Efesiyo 1:6 - Deoso-ka Yama Hani

⁶ Bidi i‑di Yeso‑ya nofi nafi, ai‑ya nofahari, ai‑ya kasome, Yeso ene Deoso bidi ai tohawaha, Deoso ene amosabote ai kahiyarahi.

Efesiyo 1:6 ပူးပေါင်းရင်းမြစ်များ

Mateo 17:5

Bedoro hiyaranasa neya, neme sabi wahi wada mai‑ya barikanameteni. Neme sabi‑ya ati kaki, “Oka Dao amane. Oka Dao onofi nafi, ati dai tokadabahi.” Ati nematane.

Mateo 20:9

5 ora‑ya mai‑ka yama anini yanana mai kamake, mai‑ka barata wamani ohari‑ya hidi‑ka yo‑yose daanane.

Mateo 3:17

Neme‑ya ati kaki, “Oka Dao amane. Oka Dao onofi nafineni. Ene amose, ene ya‑yai·oneni.” Ati nematane.

Roka 2:14

“Deoso neme‑ya wine, Deoso amosabote amane. Bofe‑ya dai wi‑wina, Deoso dai‑ya nofe, dai ya‑yainahi.” Mai ati nameteni.

Yowaho 10:17

O·abiya, yama sibarini, okitamatasabone ona, fara ihi Okobi owa‑ya nofi nafine.

Yowaho 3:35

Deoso Bidi‑ya nofi nafi, yama nafi‑ya Bidi‑ya daanane.

Homa 8:1

Hibayata Yeso Kirisito ati ai no‑nofa Yeso‑ka ai toha, Deoso ai‑ya yawi awire, ai manakone amosara‑ya daani awirebonane.

Korito yoto‑ke 4:15

Oda‑ya mai bisina, sibarini, oda bisini dai‑ya kasomaboneni. Yeso ati‑ya mai dami mitiya, ati mai hinofe, ai nafi ya‑yaina, Deoso‑ya ai kahiyaraboneni.

Korito yoto‑ke 5:21

Yeso ene amose hinama tohe, ai ene amosara‑ya kayafe, abematane. Ai ene amosara manakone‑ya nanahabemata, ati ai nofe‑ya Yeso ene amose hinama‑ya ai kayafaboneni. Deoso ai‑ya ati somawamatene.

Efesiyo 1:12

Yeso Kirisito ati oda nofi baha, oda‑ya mai awiya, Deoso amosabote‑ya mai watowahiya, Deoso‑ya mai kahiyaraboneni.

Efesiyo 1:14

Deoso‑ka ai toha, Deoso‑ka Doni ai‑ya sawitene. Deoso‑ka Doni ai‑ya sawi, Deoso tabaro‑ya ai winabone ai watoneni. Makobote Deoso tabaro‑ya ai koboniya, yama‑ya daanebona ati ne, ai‑ya yama‑ya daanebonane. Deoso amosabote‑ya ai kahiyarahi.

Efesiyo 1:18

Deoso‑ya dai tamine ohiyarateni, dai atibodi yama‑ya watabonehe. Hibati‑ya Deoso dai‑ya kadikematane, Hika dai tohabonehe. Deoso tabaro‑ya dai winabone yama dai nimaniya, dai ya‑yainahi. Deoso tabaro‑ya dai koboniya, dai‑ya Deoso kayafebona, dai wehene nafiwahaboneni.

Efesiyo 2:7

Deoso ene Yeso Kirisito ai manakone‑ya nanahabe, ai‑ya kasome, hibayata ai kasomi tamine nafi ai watosa ni awira, makobote ai watowahaboneni. Fara Deoso ene amosabote‑ya mai nafi awawahaboneni.

Firibo 1:11

Hibayata Yeso dai‑ya sawi, mahi‑nima dai ene amosi ba‑basi, mahi‑nima dai ene amosi ba‑basi niya, dai ene‑ya mai awiya, Deoso‑ya mai kahiyara, “Deoso amosabote amane.” Mai ati nawahaboneni.

Firibo 3:9

Yeso Kirisito ati onofe ene Kirisito owa‑ya sawi, Deoso owa‑ya aweya, Kirisito ene amose‑ya awebonane. Mose ati kote ai tokadababone ai ati na, Deoso ai‑ya aweya, ai ene amosara‑ya awatene. Yeso Kirisito ati ai nofa, ai ene‑ya Deoso aware, Yeso ene amose hinama‑ya awabisatene.

Firibo 4:19

Neme‑ya Deoso‑ka yama tosiyotera, Yeso Kirisito ai‑ya sawi, ai‑ya yama daani‑ya nofe, ati ai nofe, ai‑ka yama‑bone‑ya daanebonane.

Koroso 1:13

Satanasi tabaro‑ya yama soki nafiteni. Hibati‑ya Satanasi ai‑ka hidi tohemari, Deoso ene ai‑ka hidi tohamare, Deoso Bidi amosabote ai‑ka Hidi tohawahene.

Bedoro daidi 2:5

Deoso‑ka yobe kote Yeso Kirisito tohane. Yati hasikana‑nima Yeso tohe, dai tohaharineni. Yeso ene yama amosa‑ya dai daanaboneni, Deoso‑ya.

Bedoro daidi 2:9

Dai‑ya Deoso kadikemari, hika yama‑bone‑ya da‑daa dai tohaboneni. Dai ene amosa hinama tohebona ati ne, Deoso‑ka dai toha, Deoso ene amosabote tamine dai kaminahi. Hibati‑ya yama soki‑nima dai ene namaro, Deoso ene yama tehe‑nima dai ene nawaha, Deoso wehene amosabote tohatene.

Bedoro daidi 4:11

Mai‑ya hi‑hiyara dai wa‑wato toha, Deoso ati dai kaminahi. Mai‑ya ka‑kasoma dai wa‑wato toha, mai‑ya dai kasomahi. Deoso ene dai kita toha, mai‑ya yama kita‑ya dai kasomahi. Dai ene Deoso, Yeso Kirisito ne‑ya mai kahiyaraboneni. Deoso kitabote tohe, kiti fawaterebona, ai kahiyari fawarinahi.