Efesiyo 2:10 - Deoso-ka Yama Hani

¹⁰ Yeso Kirisito‑ka ai toha, ai atibodi yati‑bone‑ya Deoso wamane, ai‑ya daahina, ai ene amosawamabonehe. Ai ene amosa‑ya Deoso ati kobonemata, fara ai ene amosahi.

Efesiyo 2:10 ပူးပေါင်းရင်းမြစ်များ

Mateo 5:16

Yama wahi‑nima dai ene nahi. Dai ene amosa, dai ene‑ya mai awiya, dai‑ka Abi neme‑ke‑ya mai kahiyarawahaboneni.” Yeso ati nemarine.

Yowaho 3:21

Mai ihi amosa yama wahi‑nima ne‑ya mai nofa, Deoso ati‑ya mai tokadaba mai‑ya mai watowaha, mai ya‑yainaboneni.” Yeso ati ne, Nikodimo‑ya hiyaremarine.

Yeso‑ka yo‑yose mai tamine 9:31

Yodeya, Karireya, Samariya na‑ya, mai wi‑wina mai‑ya mai bisinami awira. Yeso ati‑ya mai no‑nofa mai dodamawahani. Deoso‑ka Doni mai‑ya kasome, Deoso ati‑ya mai tokadabamoneni.

Yeso‑ka yo‑yose mai tamine 9:36

Yabe‑ya Tabita wina, oni one i‑di Doka toha, Yeso ati‑ya nofa, yama‑ya mai kihara, mai dami‑ya kasomateni.

Homa 8:1

Hibayata Yeso Kirisito ati ai no‑nofa Yeso‑ka ai toha, Deoso ai‑ya yawi awire, ai manakone amosara‑ya daani awirebonane.

Homa 8:29

Hibati‑ya Deoso ai‑ya awe, ai‑ya kadikematane, Bidi i‑di Yeso‑nima ai nawahabonehe. Deoso Bidi daidi i‑di Yeso tohe, sohori ai damawahaboneni.

Korito daidi 3:9

Deoso‑ka yama‑ya i‑di Aboro oda fama oda anina, Deoso‑ka fadara‑nima dai nihi, Deoso‑ka yobe‑nima dai nihi, dai nineni.

Korito yoto‑ke 5:17

Yeso Kirisito‑ka ai toha, ai yati tohawaha, hibati‑ka ai ene amosaramaro, ai ene amosa yanarabateni.

Korito yoto‑ke 5:5

Ai abano yati Deoso wamahina‑ya ai‑ya daanebona ati nane. Hika Doni ai‑ya sawi, ai abano yati ai kayafabone ai watoneni.

Korito yoto‑ke 9:8

Deoso kitabote tohe, dai kasomi‑ya fawaterebona, dai‑ka yama tosiyoteraboneni, mai dami‑ya dai kasomabonehe.

Karatiya 6:15

Yeso Kirisito ati ai tokadaba, ai sowiri tati ataro aba, sibarihi, ai sowiri tati ataro abara, sibarihi nineni. Ai atibodi yati tohawaha‑ya Deoso nofabisane.

Efesiyo 1:1

Baoro ama·oni. Yeso Kirisito‑ka yo‑yose ama·oni. Deoso owa‑ya kadikemarine, Yeso Kirisito‑ka yo‑yose ohawahabonehe. Efesiyo‑ya dai wi‑wina Yeso Kirisito ati dai tokadaba, dai‑ka yama hani‑bone okanahanaboneni.

Efesiyo 1:4

Hibati‑ya yama‑ya Deoso wamani awisareya, ai‑ya kadike, Yeso Kirisito‑nima ai nawahabone, Yeso Kirisito‑ka ai toha, ai ene amosawama ai‑ya awebona ati nematane.

Efesiyo 2:13

Hibati‑ya Yeso Kirisito‑ka dai tohara, Yeso Kirisito abe, emene tokafodo, hibayata ati dai nofawahe, Yeso Kirisito‑ka dai tohawahineni.

Efesiyo 2:15

Hibati‑ya Mose ati ai‑ya barikane, Mose ati nafi‑ya ai tokadabara, ai manakone hasinamaroni. Yeso Kirisito‑ta Mose ati nafi‑ya tokadabe, abe, ai nafi manakone‑ya nanahabematane, hika ai tohabonehe. Yodeo ai tohamarihi, Bara ai tohamarihi, ai na, fara hinama ai toha, Yeso Kirisito‑ka ai tohawahineni.

Efesiyo 2:2

Satanasi ati‑ya mai tokadaba, mai‑nima dai namaroni. Madi mai‑ka hidi i‑di Satanasi amane. Madi mai dama ahiyata‑ya mai wi‑wina, ai atibodi‑ya keyehe‑ya mai hirikiteni. Deoso ati ai one nofara, Satanasi ati‑ya mai tokadabateni.

Efesiyo 2:6

Yeso Kirisito abe, Deoso hinakitame, neme‑ya hiwakame, hiwatarimatane, yama nafi‑ka hidi tohawahebonaha. Yeso Kirisito‑ka ai toha, Deoso ai‑ya aweya, neme‑ya ai itari hawa toha‑nima ai na, ai‑ya awane. Yeso‑ya nakitamemata‑nima ai‑ya nakitamaharibonane. Yeso‑ya neme‑ya nawitarimata‑nima ai‑ya nawitariharibonane.

Efesiyo 4:1

Ai‑ka Ayo i‑di Yeso Kirisito ati okamine, kadeya‑ya owa‑ya mai nawaa, owati dai mitahi. Deoso dai‑ya haanemata, Yeso‑ka dai toha, ati dai tokadabaho.

Efesiyo 4:24

Deoso amose‑nima dai atibodi yati nabone‑ya Deoso wamanematane. Fara bora yati dai sakona‑nima dai atibodi yati dai sakonahi, dai ene amosabonehe.

Firibo 1:6

Deoso ene Yeso ati dai nofawahamaro, Deoso ene dai ene amosateboneni. Yeso Kirisito kameya, Deoso ene neme‑ya dai sawiwahabone, dai‑ya owatibodi watoneni.

Firibo 2:13

Deoso dai‑ya sawi ene yama hinofa dai nofawaha, ati dai tokadabe, ya‑yainebonane.

Koroso 1:10

Yeso‑ya dai ya‑yainihebone, dai ene amosiyahi. Awa bono ade amosa, bona ihi ai ya‑yaiteni. Fara‑nima dai ene amosa, ai‑ka Ayo i‑di Yeso ya‑yainebonane. Deoso‑ya dai wato ba‑basi naboneni.

Koroso 3:10

Dai atibodi yati tohawaha, Deoso dai‑ya mamanemata, dai‑ya kanawatowahe, fare‑nima dai nawahabonehe.

Tesaronika yoto‑ke 2:17

Deoso ene dai atibodi somahi. Dai ati amosahi. Dai ene amosahari nahi.

Timoti daidi 2:10

Dai ene‑ya mai awa, dai ene amosa, Deoso‑ya dai nofa mai watowahaboneni.

Timoti daidi 5:10

Fana madehe‑ya na‑nayana, mai one kake mai‑ya natafa, mai wini‑bone‑ka mai‑ka yobe‑bona‑ya yofikana, mai kiyana mai‑ya kasoma namaroni. Timoti, haa‑nima mai na, mai‑ya tikasomanadiyahi.

Timoti daidi 5:25

Ai owa ene amose ai awa, ai owa ene amose ai awirihi, ai teni. Mai amosa mai fama Deoso mai ihi‑ya awikime, mai manakone amosa‑ya daanebonane.

Timoti daidi 6:18

“Dai ene amosa damahi. Mai‑ka yamata wadara, mai‑ka yamata dai daa, mai‑ka bora wadara bora dai daa dai nahi.” Tinahi.

Timoti yoto‑ke 2:21

Dai ene towe tohara, Deoso ati‑mona mai ati na, ati bare‑ya mai hiyara, mai ati dai nofara, mai‑ya dai dabarihi. Oro wamani‑nima dai nawahabone, Kirisito‑ka yama anini‑ya dai aninabone, dai hawa tohaboneni.

Timoti yoto‑ke 3:17

Deoso‑ka yama hani ai watoya, ai ene amosaboneni. Deoso ati‑nima ai nawahaboneni.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Tito 2:7

Tito, owati‑nima tiyahi. Tiwa ene amosa‑ya mai awiya, tiwa ene‑nima mai ihi naba awineni. Mai‑ya tikanawatoya, tiwa ene amosa tiwatibodi ati‑nima tiwati tohahi.

Tito 3:1

Tito, mai tihiyarahi. “Ai‑ka hidi ati dai tokadaba, kofeno ati dai tokadaba, dai nahi. Ai one yama amosa‑ya mai anina, mai dai kasoma nahi.” Tiyahi.

Tito 3:14

Mai one yama‑ya kihara, mai‑ka yama‑ba mai daanahi. Yama‑ya mai da‑daa mai ihi sibabisaraboneni.

Tito 3:8

Owati timitahi. Hini owati‑nima mai‑ya tihiyaramakitasahi. Deoso ati ai nofa, ai ene amosahi. Mai ai kasoma. Ai ene amosiya, mai ai kanawatoya, Deoso ati‑ya mai nofaba awineni.

Ebereo 10:24

Ai one ai kasomahi. Mai one‑ya mai nofawaha, mai‑ya mai kasomamakeboneni.

Ebereo 13:21

Deoso dai‑ya kasomane, ati dai tokadabebonaha. Yeso ene ai ene amosa, Deoso ai ene‑ya aweya, ya‑yainebonane. Yeso‑ya ai kahiyari fawateriyahi. Feye amani.

Bedoro daidi 2:12

Bara mai‑ya dai sawiya, dai ene amosahi. Dai ene towe‑mone mai ati na, dai ene‑ya mai awiya, dai ene amosa‑ya mai atibodi watowaha, Yeso kamataseya, dai ene Deoso‑ya mai kahiyaraboneni.

Yowaho daidi 1:7

Yama tehe‑ya Deoso wini‑nima yama tehe‑ya ai wina, ai ibi hiyari nofateni. Ai ene amosara ai atibodi bisa toha, Deoso Bidi i‑di Yeso ai atibodi‑ya sokotene, ai atibodi besene fawanabonehe.

Yowaho daidi 2:6

“Yeso‑ka oda amani.” Ai ati na, Yeso Kirisito ene‑mari‑nima ai ene nahi.