Efesiyo 2:20 - Deoso-ka Yama Hani

²⁰ Kirisito ene Deoso‑ka yobe amosabote ai nafi tohaboneni. Kirisito kitabote, yobe tati mese ewene kite‑nima nane. Yobe wamani nahotene. Hibati‑ya Deoso ati‑ya mai mi‑mita‑mete mai toha, Deoso ati‑ya mai kanahanamete mai toha na, Deoso‑ka yobe kote mai toha, Yeso‑ka yo‑yose Yeso tamine‑ya mai kaminamake, yobe kote mai toha, Yeso ati‑ya dai no‑nofa yobe kote dai toha na,

Efesiyo 2:20 ပူးပေါင်းရင်းမြစ်များ

Mateo 16:18

Owati timitahi. Tiwa oni Bedoro toha, yati oni‑ya weyetineni. Okobi yati webote‑nima ne, Okobi ene oka mai damawahabone, mai tosiyoteraboneni.

Mateo 21:42

Yeso ati yananamatase, “Fara amani. Deoso‑ka yama hani ati dai mitahi, ‘Yobe‑ya mai wa‑wama awa mai werehiwite, yobe tati mese ewene tohawahene.’ Deoso‑ka yama hani ati nineni. Deoso ene ai awemari, ai ya‑yainineni.” Yeso ati nemarine.

Korito daidi 12:28

Yeso ati‑ya ai no‑nofa ai ibi kasomaboneni, ai nafi. Deoso ati ene Yeso‑ka yo‑yose ai one toha, Deoso ati‑ya mai ka‑kamina‑bone mai one toha, mai one‑ya mai ka‑kanawato‑bone mai one toha, mai one‑ya mai na‑nakitama‑bone mai one toha, mai ihi ki‑kita‑bone mai one toha, ai one‑ya mai ka‑kasoma‑bone mai one toha, mai one‑ya mai yo‑yofikana‑bone mai one toha, mai one ati‑ya mai hi‑hiyara‑bone mai one toha naboneni.

Karatiya 2:9

I‑di Tiyako, i‑di Bedoro, i‑di Yowaho mai na, webote mai‑mone, i‑di Banabe oda fama, oda ati‑ya mai mitamaroni. Oda ati‑ya mai mitiya, oda yehe‑ya mai waranamaroni. “Hehe, oda‑nima dai na, Bara mai‑ya Deoso Ati Amosabote‑ya dai kaminahi. Oda‑ta Yodeo mai‑ya Deoso Ati Amosabote oda kaminaboneni. Deoso dai‑ya kasomebonane.” Mai ati namaroni.

Efesiyo 3:5

Hibati‑ya yama tamine‑ya mai watora, hibayata Deoso ati‑ya mai mi‑mita mai toha, Yeso‑ka yo‑yose oda toha, oda na, fara tamine‑ya Deoso‑ka Doni oda‑ya kaminawahemarine.

Koroso 2:7

Awa habi bodi‑ya toka, sona kanibote terani. Fara‑nima Yeso ati ai tokadaba, Satanasi ati ai nofa kanibote terani. Kirisito ati‑ya dai‑ya mai kanawata, ati dai nofi ba‑basi naho. “Abi Deoso, amosabote amatini. Oda‑ya tikasoma, tiwa ene oda ya‑yaineni.” Dai ati nahi.

Bedoro daidi 2:6

Deoso ati dai mitahi. “Siyaho‑ya oka yati amosabote onawaa onaboneni. Oka yati amosabote manakone nafi tohe ihi yobe amosebonane. Yati amosabote‑nima Oka Dao tohane, Oka Dao ati‑ya dai nofa, ati tamine dai‑ya mai weena, dai atibodi dai‑ya weeraboneni.” Deoso ati nematane.

Yeso Kirisito ene‑bona 21:14

Yama barikani‑ka awe siitona yati wamani 12 kana tohani. Yati mese‑ya Kaneiro Bidi‑ka yo‑yose mai 12 kana mai oni kobobokana nani.