Efesiyo 2:8 - Deoso-ka Yama Hani

⁸ Ai aba‑nima ai namaro, Deoso ai‑ya nofi nafi hini ene ai‑ya kasome, Yeso ati ai no‑nofa, ai atibodi‑ya Deoso‑ka Doni sawiwahe, Deoso tabaro‑ya ai winabone, hini ai ene ai tohi awira, Deoso ene amane.

Efesiyo 2:8 ပူးပေါင်းရင်းမြစ်များ

Mateo 16:17

“Simaho, Yona bidi amatini. Ya‑yaitinahi. Owa tiwatobisineni. Bofe‑ka mai ihi tohi awira, Okobi neme‑ke ene yama tiwatowahani.

Mateo 20:9

5 ora‑ya mai‑ka yama anini yanana mai kamake, mai‑ka barata wamani ohari‑ya hidi‑ka yo‑yose daanane.

Maroko 16:16

Deoso ati amosabote ati‑ya mai nofa, mai dai habanirisiya, Deoso tabaro‑ya mai saweboneni. Deoso ati amosabote ati‑ya mai nofara, wara hirini‑ya mai‑ya weenebonane.

Roka 7:50

“Sima, owati tinofa ihi Deoso ai nafi‑ka hidi kitabote tohe‑ya tisaweboneni. Tiwa tabaro‑ya tikamahi.” Yeso ati nematane.

Yowaho 3:36

Deoso Bidi ati ai nofa ai abateraboneni. Deoso Bidi ati‑ya mai nofara Deoso tabaro‑ya mai sawirabone, mai ihi manakone hasinasa nineni.” Yowaho ati nematane.

Yowaho 4:10

“Owa tiwato awirini. Deoso owa‑ya yosemarine. Owa tiwata‑mani, tika faha‑ba haatina neni. Faha haatiniya, faha daa·ona neni. Oka faha‑ya mai fa‑fawa mai baki hokomarani.” Yeso ati nematane.

Yowaho 5:24

Owati amosabote dai mitahi. Okobi owa‑ya yosemarine. Owati‑ya mai mita, Okobi ati‑ya mai nofa, mai abateraboneni. Mai ihi towe manakone oda haarabone, mai kome fawarabone‑ka mai tohami awirini, mai abarabone‑ka mai tohabisineni.

Yowaho 6:35

“Deoso‑ka baho ama·oni. Owa ene mai fimiraboneni. Owa‑ya mai nofa mai fimimarihi, owati‑ya mai nofa mai baki hokomarihi teboneni.

Yowaho 6:37

Dai one‑ya Okobi owa‑ya daane, Okobi mai daahina owa‑ya mai nafi nofabone, owa‑ya mai nofiya, ‘Dai‑ya onofi awirini, dai tokahi.’ Oteraboneni.

Yowaho 6:40

Haa‑nima yama na‑ya Okobi nofane, Bidi mai hiawa, Bidi ati mai hinofa hine mai abateraboneni. Yama faina‑bone‑ya mai onakitamaboneni.” Yeso ati nemarine.

Yowaho 6:44

Okobi owa‑ya yosemari, owa‑ya Okobi mai hiyosera, owati‑ya mai nofaraboneni. Owati‑ya mai no‑nofa yama faina‑bone‑ya mai onakitamaboneni.

Yowaho 6:65

Oda‑ya hiyaramatase, “Owati‑ya dai one nofara, hibati‑ya owati yanana, ‘Okobi mai‑ya yosere owati‑ya mai nofaraboneni.’ Onamaroni.” Yeso ati nemarine.

Yeso‑ka yo‑yose mai tamine 13:39

Yeso ati ai nofa, ai‑ya Deoso ati somawamatene. Mose‑ka yama hani ati ihi ai‑ya Deoso ati somawamare, Yeso ati ai nofa‑ta Deoso ai‑ya ati somawamatene.

Yeso‑ka yo‑yose mai tamine 14:27

Mai kobokanama, mai ati ihi Kirisito‑ka mai‑ya mai yorotokana, Deoso mai‑ya kasome tamine‑ya mai kamina, “Yeso ati‑ya Bara mai nofawahineni, Deoso ene.” Mai ati namoneni.

Yeso‑ka yo‑yose mai tamine 15:11

Mose ai manakone‑ya nanahabarihi, manakone ai nanahabarihi ne, ai‑ka Ayo Yeso Kirisito ati‑ya ai nofa, ai manakone aba, Yeso ati‑ya mai nofa, mai manakone abahari teni.” Bedoro ati nemonane.

Yeso‑ka yo‑yose mai tamine 16:14

Fana ohare oni Ridiya toha, tabori bote oni Tiyatira tohateni. I‑di Ridiya bora amosa‑ya da‑daa, yinero‑ya kanikateni. Deoso‑ya nofa, Yeso tamine‑ta wato awisara. Baoro Yeso tamine‑ya kamine, ati‑ya Ridiya mita, Yeso ati‑ya nofawaha,

Yeso‑ka yo‑yose mai tamine 16:31

“Ai‑ka Hidi Yeso Kirisito ati tinofiya, tiwa manakone aba, tika mai manakone aba, Deoso tabaro‑ya dai winaboneni.” Mai ati nineni.

Homa 10:14

Yeso Kirisito ati‑ya mai nofara, Yeso‑ya mai haaterani. Yeso Kirisito tamine‑ya mai mitara, ati mai hinofaterebonane. Yeso Kirisito ati mai hikaminare, ati‑ya mai mitateraboneni.

Homa 10:17

Deoso Ati Amosabote Yeso tamine‑ya mai kamina, ati mai himiteya, ati mai hinofeba awane.

Homa 4:16

Fare Deoso ati‑nima yama nabone ai watowahineni. Deoso ati‑ya Abaraho nofemata, fare‑nima Deoso ati ai nofe, ati‑nima yama ai kayafaboneni. Ai ene tohi awirini. Deoso hini ene ai‑ya kasome, ai‑ya ati somawamebonane. Yodeo oda toha, Deoso ati oda nofiya, Deoso ati‑nima yama na oda kayafaboneni. Abaraho‑ka nodi yokana oda amani. Fara‑nima Bara dai toha, Deoso ati dai nofiya, Abaraho‑ka nodi yokana dai tohahare, Deoso dai‑ya ati somawamaharibonane. Deoso ati ai no‑nofa ai nafi‑ka idi i‑di Abaraho toha tene.

Homa 4:5

Ai ene amosaramaro, Deoso ai‑ya ati somawame, yama ai anina manakone tohara. Deoso ati ai nofe ene Deoso ai‑ya ati somawamabisane.

Homa 9:16

Deoso kitabote tohe, ai owa‑ya kasomebona ati ne, ai owa‑ya kasomatene. Deoso‑ya mai yoserihi, Deoso‑ya mai ati baririhi teni. Hini ati koboni‑ka yama‑ya anitene.

Karatiya 3:14

Abaraho‑ya Deoso kasomemarine. Yeso Kirisito ene Abaraho‑ya Deoso kasome‑nima Bara dai toha, Yeso ati dai nofiya, dai‑ya Deoso kasomaharibonane. Deoso‑ka Doni dai‑ya sawiwahebonane.

Karatiya 3:22

Mose ati ene ai nafi manakone wada ai wato teni. Makobote Yeso Kirisito ati‑ya mai nofa, mai manakone abateni.

Efesiyo 1:19

Deoso ohiyara, Deoso kitabote‑ya dai watabone, Yeso ati ai no‑nofa ai‑ya kasomebona, ai‑ya kasomi fawaterebonane. Kirisito‑ya kasomemata‑nima dai‑ya kasomebonane.

Efesiyo 2:10

Yeso Kirisito‑ka ai toha, ai atibodi yati‑bone‑ya Deoso wamane, ai‑ya daahina, ai ene amosawamabonehe. Ai ene amosa‑ya Deoso ati kobonemata, fara ai ene amosahi.

Efesiyo 2:5

Ai atibodi bote ati‑ya ai tokadabamaro ihi ai aba‑nima ai namaroni. Deoso ai‑ya nofi kite, ai‑ya nakitamane. Ai atibodi yati daahina, fara‑ya hika Doni sawiya, Kirisito‑ka ai tohawahineni.

Firibo 1:29

Kirisito‑ka dai amani, Yeso ati dai nofaro. Deoso dai‑ya nofe, Kirisito ati dai tokadabiya, dai‑ya mai nakomaboneni. Dai‑ya mai bisina, dai ya‑yainahi.

Koroso 2:12

Dai‑ya mai habanirisa, dai atibodi amosaramaro, dai atibodi bote aba, dai aba‑nima dai namaroni. Deoso ati ene Kirisito ati dai no‑nofa dai atibodi yati tohawaha, dai kitama‑nima dai nawahani. Yeso Kirisito abemari, Deoso hinakitamemarine. Ai atibodi bote amosara, Deoso ene ai atibodi yati tohawahineni.

Tesaronika yoto‑ke 1:9

Mai kome kita fawateraboneni. Ai‑ka Hidi Yeso noko‑ya mai awamateraboneni. Ai‑ka Hidi ene kitabote‑ya mai awateraboneni.

Ebereo 6:4

Deoso ati‑ya mai wa‑wato, Deoso‑ka Doni mai‑ya sawi, yama amosabote‑ya Deoso mai‑ya daane, Deoso ati‑ya mai nofami awiriya, mai ihi Deoso‑ya hini mai tamine‑ya mai kaminamariya, Deoso mai‑ya ati somawamaterebonane.

Bedoro daidi 1:5

Deoso kitabote dai‑ya nawade, tabaro‑ya dai kobona, Yeso ati‑ya dai nofa ene yama amosabote‑ya dai kayafaboneni.