Efesiyo 2:17 - Deoso-ka Yama Hani

¹⁷ Hibati‑ya Deoso ati‑ya Yodeo mai wato ba‑basi, Bara Deoso ati‑ya mai wato bi‑bidi nameteni. Deoso Ati Amosabote‑ya Yeso mai nafi‑ya hiyare, Yeso ati ai no‑nofa Kirisito‑ka ai tohawahani. Yodeo mai toha, Bara mai toha na, ai ibi nofawahaboneni.

Efesiyo 2:17 ပူးပေါင်းရင်းမြစ်များ

Yeso‑ka yo‑yose mai tamine 10:36

Hibati‑ya Deoso Bidi‑ya yosene, Isara·eo‑ka nodi mai‑ya Ati Amosabote hikaminebonaha. Yeso Kirisito ati‑ya mai nofa, Deoso mai‑ya ati somawamebonane. Fare‑nima Yeso Kirisito ati dai nofa, Deoso dai‑ya ati somawamaharibonane.

Yeso‑ka yo‑yose mai tamine 2:39

Fare oda‑ya sawi‑nima dai‑ya sawi, dai‑ka madehe‑ya sawi, yama yaki‑ya mai wi‑wina mai‑ya sawi nebonane. Ai‑ka Hidi i‑di Deoso dai‑ya haane, dai‑ya haani‑nima mai‑ya haaneya, Deoso‑ka Doni mai‑ya sawibona ati nane.” Bedoro ati nemonane.

Homa 5:1

Yeso ati‑ya ai no‑nofa Deoso ai‑ya ati somawame, ai‑ka Ayo i‑di Yeso Kirisito ai manakone‑ya nanahabe ene ai manakone wadamara, Deoso ai‑ya ati yawamare, ai‑ya ati somatene.

Korito yoto‑ke 5:20

Deoso oda‑ya yosemarine, Yeso Kirisito ati dai‑ya oda kaminabonehe. “Deoso dai‑ya nofe, dai‑ya nokotonihi. Ati dai nofaho, Deoso‑ka dai tohawahabonehe.” Oda ati teni.

Roka 2:14

“Deoso neme‑ya wine, Deoso amosabote amane. Bofe‑ya dai wi‑wina, Deoso dai‑ya nofe, dai ya‑yainahi.” Mai ati nameteni.

Mateo 10:13

Yobe hidi ati amoseya, Deoso mai‑ya kasomebonane. Yobe hidi ati amosareya, Deoso mai‑ya kasomarebonane.

Homa 10:14

Yeso Kirisito ati‑ya mai nofara, Yeso‑ya mai haaterani. Yeso Kirisito tamine‑ya mai mitara, ati mai hinofaterebonane. Yeso Kirisito ati mai hikaminare, ati‑ya mai mitateraboneni.

Efesiyo 4:21

Hibati‑ya Yeso Kirisito Ati Amosabote okamine, ati dai watokarini? Yeso keyehe‑ya hiriterene.

Roka 15:8

Mai‑ya kanawatomatasebona mai‑ya hiyaramatase, “Fana‑ka yinero ai yehe kafama‑nima ne. Yinero barata wamani toha, yinero ohari fawaneya, nabarina wahi‑ya yinero‑ya sibana, yobe nafi‑ya yowinineni, yinero‑ya wasebonehe. Yinero‑ya wasi awisariya, sibahinane.