroso 4:3

Deoso‑ya dai hiyariya, oda tamine dai hiyara, “Abi Deoso, Baoro mai tikasomahi, tiwati‑ya mai kaminabonehe, mai dami‑ya. Yeso Kirisito tamine‑ya mai kaminabone, mai tikasomahi.” Dai ati nahi. Yeso Kirisito tamine ohiyaranadi ene kadeya‑ya owa‑ya mai nawaani.

Timoti yoto‑ke 1:16

Owa‑ya i‑di Onesiforo kasomemarine. Kadeya‑ya owaa, yawaremarine. Onesiforo‑ka mai‑ya Deoso kasomamakibonane.

Timoti yoto‑ke 1:8

Ai‑ka Ayo i‑di Yeso ati tihiyara, mai noki ihi tiwa habo siitoriyahi. Kadeya‑ya owaa, owa ene tiwa habo siitorihi na, Deoso Ati Amosabote tikaminiya, kadeya‑ya tiwa‑ya mai nawaaba awineni. Tiwa‑ya mai nawaa, sibaraboneni. Deoso tiwa‑ya kasomebonane.

Firimo 1:1

Baoro ama·oni. Yeso Kirisito ati okamina, kadeya‑ya owa‑ya mai nawaani. Ai‑ka soho i‑di Timoti oda fama, yama hani oda kanahanoneni. Firimo, tika yama hani‑bone okanahanaboneni. Oka owa amatini. Deoso‑ka yama‑ya anititeni.

Firimo 1:23

Yeso Kirisito ati‑ya Ebafarasi kamine ene kadeya‑ya foyahari, dai‑ya ati foyahari nane.

Firimo 1:9

Tiwa oyose awiraboneni. Tiwa onofi nafe, hiniya tiwa haa·onaboneni. Bote ama·oni. Yeso ati okamine ene kadeya‑ya owa‑ya mai nawaamaroni.

Yeso Kirisito ene‑bona 2:10

Dai habo siitoriyahi. Diaboro ati ene kadeya‑ya dai one‑ya mai nafoyabone, dai maaki‑bone‑ka mai ihi amani. Ai amoni ai yehe kafama‑ya dai‑ya mai weenaboneni. Deoso‑ka hawi bai‑ya dai maakani awiriya, dai‑ya mai nanahabiya, dai sibaraboneni. Dai kitamiya, owati ihi dai abaraboneni.