Efesiyo 2:3 - Deoso-ka Yama Hani

³ Fara mai ihi‑nima ai nafi ene namaro, ai atibodi bote ati ai tokadaba, mai ihi‑nima ai ene na, ai ene amosara ene ai‑ya Deoso yawematane.

Efesiyo 2:3 ပူးပေါင်းရင်းမြစ်များ

Maroko 4:19

makobote yamataha, bora, yinero, yama dama toha na‑ya mai nokotonihe, Deoso ati‑ya mai nokotonimara, yamata atiwa‑ya daba, bonora‑nima mai na, mai ihi amosa‑ba wadarani.

Yowaho 1:13

Deoso bidi ai tohabone, fana dori‑ya ai wadamatasi awiramaroni. Ai owa ene tohi awire, Deoso hini ene bidi ai tohawahamaroni.

Yowaho 8:44

Dai‑ka abi yokana Diaboro tohe, dai‑ka abi ati‑nima dai nabone dai ati neni. Diaboro ai‑ya nanahaba tene. Satanasi fara yama yokana‑ya kaminatere, keyehe‑ya hirinibisatene. Satanasi hini atibodi ene keyehe‑ya hirini fawaterene. Satanasi ati‑ya mai tokadaba keyehe‑ya mai hiriteni.

Yeso‑ka yo‑yose mai tamine 14:16

Hibati‑ya mai tabori dami‑ya mai wi‑wina Deoso yokana mai atibodi‑ya barikare, hini mai atibodi ati‑nima mai nineni.

Homa 1:24

Deoso‑ya mai nofi watora mai‑ya Deoso saatokase, “Feye amani. Mai narabi hawi watora mai‑ya ohiyarami awiraboneni. Hini mai atibodi ati‑ya mai nofabisa, hini mai atibodi ati‑nima mai niya, mai atibodi mai‑ya weenamaraboneni.” Deoso ati nematane. Hini mai atibodi ihi mai ihi amosara, mai ibi tokatowe, mai dami‑ya mai atibodi ati aha, hini mai atibodi ati‑nima mai ihi teni.

Homa 11:30

Hibati‑ya Deoso ati dai tokadabaramaro, Isara·eo‑ka nodi mai ihi amosara, mai ihi Deoso Ati Amosabote dai mita, ati dai nofe, Deoso dai‑ya kasome, dai‑ya ati somawamane.

Homa 13:14

Ai‑ka hidi i‑di Yeso Kirisito atibodi yama hini kobohina‑nima dai atibodi kobonahi. Dai atibodi bote yama hinofa tamine‑ya dai kadikariyahi. Dai atibodi bote ati‑nima dai riyahi.

Homa 2:14

Deoso ati i‑di Mose hikanahanomata, ati‑ya Bara mai mitasa ni awira, mai atibodi yama amosa‑ya wata, fara yama amosa‑ya mai‑ka yama anini toha, Mose ati‑ya mai tokadaba mai‑nima mai nineni.

Homa 5:10

Deoso ai nofasa riya, Deoso Bidi abe, ai manakone‑ya nanahabematane. Deoso Bidi abe ene ai‑ya ati somawame, Bidi kitame ene ai‑ya weenamarebona, hini tabaro‑ya ai winabone ai watoneni.

Homa 5:9

Yeso abe, emene tokafodo ene Deoso ai‑ya ati somawame, Yeso ene Deoso ai‑ya ati yawamaterebonane.

Homa 6:12

Dai atibodi bote yama towe‑ya nokotonihemaro, dai‑ka hidi tohamara. Dai atibodi bote ati‑nima dai riyahi.

Homa 7:18

Owatibodi bote yama amosa‑ya nofara. Yama amosa onofabisa, yama amosa‑ya owatonasa oni awirani.

Homa 9:22

Fare‑nima Deoso ene ne, ai nafi‑ya wamanematane. Mai one ihi amosarabone‑ya watonemata, mai ihi amosawamabone mai‑ya nimane. Mai ihi amosawami awiriya, Deoso yawi kite‑ya mai awabone ati nematane. Deoso yawe‑ya mai awa, mai‑ya nanahabe, sibarane.

Korito daidi 4:7

Yama dai kiha Deoso dai‑ya daanemarine. Hiniya honita‑ya dai‑ya daane. Hini yamata ihi dai‑ya dai kahiyariti? Dai ene tohi awirini.

Korito yoto‑ke 7:1

Dai onofa, owati dai mitahi. Deoso ai‑ya kasome ene ai atibodi amosa, ai abano ene amosa nahi. Deoso ai nayawarabone, Deoso ai ya‑yainihebone, ai ene amosahi.

Karatiya 3:22

Mose ati ene ai nafi manakone wada ai wato teni. Makobote Yeso Kirisito ati‑ya mai nofa, mai manakone abateni.

Efesiyo 2:2

Satanasi ati‑ya mai tokadaba, mai‑nima dai namaroni. Madi mai‑ka hidi i‑di Satanasi amane. Madi mai dama ahiyata‑ya mai wi‑wina, ai atibodi‑ya keyehe‑ya mai hirikiteni. Deoso ati ai one nofara, Satanasi ati‑ya mai tokadabateni.

Efesiyo 4:22

Dai atibodi bote ati‑ya dai tokadabamariyahi. Dai atibodi bote, yama towe‑ya nokotonihe. Bora bisa toha, taninisa‑nima dai atibodi bote dai nihi.

Koroso 1:21

Hibati‑ya Deoso‑ya dai ka‑kako, dai ene amosaramaroni. Dai ene Deoso yawemarine.

Tesaronika daidi 4:13

Ai one abamaro tamine oda hiyaraboneni, yama dai watobonekaro. Deoso ati‑ya mai no‑nofa mai aba, mai ihi dai atibodi komene bi‑bidi nahi. Deoso tabaro‑ya mai winaboneni. Deoso ati‑ya mai nofara mai aba, mai tabiyo mai hiyawa, mai kitamiya, madi mai tabori‑ya mai sawiya, mai kome kitabisaboneni.

Tesaronika daidi 5:6

Mai amona, yama‑ya mai watora, mai‑nima dai riyahi. Dai noko wadahi, yama‑ya dai watabonehe. Kawi‑ya mai fawa, mai towe toha, yama‑ya mai watora, mai‑nima dai riyahi.

Timoti daidi 6:9

Yinero‑ya mai no‑nokotoni towe mai amani. “Yama amosara‑ya ai aniniya, ai‑ka yinero nafibisebonane.” Mai ati teni. Mai ihi amosara. Satanasi mai‑ya waratonebonane. Yama amosara‑ya mai nokotonihe, hini mai ihi mai abawahaboneni.

Tito 3:3

Hibati‑ya yama‑ya oda watora, Deoso ati‑ya oda nofara, keyehe‑ya mai hirina, mai ati oda nofa, yama amosara‑ya oda nokotonihe. Yama amosa oda watora, mai oda kako, oda‑ya mai kakohari namaroni.

Bedoro daidi 1:14

Madehe ihi amosa, mai‑ka abi mai ati‑ya mai tokadabateni. Madehe‑nima Deoso ati dai tokadabahi. Hibati‑ya yama‑ya dai watoriya, yama amosara dai atibodi kobohina‑nima dai ene namariyahi.

Bedoro yoto‑ke 2:14

Mai fanawi‑ya mai ahabone mai nokotonihe, mai ihi amosara, Deoso ati‑ya mai fanawi one wato bide toha, mai‑ya mai keyeheteni, mai‑ya mai ahabonehe. Mai one yahi hone‑ya mai yaba, madehe narabi hawira‑nima mai na, hini mai ihi Deoso mai‑ya bisinebonane.

Bedoro yoto‑ke 2:18

“Oda‑nima dai nahi! Mai fanawi oda nokotonihe, Deoso oda‑ya kayafebonane.” Mai ati nineni, keyehe‑ya mai hirinaro. Deoso ati‑ya mai tokadabawahabone mai ati na, mai one‑ka keyehe‑ya mai tokadabamatasa, Deoso ati‑ya mai nofamara, mai fanawi‑ya mai nokotonimatasineni.

Yowaho daidi 2:16

Mai fanawi‑ya mai nokotinihe, yama nafi‑ya mai awa, mai atibodi kobona, yama‑ya mai kiha, hini mai‑ya mai kahiyara, Deoso ene tohaterene. Satanasi ati‑ya mai no‑nofa, haa‑nima yama na‑ya mai nokotoniteni.

Yowaho daidi 2:8

Owati bara tohawaha, keyehe‑ya hiri·ora, dai‑ka yama soki fawani yanatona, dai‑ka yama wahi yokana‑bone yanatona, hibati‑ya yama‑ya dai watora, yama soki‑nima dai namaro, hibayata Yeso ene yama‑ya dai watowaha, yama wahabisari‑nima dai nawahani.