Efesiyo 1:7 - Deoso-ka Yama Hani

⁷ Deoso Bidi Yeso Kirisito abe, emene tokafodo ene ai manakone abamaroni, ai manakone wadamaterabonehe. Ai ene amosara ai‑ya yaditona‑nima namaro, ai manakone aba, Deoso ai‑ya ati somawame, ai‑ya seekanemarine. Deoso ene amosabote amane.

Efesiyo 1:7 ပူးပေါင်းရင်းမြစ်များ

Mateo 20:28

Dai‑ka Ayo neme‑ke‑nima dai nahi. Owa dai narifara, dai‑ya onarifabisateni. Mai dama mai ihi manakone‑ya onahababone, o·ababoneni.” Ati nemarine.

Mateo 26:28

Owa emene tamine‑bone amani. Owa emene tokabone, o·ababone, mai dama mai ihi manakone onahababoneni.” Yeso ati nemarine.

Mateo 6:12

Oda ene amosaramaro mai ihi manakone oda haanamara‑nima oda ene manakone haatinamariyahi.

Maroko 14:24

Fino‑ya mai fawiya, Yeso ati yanane, “Owa emene tamine‑bone amani. Owa emene tokabone, o·ababone, mai dama mai ihi manakone onahababoneni.

Roka 1:77

Deoso‑ka ai toha ai‑ya kasomebona, ai ene towe manakone‑ya Deoso haanamaterebona tamine‑ya tihiyarawahaboneni.

Roka 24:47

Mai ihi towe‑maro‑ya mai nofamariya, mai ihi manakone wadamaraboneni. Fare Deoso‑ka Ka‑kadika ene amane. Fare tamine‑ya mai kaminaboneni, Yerosare‑ya. Makobote mai tabori dami‑ya tamine mai hikaminamakibonane.’ Yama hani ati nineni.

Yowaho 20:23

Mai amosara mai‑ya dai ati somawamariya, Deoso mai‑ya ati somawamaharirebonane. Mai‑ya dai ati somawamiya, Deoso mai‑ya ati somawamaharibonane.” Yeso ati nemarine.

Yeso‑ka yo‑yose mai tamine 10:43

Hibati‑ya Deoso ati‑ya mai mi‑mita‑mete Yeso tamine‑ya mai kanahanameteni. Ati mai hinofeya, Deoso mai‑ya ati somawamebona mai ati nameteni.” Bedoro ati nemonane.

Yeso‑ka yo‑yose mai tamine 2:38

“Deoso‑ya dai‑ya dai kamina, Yeso Kirisito ati dai nofa, dai oda habanirisiya, Deoso dai‑ya ati somawameya, Deoso‑ka Doni dai‑ya sawiwahebonane.

Yeso‑ka yo‑yose mai tamine 20:28

Dai narabo hawihi. Yeso‑ka mai dai nawadahi. Deoso‑ka Doni ati ene mai‑ka hidi‑nima dai na, mai dai nawadabonehe. Hibati‑ya Yeso abe, mai manakone hinahabamaro, dai atibodi yama‑ya watoyahi. Hika mai toha mai dai nawadabone ati nane.

Yeso‑ka yo‑yose mai tamine 3:19

Deoso‑ya dai‑ya dai kaminawaha, Deoso dai‑ya ati somawame, dai ene‑ya kadikamaterebonane.

Homa 2:4

Deoso‑ya dai nayawariyahi. Dai‑ya nofi nafi, dai ene‑ya kakatome, dai ene‑ya kadika kanibote re, dai ene‑maro‑nima dai ene namarabone, dai ene‑maro dai nofamarabone‑ya Deoso nimanane.

Homa 3:24

Ai nafi ene amosara, ai ene manakone wadasa na‑mani, ai aba neni. Deoso ai‑ya kasomebona, Bidi‑ya yosematane, ai manakone‑ya nanahabebonaha. Ai manakone‑ya Yeso Kirisito nanahabe, ati ai nofeya, Deoso ai‑ya ati somawame, Deoso ati ene ai manakone wadamarani.

Homa 3:25

Deoso hini Bidi‑ya daane. Yeso abe, emene tokafodo, hini emene‑ya ai manakone‑ya nanahabematane. “Abi Deoso, owa manakone Yeso hinahabamete, owa‑ya tiwati somawamahi.” Ai atibodi ati na, Deoso ai‑ya ati somawamatene. Ai manakone abara‑mani, ai nafi aba neni. Deoso ene amose hinama ai nafi awabone, hini ene tamine‑ya kaminane. Hibati‑ya Yeso abi awisareya, mai one ihi‑ya Deoso kadiki awisareya, Yeso abebona‑ya Deoso nimanematane. Mai manakone‑ya Yeso nanahabaharibona‑ya Deoso watomatane.

Homa 9:23

Deoso yawe‑ya mai kayafiya, mai‑ya ai awa, Deoso ati‑nima yama nabone ai watoneni. Ai‑ya Deoso kadikemata, ati ai nofe, ai‑ya kasomi na‑nafi nebona ati ne, mai one‑ya Deoso ati amosare‑nima‑ya mai kayafa, ai‑ya ati amose‑nima nebona ai watoneni. Deoso tabaro‑ya ai winaboneni.

Korito daidi 1:30

Deoso ene Yeso Kirisito ai‑ya sawiwahene, ai abarabonehe. Kirisito ene yama‑ya ai watowaha, Deoso‑ka ai toha, Deoso ai‑ya kayawe, Kirisito ene ai ene amosawamaboneni. Ai manakone abawaha, ai abiya, ai kitamateboneni.

Korito yoto‑ke 8:9

Ai‑ka Hidi i‑di Yeso Kirisito ene dai watoneni. Hibati‑ya neme‑ya wine, yama nafi‑ya kihe, makobote bofe‑ya kaki, bofe‑ya hika yama wadara, abe, ai manakone‑ya nanahabe, hibayata yama nafi‑ya mai kiha, mai‑nima ai nawaha, Deoso‑ka yama ai kayafawahabone, tosiyoteraboneni.

Efesiyo 1:14

Deoso‑ka ai toha, Deoso‑ka Doni ai‑ya sawitene. Deoso‑ka Doni ai‑ya sawi, Deoso tabaro‑ya ai winabone ai watoneni. Makobote Deoso tabaro‑ya ai koboniya, yama‑ya daanebona ati ne, ai‑ya yama‑ya daanebonane. Deoso amosabote‑ya ai kahiyarahi.

Efesiyo 1:18

Deoso‑ya dai tamine ohiyarateni, dai atibodi yama‑ya watabonehe. Hibati‑ya Deoso dai‑ya kadikematane, Hika dai tohabonehe. Deoso tabaro‑ya dai winabone yama dai nimaniya, dai ya‑yainahi. Deoso tabaro‑ya dai koboniya, dai‑ya Deoso kayafebona, dai wehene nafiwahaboneni.

Efesiyo 1:6

Bidi i‑di Yeso‑ya nofi nafi, ai‑ya nofahari, ai‑ya kasome, Yeso ene Deoso bidi ai tohawaha, Deoso ene amosabote ai kahiyarahi.

Efesiyo 1:8

Ai‑ya kasomi nafi, ai‑ya kanawatone, yama ai watowahabonehe.

Efesiyo 2:4

Ai‑ya yawe, ai‑ya nofi nafinasa ne, ai‑ya kasomatene.

Efesiyo 2:7

Deoso ene Yeso Kirisito ai manakone‑ya nanahabe, ai‑ya kasome, hibayata ai kasomi tamine nafi ai watosa ni awira, makobote ai watowahaboneni. Fara Deoso ene amosabote‑ya mai nafi awawahaboneni.

Efesiyo 3:16

Dai tamine‑ya Deoso‑ya ohiyara, “Abi Deoso, amosabote, kitabote amatini. Tika Doni mai‑ya sawi, mai atibodi kitawahaboneni.

Efesiyo 3:8

Hibati‑ya Deoso owa‑ya haanemari, owa ene amosara nafe mai one‑ta ihi amosara bi‑bidi na, owa‑ta owa‑ya Deoso haanemarine, Bara mai‑ya Yeso Ati Amosabote okaminabonehe. Yeso Kirisito ai‑ya kasomi nafi ene nafi ai watoterebonane.

Firibo 4:19

Neme‑ya Deoso‑ka yama tosiyotera, Yeso Kirisito ai‑ya sawi, ai‑ya yama daani‑ya nofe, ati ai nofe, ai‑ka yama‑bone‑ya daanebonane.

Koroso 1:14

Yeso ai manakone‑ya nanahabe, ene Deoso ai‑ya ati somawamane.

Koroso 1:27

Hibati‑ya Deoso Ati Amosabote‑ya mai watoramete, hibayata ai‑ya Deoso kanawato, Bara mai atibodi‑ya Kirisito sawiwahebonane. Yodeo ai toha, Bara dai toha na, ai nafi‑ya sawiwahane. Ai atibodi‑ya Kirisito sawi, Deoso tabaro‑ya ai winawahabone ai watowahini.

Koroso 2:13

Hibati‑ya dai ene amosara, hini dai ene dai aba‑nima dai namaro, Yeso ene Deoso dai‑ya ati somawami, Yeso eyehe dai kitawahani. Deoso dai‑ya ati somawamanane

Koroso 2:2

Dai atibodi ya‑yainabone, dai ibi nofi nafi nabone, Deoso‑ka yama nafi dai watabone, Kirisito tamine mai hiwatoremari dai watowahebonane.

Timoti daidi 2:6

Yama nafi hawa tohiya, Deoso ati ene Yeso kamemarine, ai nafi manakone‑ya nanahabebonaha. Fare tamine‑ya ai hiyarahi mai nafi‑ya.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Tito 3:6

Yeso Kirisito ai manakone‑ya nanahabe, ai‑ka abi i‑di Deoso ene Deoso‑ka Doni ai‑ya sawitene.

Ebereo 9:22

Yama Deoso hikayahabone ama‑ya mai keteheteni. Ai ene amosara ene ama tokafodora, Deoso ati somawamaterene.

Bedoro daidi 2:24

Ai ene amosara, ai ene Yeso Kirisito awa‑ya abemarine, ai manakone‑ya nanahabebonaha. Yeso abe ene ai atibodi bote ati ai tokadabamaraboneni, ai ene amosabisabonehe. Yeso abe ene ai kitamawahani.

Bedoro daidi 3:18

I‑di Yeso Kirisito ene amose hinama tohe, abe, dai manakone‑ya nanahabe, dai‑ya Deoso ati somawamebonaha. Hibati‑ya ai ene amosara, Kirisito amosabote abe, ai abarabonehe. Deoso‑ka Doni ene Yeso kitamemarine.

Yowaho daidi 2:12

Madehe dai toha, dai‑ka yama hani‑bone okanahanoneni, Yeso dai manakone‑ya nanahabe ene Deoso ati somawamane.

Yowaho daidi 2:2

Yeso ai manakone‑ya nanahabemari, Yeso ati ene Deoso ai‑ya yawamaterebonane. Ai nafi manakone‑ya Yeso nanahabemarine.

Yowaho daidi 4:10

Deoso ai‑ya nofi nafi dai awaho. Deoso‑ya ai nofi awisariya, ai‑ya nofe, Bidi‑ya yosemarine, ai manakone‑ya nanahabebonaha.

Yeso Kirisito ene‑bona 14:4

144.000 mai kana fana bara‑ya mai famarani. Kaneiro Bidi‑ya mai sawiteboneni. Hibati‑ya bofe‑ka mai toha, Kaneiro Bidi hini emene‑ya mai hikanika, Deoso Kaneiro Bidi mai fama mai‑ka mai bonehe. Mai‑ya kayafe, Deoso Kaneiro Bidi eyehe ya‑yainane.

Yeso Kirisito ene‑bona 5:9

Wayoma yati‑ya mai hirina, “Bebeo seetikanahi, yama barikani 7 kana‑ya wakatikanahi. Kitabote yokana amatini. Tiwa‑ya mai nanahabamaro, tabora nafi‑ka mai one tiwa emene‑ya mai tikanikamaro, Deoso‑ka mai tohabonehe. Tabora nafi‑nima mai‑ka mai one tikanikamaroni.