Efesiyo 2:12 - Deoso-ka Yama Hani

¹² Hibati‑ya Kirisito‑ya dai watorihi, Isara·eo‑ka mai‑ya dai dabarihi na, Deoso‑ka yama‑ya Yodeo mai one kayafabone, dai kayafi awirabone. Fara hibati‑ya dai aba‑mani, Deoso tabaro‑ya dai tokara neni.

Efesiyo 2:12 ပူးပေါင်းရင်းမြစ်များ

Roka 1:72

Ai‑ka idi mai‑ya Deoso nofe, ai‑ya kasomebona ati ne, hini ati‑nima ai‑ya kasomebonane.

Yowaho 10:16

Mai tabori one‑ya oka kaneiro mai one toha, mai onakamaboneni. Owati‑ya mai mitaboneni. Oka kaneiro mai one‑ya mai yoro·okanihebone, mai‑ya na‑nawada owa hare boneni.

Yowaho 15:5

Ofa ade‑nima ona, ofa ini‑nima dai na, owa dai nokotoniya, ofa ade‑ya ini waana‑nima dai na, dai‑ya okasomaboneni. Dai‑ya okasomara‑mani, dai ene amosa wadara neni.

Yowaho 4:22

Deoso dai kahiyara, yama dai kahiyara dai wato awirini. Yodeo oda toha, Deoso oda kahiyara, Deoso yokana oda watobisineni. Deoso ati somawama‑bona‑ka yama oda watoneni.

Yeso‑ka yo‑yose mai tamine 2:39

Fare oda‑ya sawi‑nima dai‑ya sawi, dai‑ka madehe‑ya sawi, yama yaki‑ya mai wi‑wina mai‑ya sawi nebonane. Ai‑ka Hidi i‑di Deoso dai‑ya haane, dai‑ya haani‑nima mai‑ya haaneya, Deoso‑ka Doni mai‑ya sawibona ati nane.” Bedoro ati nemonane.

Yeso‑ka yo‑yose mai tamine 28:20

Fara dai haa·ona, dai oawaboneni, owati dai mitabonehe. Isara·eo‑ka nodi ai nimane, tamine ohiyare ene koheti‑ya owa‑ya mai yaditoneni.” Baoro ati ne.

Yeso‑ka yo‑yose mai tamine 3:25

Deoso ati‑ya mai mi‑mita‑mete mai‑ka nodi dai toha, dai tamine‑ya Deoso i‑di Abaraho‑ya hiyare, ‘Abaraho, tabora nafi‑ya mai wi‑wina tika nodi mai‑ya kasomebonane.’ Deoso ati nematane.

Homa 9:8

Abaraho bidi mai one‑ka madehe Abaraho‑ka nodi yokana mai tohi awira. Isaki ohari bidi i‑di Abaraho‑ka nodi mai tohabisabone Deoso ati nematane.

Karatiya 4:8

Hibati‑ya Deoso yokana dai watora, madi mai ati dai nofamaro, deoso mai amanikani dai ati na, mai ati‑ya dai tokadabamaroni.

Efesiyo 2:19

Yeso ene Bara dai tohamara, Deoso‑ka dai tohawaha, Deoso‑ka oda tohi‑nima dai tohahare, Deoso bidi ai tohani.

Efesiyo 4:18

Yama‑ya mai atibodi wato nofara, yama‑ya mai watora, mai atibodi kita ihi Deoso hawine toki‑ya mai nofara, Deoso tabaro‑ya mai koboni awiraboneni.

Koroso 1:21

Hibati‑ya Deoso‑ya dai ka‑kako, dai ene amosaramaroni. Dai ene Deoso yawemarine.

Koroso 1:27

Hibati‑ya Deoso Ati Amosabote‑ya mai watoramete, hibayata ai‑ya Deoso kanawato, Bara mai atibodi‑ya Kirisito sawiwahebonane. Yodeo ai toha, Bara dai toha na, ai nafi‑ya sawiwahane. Ai atibodi‑ya Kirisito sawi, Deoso tabaro‑ya ai winawahabone ai watowahini.

Koroso 1:5

Deoso tabaro‑ya ai winabone tamine‑ya dai mita, Deoso Ati Amosabote dai nofamoneni. Yeso kami tamine dai mita, Yeso kamebona‑ya dai nimanawahamoneni.

Tesaronika daidi 4:13

Ai one abamaro tamine oda hiyaraboneni, yama dai watobonekaro. Deoso ati‑ya mai no‑nofa mai aba, mai ihi dai atibodi komene bi‑bidi nahi. Deoso tabaro‑ya mai winaboneni. Deoso ati‑ya mai nofara mai aba, mai tabiyo mai hiyawa, mai kitamiya, madi mai tabori‑ya mai sawiya, mai kome kitabisaboneni.

Tesaronika daidi 4:5

Deoso ati‑ya mai nofara, mai atibodi ati amosara, mai fanawi‑ya mai nokotoniteni, mai fanawi‑ya mai ahabonehe. Mai‑ka owa‑ka yibote mai‑ya mai siwakana, mai makidi hinama mai ibi siwakana, mai na, fara mai ihi Deoso yawatene. Tika yibote ohare‑ta tinofabisahi. Dai one mai‑nima dai riyahi.

Tesaronika yoto‑ke 2:16

Ai‑ka Ayo i‑di Yeso Kirisito, ai‑ka Abi i‑di Deoso ne, ai‑ya mai nofa, ai‑ya mai kasomateni. Fara mai ihi Deoso tabaro‑ya ai kobonabone ai watoneni.

Timoti daidi 1:1

Baoro ama·oni. I‑di Yeso Kirisito‑ka yo‑yose ama·oni. I‑di Deoso owa‑ya kadikemarine, hika ohabonehe. I‑di Yeso Kirisito ai‑ya ka‑kasoma, kamebona ai nimaneni.

Ebereo 11:34

Deoso ati‑ya mai no‑nofa mai one‑ya mai yaditona, yama hirini‑ya mai‑ya mai korotowitineni, mai ababonehe. Mai abara mai‑ka mado‑ta hatibisameteni. Yima‑ya mai one mai mai hinahaba hinabone, Deoso ene mai hinahabarameteni. Hibati‑ya mai kitara, mai‑ya bara mai bisinabone mai ati na, Deoso ene mai kitawaha, mai ihi bara mai‑ta mai kananawahameteni.

Ebereo 6:18

Deoso ati‑mata ai kadika, ene‑mata ai kadikamaki, Deoso ati‑nima ene ne ai wato, fare ati‑nima nebona ai wato, ai nimane, ai habo siitoraboneni.

Ebereo 8:6

Hibayata Kirisito ene amosi ba‑basi ne, Refi‑ka nodi mai ihi amosi bi‑bidina, “Mose ati‑ya dai tokadabi nafi‑ya dai ene amosara‑ya Deoso barikanebonane.” Refi‑ka nodi mai ati na, “Owati dai nofa Deoso dai ene‑ya barikanamare, dai‑ya ati somawamebonane.” Kirisito ati nibise. Fare Kirisito ati amosabisane.

Bedoro daidi 1:21

Hini Bidi‑ya Deoso nakitame, neme‑ya towakame, wehene nafi‑ya daanematane. Bidi ati‑ya dai nofa ene badi‑ya dai watowaha, ati‑ya dai nofa, tabaro‑ya dai tokabone dai nimaneni.

Bedoro daidi 1:3

Ai‑ka Abi ai kahiyarahi. Ai‑ka Hidi i‑di Yeso Kirisito‑ka Abi i‑di Deoso amosabote amane. Ai‑ya nofe, ai‑ya kadike ene ai wada yati‑nima ai nawahani, Deoso bidi ai tohawahabonehe. Deoso bidi ai toha, Bidi i‑di Yeso Kirisito‑ya nakitame‑nima ai‑ya nakitamebona ai nimaneni.

Bedoro daidi 3:15

“Yeso Kirisito oka Hidi amosabote amane.” Dai atibodi ati nahi. “Hini yamata ihi Yeso koboni dai nimaniti?” Mai ati na, mai dai hiyariya, yama‑ya mai watowahaboneni.

Yowaho daidi 3:3

Yeso‑nima ai nabone ai atibodi ati na, ai ene ai namosateni, Yeso ene amose‑nima ai ene amosabonehe.