Efesiyo 2:11 - Deoso-ka Yama Hani

¹¹ Bara dai tohamaro, yama‑ya dai atibodi kadamowamariyahi. Hibati‑ya dai sowiri tati ataro‑ya mai wisinakosara, dai‑ya Yodeo mai nofaramaroni. Yodeo mai sowiri tati atori mai wisihinakosa, Deoso‑ka mai tohabone mai ati teni. Mai sowiri tati atori abara, towe mai‑mone Yodeo mai ati namaroni.

Efesiyo 2:11 ပူးပေါင်းရင်းမြစ်များ

Mateo 20:7

‘Oda‑ya mai yose awirani.’ Mai ati na, mai‑ya yose, ‘Oka ofa dai batanahi.’ Ati nane.

Homa 11:17

Tabora‑ke orifera ino‑nima Yodeo mai na, Yeso ati‑ya mai nofara hini mai ihi Deoso mai bakahinakosa, yama‑ke orifera ino‑nima Bara dai na, Yeso ati‑ya dai nofawaha, tabora‑ke orifera‑ya Deoso dai‑ya nawaane, orifera amose habo dai‑ya kasomawahane.

Homa 2:26

Bara mai sowiri tati atori abara, Deoso ati‑ya mai tokadababisa‑mani, Deoso‑ka mai toha neni.

Homa 2:27

Bara mai sowiri tati atori abara Deoso ati‑ya mai tokadababisa, dai ene‑ya mai awiya, dai‑ya mai kasawariya, “Ka! Yodeo dai toha, Deoso‑ka yama hani dai kayafa, Deoso ati dai tokadabamone dai ati na, dai ene amosara, Deoso dai manakone‑ya daanebonane.” Mai ati teboneni.

Korito daidi 12:2

Hibati‑ya Bara dai toha, dai‑ya mai kanawata, mai ati‑nima dai namaro, mai‑ka deoso hiniya mai wamana, mai ati wadara, mai‑ya dai kahiyaramaroni.

Korito daidi 6:11

Hibati‑ya mai ihi‑nima dai ene namaro, ai‑ka Hidi i‑di Yeso Kirisito dai manakone‑ya nanahabe, dai manakone wadamara, Deoso‑ka Doni dai atibodi‑ya namosawahemarine.

Karatiya 2:15

Ai wada, Yodeo ai toha, Bara ai tohi awirani, yama ai watoneni.

Karatiya 6:12

“Dai sowiri tati ataro abahi.” Mai ati na, “Yeso tamine ai kaminiya, ai‑ya mai weenaboneni.” Mai atibodi ati neni.

Efesiyo 2:2

Satanasi ati‑ya mai tokadaba, mai‑nima dai namaroni. Madi mai‑ka hidi i‑di Satanasi amane. Madi mai dama ahiyata‑ya mai wi‑wina, ai atibodi‑ya keyehe‑ya mai hirikiteni. Deoso ati ai one nofara, Satanasi ati‑ya mai tokadabateni.

Efesiyo 5:8

Hibati‑ya yama soki‑nima dai na, yama‑ya dai watoramaroni. Hibayata yama wahi‑nima dai nawaha, Deoso tamine dai watowaha, Deoso ati dai watowaha, dai na, dai ene amosahi.

Firibo 3:3

Deoso ai atibodi‑ya namose ene Deoso‑ka ai tohateni. Ai abano wisina ene tohaterani. Deoso‑ka Doni ai‑ya sawi, Deoso‑ya ai kahiyara, Yeso Kirisito ene ai ene amosawamateni. Mai sowiri tati ataro wisina ihi mai‑ya mai kahiyara, ai ataro ene ai‑ya ai kahiyaraterani.

Koroso 1:21

Hibati‑ya Deoso‑ya dai ka‑kako, dai ene amosaramaroni. Dai ene Deoso yawemarine.

Koroso 2:11

Yodeo makidi mai sowiri tati atori wisinakosa, Kirisito‑ka mai tebone mai ati neni. Ai‑ta ai atibodi amosaramaro, Kirisito ene ai atibodi yati tohawaha, Kirisito‑ka ai teboneni. Kirisito ene Satanasi ati ai nofamaraboneni.

Koroso 2:13

Hibati‑ya dai ene amosara, hini dai ene dai aba‑nima dai namaro, Yeso ene Deoso dai‑ya ati somawami, Yeso eyehe dai kitawahani. Deoso dai‑ya ati somawamanane

Koroso 3:11

Deoso ati‑ya ai no‑nofa Kirisito ene fara hinama ai tohawaha, Yodeo dai one toha, Bara dai one toha namaro, dai one sowiri tati ataro‑ya mai wisinakosa, dai one sowiri tati ataro‑ya mai wisinakosarihi, dai one oda ati‑nima ati nihi, dai one ati bara toha, dai one yama yaki‑ya wina, dai one ahiyata‑ya wina na, dai one‑ya mai kanika, dai one‑ya mai kanikarihi namaroni. Yeso Kirisito ai atibodi‑ya sawiwahe, ene fara hinama ai tohawahineni.