Efesiyo 2:2 - Deoso-ka Yama Hani

² Satanasi ati‑ya mai tokadaba, mai‑nima dai namaroni. Madi mai‑ka hidi i‑di Satanasi amane. Madi mai dama ahiyata‑ya mai wi‑wina, ai atibodi‑ya keyehe‑ya mai hirikiteni. Deoso ati ai one nofara, Satanasi ati‑ya mai tokadabateni.

Efesiyo 2:2 ပူးပေါင်းရင်းမြစ်များ

Mateo 11:19

Dai‑ka Ayo neme‑ke tafi ba‑basi ne, fino‑ya fawane, ‘Yeso towe amane. Tafi nafi, fino‑ya fawa, kofeno‑ka yinero‑bona‑ya mai ha‑haa mai toha, mai ihi amosara mai toha, mai na, mai‑ya Yeso nofatene.’ Dai ati teni. Yama‑ya mai wa‑wato mai ihi ai awa, mai ai watoteni.” Yeso ati nemarine.

Mateo 13:22

Atiwa mete‑ya yamata noki sona, fara Deoso ati‑ya mai mita, makobote yamataha, bora, yinero na‑ya mai nokotonihe, Deoso ati‑ya mai nokotonimara, yamata atiwa‑ya daba, bonora‑nima mai na, mai ihi amosa‑ba wadarani.

Mateo 13:38

Maki‑ka wami ai nafi wi‑wina‑ka tamine amani. Deoso‑ka dai toha, yamata noki amosa‑nima dai nineni. I‑di Satanasi ati‑ya mai no‑nofa yama kabara noki‑nima mai nineni.

Maroko 4:19

makobote yamataha, bora, yinero, yama dama toha na‑ya mai nokotonihe, Deoso ati‑ya mai nokotonimara, yamata atiwa‑ya daba, bonora‑nima mai na, mai ihi amosa‑ba wadarani.

Roka 16:8

Ene towe tamine‑ya hidi mite, ati yanane, ‘Oka yinero‑ya na‑nawada‑mari yama‑ya watone.’ Hidi ati nane. Deoso ati‑ya mai tokadabara mai‑ka owa atibodi ati‑ya mai watoteni. Deoso ati‑ya mai tokadabamone Deoso atibodi ati‑ya mai wato bi‑bidi nineni.

Roka 22:31

Bedoro‑ya Yeso hiyare, “Simaho, Simaho owati timitahi. Deoso‑ya dai tamine‑ya Satanasi hiyare, dai‑ya keyehebona ati nane. Satanasi‑ya Deoso ati barirene.

Yowaho 12:31

“Hibayata bofe‑ke mai ene Deoso kadikebonane. Hibayata bofe‑ke mai‑ka hidi‑ya Deoso kananebonane.

Yowaho 13:2

Simaho Isikari·oti bidi i‑di Yoda, Diaboro ati ene Yeso‑ya daanebona, atibodi hawa tohe, mesa‑ya oda nahori hawa tohamaroni.

Yowaho 13:27

Baho‑ya Yoda waratoneya, atibodi‑ya Satanasi sawiwahemarine. “Yoda, tiwa ene‑bone toha kanibote nahi.” Yeso ati nemarine.

Yowaho 14:30

Dai‑ya ohiyari nafimaraboneni. Bofe‑ka mai‑ka hidi kobonebonane. Oka hidi tohi awirane.

Yowaho 15:19

Bofe‑ka dai toha‑mani, dai‑ya mai nofa neni. Hini mai one‑ya mai nofateni. Dai okadikamaro, bofe‑ka dai tohamara, dai‑ya mai kakoteni.

Yowaho 16:11

Bofe‑ka mai‑ka hidi Deoso hikadiki hawahinihi, hini ene manakone wade tamine‑ya Deoso‑ka Doni mai‑ya kaminebonane.” Yeso ati nemarine.

Yowaho 7:7

Dai‑ya mai kakoterani. ‘Mai ihi amosarani.’ Ona, owa‑ya mai kakoteni.

Yowaho 8:23

“Bofe‑ya dai yana, bofe‑ka dai amani. Neme‑ya yana·obisa, bofe‑ka ohi awirini.

Yowaho 8:44

Dai‑ka abi yokana Diaboro tohe, dai‑ka abi ati‑nima dai nabone dai ati neni. Diaboro ai‑ya nanahaba tene. Satanasi fara yama yokana‑ya kaminatere, keyehe‑ya hirinibisatene. Satanasi hini atibodi ene keyehe‑ya hirini fawaterene. Satanasi ati‑ya mai tokadaba keyehe‑ya mai hiriteni.

Yeso‑ka yo‑yose mai tamine 19:35

Mai‑ka yara owa waamise ene mai ati fawanawahani. “Owati dai mitahi. Efesiyo‑ya dai wi‑wina, dai tamine mai nafi watoneni. Hibati‑ya neme‑ya i‑di Diyana‑ka yati sona, Diyana ka‑kahiyara‑ka yobe webote, yati na, dai na‑nawada mai watoharineni.

Yeso‑ka yo‑yose mai tamine 5:3

Ananiya‑ya Bedoro hiyare, “Ananiya, hini yamata ihi keyehe‑ya hiritina? Satanasi ene Deoso‑ka Doni‑ya keyehe‑ya hiritikana, tika fadara manakone kote tikayaha, keyehe‑ya hiritineni.

Homa 12:2

Deoso ati‑ya mai nofara mai‑nima dai riyahi. Yama amosa hinama tamine‑ya dai atibodi kadikabisahi. Fara yama amosa dai kadikiya, dai ene amosawamabone, yama Deoso hinofa‑ya dai watabone, dai ene Deoso dai ya‑yainiheboneni.

Korito daidi 5:10

Deoso ati‑ya mai nofara mai tamine‑ya owati toharani. Deoso ati‑ya mai ati nofa mai tamine‑ya owati tohabisani. Deoso ati‑ya mai nofara mai ihi amosara. Mai one‑ya mai nokotonihi, mai one‑ka yama‑ya mai kayafa, yama‑ya mai boti mai na, deoso bare‑ya mai kahiyara teni. Fara yama nafi‑nima mai nawaare, mai tabori yakari‑ya ai sawi nofara‑mani, bofe‑ya ai winara neni.

Korito daidi 6:11

Hibati‑ya mai ihi‑nima dai ene namaro, ai‑ka Hidi i‑di Yeso Kirisito dai manakone‑ya nanahabe, dai manakone wadamara, Deoso‑ka Doni dai atibodi‑ya namosawahemarine.

Korito yoto‑ke 4:4

Deoso yokana ati‑ya mai nofara, madi mai‑ka deoso i‑di Satanasi ati‑ya mai nofabisa, Satanasi ene mai atibodi noki wadara, Deoso Ati Amosabote mai mitara, Kirisito amosabote‑ya mai awara, Deoso yokana‑nima Kirisito ne amane.

Karatiya 1:4

Ai ene amosara, tabora nafi‑nima ai ene towe namaro, ai manakone wada, ai ababoneni. Yeso ai manakone‑ya nanahabebona, ababisemarine. Hibati‑ya ai ene towe toha, Deoso ati ene ai manakone‑ya Yeso nanahabemari, Yeso ene ai ene amosawahaboneni.

Efesiyo 1:21

Deoso kitabote toha, Yeso Kirisito kitabote toha nane. Webote mai one toha, hidi mai toha na, mai kiti bi‑bidi, Deoso‑ka yo‑yose mai toha, madi mai toha, mai na, mai kiti bi‑bidi, bofe‑ya mai wi‑wina, neme‑ya mai wi‑wina, mai na, mai kiti bi‑bidi nineni. Kirisito‑ta kiti nafibisane. Kirisito oni amosabotebisa amane. Hibayata Kirisito kitabote tohe, makobote Deoso tabaro‑ya ai koboniya, Kirisito kitabote tohebona, kiti fawaterebonane.

Efesiyo 2:11

Bara dai tohamaro, yama‑ya dai atibodi kadamowamariyahi. Hibati‑ya dai sowiri tati ataro‑ya mai wisinakosara, dai‑ya Yodeo mai nofaramaroni. Yodeo mai sowiri tati atori mai wisihinakosa, Deoso‑ka mai tohabone mai ati teni. Mai sowiri tati atori abara, towe mai‑mone Yodeo mai ati namaroni.

Efesiyo 2:13

Hibati‑ya Yeso Kirisito‑ka dai tohara, Yeso Kirisito abe, emene tokafodo, hibayata ati dai nofawahe, Yeso Kirisito‑ka dai tohawahineni.

Efesiyo 2:3

Fara mai ihi‑nima ai nafi ene namaro, ai atibodi bote ati ai tokadaba, mai ihi‑nima ai ene na, ai ene amosara ene ai‑ya Deoso yawematane.

Efesiyo 4:17

Ai‑ka Hidi, i‑di Kirisito ati dai mitahi. Hibati‑ya Bara mai one ihi‑nima dai ene namaro, haa‑nima dai ene namariyahi.

Efesiyo 4:22

Dai atibodi bote ati‑ya dai tokadabamariyahi. Dai atibodi bote, yama towe‑ya nokotonihe. Bora bisa toha, taninisa‑nima dai atibodi bote dai nihi.

Efesiyo 5:6

Dai‑ya keyehe‑ya mai hirikariyahi. Mai ati honita tohateni. Deoso ati‑ya mai tokadabara. Mai ihi towe toha, mai ihi Deoso yawebona, mai manakone‑ya daanebonane.

Efesiyo 5:8

Hibati‑ya yama soki‑nima dai na, yama‑ya dai watoramaroni. Hibayata yama wahi‑nima dai nawaha, Deoso tamine dai watowaha, Deoso ati dai watowaha, dai na, dai ene amosahi.

Efesiyo 6:12

Ai‑ya mai ka‑kako mai ime wadarihi, mai tone wadarihi, mai ame wadarihi na, mai‑ka hidi Satanasi tohe, hika madi mai toha, mai one kiti bi‑bidi, mai one kiti ba‑basi, mai one kiti nafi na ai‑ya mai kaka, mai‑ka hidi ai‑ya kako‑nima ai mai kako teni.

Koroso 1:21

Hibati‑ya Deoso‑ya dai ka‑kako, dai ene amosaramaroni. Dai ene Deoso yawemarine.

Timoti yoto‑ke 4:10

I‑di Dema owa‑ya sawimi awira, bofe‑ka yama dama‑ya nokotoniya, Tesaronika‑ya tokane. Karatiya‑ya i‑di Keriseti toka, Daomatiya‑ya i‑di Tito toka nane.

Tiyako 1:27

Dai ene‑ya ai‑ka Abi i‑di Deoso nofebona dai ati na, haa‑nima dai ene nahi. Mai‑ka abi wadare mai dai kasoma, mai‑ka yibote aba, mai dai kasoma dai nahi. Deoso ati‑ya mai nofara mai ihi‑nima dai ene riyahi.

Tiyako 1:7

Faha rike‑nima mai atibodi ati na, yama‑ya mai atibodi koboni watora, mai‑ka yama‑bone‑ya Deoso daarebonane.

Tiyako 4:4

Mai dami‑ya mai da‑dakora mai‑nima dai na, yama dai watokarini? Satanasi‑ka yama ai nokotonihe Deoso ai‑ka no‑nofa tohaterebonane. Satanasi‑ka ai‑ya mai nofabone mai ihi‑nima ai ene na, Deoso ai ene‑ya kakotebonane.

Bedoro daidi 1:14

Madehe ihi amosa, mai‑ka abi mai ati‑ya mai tokadabateni. Madehe‑nima Deoso ati dai tokadabahi. Hibati‑ya yama‑ya dai watoriya, yama amosara dai atibodi kobohina‑nima dai ene namariyahi.

Bedoro daidi 4:3

Hibati‑ya Deoso ati dai nofara, dai one ene‑nima dai ene namaro, mai fanawi‑ya dai nokotonihi, kawi‑ya dai fawa, mai fanawi dami‑ya dai dakora, deoso bare ati‑ya dai nofa na, dai ene amosara hinama tohamaroni.

Bedoro yoto‑ke 2:14

Mai fanawi‑ya mai ahabone mai nokotonihe, mai ihi amosara, Deoso ati‑ya mai fanawi one wato bide toha, mai‑ya mai keyeheteni, mai‑ya mai ahabonehe. Mai one yahi hone‑ya mai yaba, madehe narabi hawira‑nima mai na, hini mai ihi Deoso mai‑ya bisinebonane.

Yowaho daidi 3:10

Mai ihi ai awiya, mai‑ka abi oni ai watoteni. Mai ihi amosara, mai one‑ya mai nofarihi na, Deoso bidi mai tohara, Satanasi bidi mai tohani.

Yowaho daidi 3:8

Mai ihi amosara, Satanasi‑ka mai toha, Satanasi ene amosaremata, ene amosanasa rene. Deoso Bidi i‑di Yeso kamemarine, Satanasi ene‑ya nanahabebonaha.

Yowaho daidi 4:4

Oka madehe‑nima dai na, Deoso‑ka dai toha, dai‑ya Satanasi‑ka mai nofara, Deoso‑ka Doni dai‑ya sawi, Deoso‑ka Doni ene kitabote toha, Satanasi mai‑ya sawi, Satanasi ene ki‑kita‑raba nibisane.

Yowaho daidi 5:19

Deoso‑ka ai toha mai ai watoteni. Satanasi‑ka mai toha Satanasi mai‑ya yokobonane.

Yowaho daidi 5:4

Deoso bidi ai toha, Deoso ati‑ya ai nofa Satanasi ati‑ya ai nofarani.

Yeso Kirisito ene‑bona 12:9

Dafi kite hika yo‑yose mai eyehe bofe‑ya mai korohinisane. Dafi Satanasi amane. Oni owa Diaboro amane. Satanasi maka‑nima ne, fare amane. Bofe‑ka mai nafi‑ya keyehene.

Yeso Kirisito ene‑bona 13:14

Bani Hame wami‑ke ene kite‑ya bofe‑ka mai awa, hika keyehe mai hikadaba, “Bani Hame faha‑ke yima ihi‑ya nawademari, kitame, korimari dai wamanahi, korimari dai kahiyarebonaha.” Bani Hame wami‑ke ati nene.

Yeso Kirisito ene‑bona 13:8

Bofe‑ya mai wi‑wina Bani Hame‑ya mai nafi kahiyarabone, fare Kaneiro Bidi‑ka yama hani‑ya mai oni sawi awiriya, Bani Hame‑ya mai nafi kahiyaraboneni. Hibati‑ya wami awisari‑ya Kaneiro Bidi ati‑ya mai to‑tokadababone mai oni‑ya Deoso wato, mai oni‑ya kanahanomatamonane. Kaneiro Bidi abemari, kitamemarine.

Yeso Kirisito ene‑bona 16:17

Deoso‑ka yo‑yose owa 7‑ke barato‑ka yama‑ya neme sabi sawi‑kaya yama‑ya soronisane. Deoso‑ka yobe‑ya hidi webote‑ka kadera kaware, fara‑ya ati kite yanane, “Yama hawa tohini.” Ati nene.

Yeso Kirisito ene‑bona 20:2

Dafi‑ya wate, koheti‑ya dafi‑ya sokine, faha fowe 1.000 kani‑ya dafi seekani awirebonane. Dafi Satanasi amane. Oni owa Diaboro amane. Satanasi maka‑nima nematamona, fare amane.