Efesiyo 2:7 - Deoso-ka Yama Hani

⁷ Deoso ene Yeso Kirisito ai manakone‑ya nanahabe, ai‑ya kasome, hibayata ai kasomi tamine nafi ai watosa ni awira, makobote ai watowahaboneni. Fara Deoso ene amosabote‑ya mai nafi awawahaboneni.

Efesiyo 2:7 ပူးပေါင်းရင်းမြစ်များ

Homa 2:4

Deoso‑ya dai nayawariyahi. Dai‑ya nofi nafi, dai ene‑ya kakatome, dai ene‑ya kadika kanibote re, dai ene‑maro‑nima dai ene namarabone, dai ene‑maro dai nofamarabone‑ya Deoso nimanane.

Efesiyo 1:7

Deoso Bidi Yeso Kirisito abe, emene tokafodo ene ai manakone abamaroni, ai manakone wadamaterabonehe. Ai ene amosara ai‑ya yaditona‑nima namaro, ai manakone aba, Deoso ai‑ya ati somawame, ai‑ya seekanemarine. Deoso ene amosabote amane.

Efesiyo 2:4

Ai‑ya yawe, ai‑ya nofi nafinasa ne, ai‑ya kasomatene.

Efesiyo 3:21

Kirisito‑ka ai toha Yeso Kirisito ai‑ka Hidi amane. Deoso‑ya ai nafi kahiyarahi. Mahi‑nima Deoso ai kahiyara, ai kahiyari fawaterayaho, Deoso amosabote amane. “Fara amani.” Ai ati nahi.

Efesiyo 3:5

Hibati‑ya yama tamine‑ya mai watora, hibayata Deoso ati‑ya mai mi‑mita mai toha, Yeso‑ka yo‑yose oda toha, oda na, fara tamine‑ya Deoso‑ka Doni oda‑ya kaminawahemarine.

Tesaronika yoto‑ke 1:12

Dai ene‑ya mai awiya, Yeso‑ya mai kahiyarawahaboneni. Dai ene Yeso‑ya mai kahiyara, dai ene i‑di Deoso ya‑yainebonane. Ai‑ka Ayo i‑di Yeso Kirisito ene Deoso ai‑ya kasomebonane.

Tito 3:4

Hibati‑ya Deoso ai‑ya kayawemari, ai‑ya nofi nafi ene i‑di Yeso ai manakone‑ya nanahabemarine.

Bedoro daidi 1:12

“Owati dai kanahanohi. Owati‑ya mai wato kanibote raboneni. Mai amoni dami‑ya dai ati‑ya mai kadikiya, owati‑ya mai watowahaboneni.” Deoso‑ka Doni ati nematane. Fare dai tamine‑ya hiyare, Deoso‑ka Doni neme‑ya kise, dai‑ya kanawatobona, dai‑ya oda kaminamakitasineni. Deoso‑ka yo‑yose neme‑ya mai wi‑wina, dai‑ya Deoso kanawato tamine‑ya mai atibodi kadika, yama‑ya mai watora, ai‑ta Deoso ati ai wato neni.