Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efesiyo 1:18 - Deoso-ka Yama Hani

18 Deoso‑ya dai tamine ohiyarateni, dai atibodi yama‑ya watabonehe. Hibati‑ya Deoso dai‑ya kadikematane, Hika dai tohabonehe. Deoso tabaro‑ya dai winabone yama dai nimaniya, dai ya‑yainahi. Deoso tabaro‑ya dai koboniya, dai‑ya Deoso kayafebona, dai wehene nafiwahaboneni.

အခန်းကိုကြည့်ပါ။ ကော်ပီ




Efesiyo 1:18
49 ပူးပေါင်းရင်းမြစ်များ  

Owati miti‑ya mai nofara, mai narabi‑ya mai barikana‑nima mai na mai toha, mai noki barikana‑nima mai na mai toha, mai naboneni, oka yama‑ya mai watorabonehe. Mai narabi hawe‑mani, owa ene‑ya mai awa, yama‑ya mai watoya, mai ihi‑maro‑nima mai ihi namariya, mai okasoma neni.’ Deoso ati nemata, ati‑ya i‑di Isa·iya kanahanomatane.


Tabora one‑kaya mai tokabone, mai yananiya, maki kanani kamaki, Yeso yowi‑ya yobati‑kaya wai, ati yanane, “Ayo, amosabote amatini. Hini yamata‑nima obati, ai abaterabone‑kaya osawebonehe?” Maki ati nemarine.


Yeso ati ene Deoso‑ka yama hani ati‑ya mai watowahameteni.


Fana ohare oni Ridiya toha, tabori bote oni Tiyatira tohateni. I‑di Ridiya bora amosa‑ya da‑daa, yinero‑ya kanikateni. Deoso‑ya nofa, Yeso tamine‑ta wato awisara. Baoro Yeso tamine‑ya kamine, ati‑ya Ridiya mita, Yeso ati‑ya nofawaha,


Owa tamine Bara mai‑ya tihiyariya, mai noki weetokana‑nima mai nabone, hibayata yama soki‑nima na‑ya mai wina, tiwati‑ya mai mitiya, yama tehe‑nima na‑ya mai winawahaboneni. Satanasi‑ka mai tohamarabone, Deoso‑ka mai tohaboneni. Mai‑ya owati somawamabone, owati‑ya mai one nofa‑nima yama amosa‑ya mai kayafaboneni.’ Yeso ati nemarine.


Deoso ati abaterene, ati‑nima yama naboneni. Deoso yama‑ya ati daane, yama‑ya daanebonane. Mai‑ya kasomebona ati ne mai‑ya kasomebonane.


Deoso‑ya dai nayawariyahi. Dai‑ya nofi nafi, dai ene‑ya kakatome, dai ene‑ya kadika kanibote re, dai ene‑maro‑nima dai ene namarabone, dai ene‑maro dai nofamarabone‑ya Deoso nimanane.


Deoso yokana ati‑ya mai nofara, madi mai‑ka deoso i‑di Satanasi ati‑ya mai nofabisa, Satanasi ene mai atibodi noki wadara, Deoso Ati Amosabote mai mitara, Kirisito amosabote‑ya mai awara, Deoso yokana‑nima Kirisito ne amane.


Hibati‑ya yama soki hinama tohaya, Deoso ati yanane, “Yama wahi tohawahi.” Ati ne. Ati ene yama wahi tohawahameteni. Makobote Bidi i‑di Yeso Kirisito‑ya yose, ai atibodi noko‑ya Bidi noko wehene ai aweya, Deoso amosabote tohe ai watowahaboneni.


Ai‑ta Yeso ati ai nofa, Deoso‑ka Doni ai‑ya sawi, Yeso Kirisito kamebona ai nimana, Yeso kamataseya, Deoso ene ai ene amosa hinama tohaboneni.


Hibati‑ya Deoso ai‑ya kadikematane, Kirisito‑ka ai tohabonehe. Deoso tabaro‑ya ai koboniya, yama Deoso ati daahinamaro ai kayafaboneni. Deoso ati‑nima yama nafi nawahaboneni.


Deoso Bidi Yeso Kirisito abe, emene tokafodo ene ai manakone abamaroni, ai manakone wadamaterabonehe. Ai ene amosara ai‑ya yaditona‑nima namaro, ai manakone aba, Deoso ai‑ya ati somawame, ai‑ya seekanemarine. Deoso ene amosabote amane.


Hibati‑ya Kirisito‑ya dai watorihi, Isara·eo‑ka mai‑ya dai dabarihi na, Deoso‑ka yama‑ya Yodeo mai one kayafabone, dai kayafi awirabone. Fara hibati‑ya dai aba‑mani, Deoso tabaro‑ya dai tokara neni.


Dai tamine‑ya Deoso‑ya ohiyara, “Abi Deoso, amosabote, kitabote amatini. Tika Doni mai‑ya sawi, mai atibodi kitawahaboneni.


Hibati‑ya Deoso owa‑ya haanemari, owa ene amosara nafe mai one‑ta ihi amosara bi‑bidi na, owa‑ta owa‑ya Deoso haanemarine, Bara mai‑ya Yeso Ati Amosabote okaminabonehe. Yeso Kirisito ai‑ya kasomi nafi ene nafi ai watoterebonane.


Ai‑ka Ayo i‑di Yeso Kirisito ati okamine, kadeya‑ya owa‑ya mai nawaa, owati dai mitahi. Deoso dai‑ya haanemata, Yeso‑ka dai toha, ati dai tokadabaho.


Yeso‑ka ai hinama toha, Deoso‑ka Doni ohari ai‑ya sawitene, Deoso ai‑ya haanemari, Deoso ati‑nima yama nabone‑ya ai nafi nimanineni.


Hibati‑ya yama soki‑nima dai na, yama‑ya dai watoramaroni. Hibayata yama wahi‑nima dai nawaha, Deoso tamine dai watowaha, Deoso ati dai watowaha, dai na, dai ene amosahi.


Owa koboni amosabone, oka hawi bono tati‑ya owakatomateni. Oka hawi bono tati‑ya kobo·oniya, Yeso Kirisito ene owa manakone‑ba Deoso daanebona, neme‑ya owa‑ya towakamebonane.


Deoso‑ka dai toha, Deoso ene Deoso‑ka yama‑ya dai kayafabone, Deoso tabaro‑ya yama wahi nafiteni. “Abi Deoso, amosabote amatini. Tika madehe oda amani. Oda ya‑yainineni.” Dai ati nahi.


Dai ene amosawama, Kirisito ati dai tokadaba, Deoso Ati Amosabote ati dai mitemari, ati dai nofi faware, dai habo siitorihi na, dai ene Deoso ya‑yainebonane. Deoso Ati Amosabote okaminamaro, ati dai mitemarine. Deoso ati‑ya mai nafi mitawahineni. Bofe‑ya mai wi‑wina mai nafi Deoso ati‑ya mai mitawahineni. Yeso‑ka yo‑yose ama·oni, Deoso ati okaminabonehe.


Hibati‑ya Deoso Ati Amosabote‑ya mai watoramete, hibayata ai‑ya Deoso kanawato, Bara mai atibodi‑ya Kirisito sawiwahebonane. Yodeo ai toha, Bara dai toha na, ai nafi‑ya sawiwahane. Ai atibodi‑ya Kirisito sawi, Deoso tabaro‑ya ai winawahabone ai watowahini.


Deoso tabaro‑ya ai winabone tamine‑ya dai mita, Deoso Ati Amosabote dai nofamoneni. Yeso kami tamine dai mita, Yeso kamebona‑ya dai nimanawahamoneni.


Dai atibodi ya‑yainabone, dai ibi nofi nafi nabone, Deoso‑ka yama nafi dai watabone, Kirisito tamine mai hiwatoremari dai watowahebonane.


Yeso Kirisito dai‑ya sawi ene dai atibodi ati somiyahi. Deoso dai‑ya kadikemata, ai ohare‑nima dai na, dai ya‑yainahi.


“Yama Deoso hinofa‑nima dai ene nahi.” Oda ati nademaro, Deoso dai‑ya haane, hini tabaro‑ya dai winabone, Deoso amose dai awe, wehene dai awa nebonane.


Yama tehe‑ka ai toha, ai noko wadateni. Sodado mai‑ya mai nawadabone, mai baki‑ya yama kita waana, mai tati‑ya sabewa kita itariteni, wati, yima na, mai‑ya koborabonehe. Sodado mai‑nima ai nawadabone, ai‑ya ai nawada, Yeso, Yeso ati ne, ai nofi nafi, Deoso tabaro‑ya ai kobonabone ai wato, Satanasi ai‑ya keyeheya, ati ai nofaraboneni.


Dai tamine Deoso‑ya oda hiyara, “Tesaronika‑ya mai wi‑wina, mai ihi amosiyahi. Mai tikadikamaro, tiwa ene‑nima mai ihi nahi. Tiwati‑ya mai nofi nafiya, mai ihi amosi nafiwahaboneni.” Oda ati teni Deoso‑ya.


Ai‑ka Ayo i‑di Yeso Kirisito, ai‑ka Abi i‑di Deoso ne, ai‑ya mai nofa, ai‑ya mai kasomateni. Fara mai ihi Deoso tabaro‑ya ai kobonabone ai watoneni.


Deoso ati fawatiniriyahi. Deoso tiwa‑ya haanemari, tabaro‑ya tiwinabone, Deoso ati‑ya tinofamone, mai dami tiwati‑ya mai mita, mai ihi tiwa habo siitoriyahi. Satanasi tiwa‑ya kako, ati‑nima tiriyahi.


Yeso ai‑ka Ayo kamebona ai nimana, Yeso ai manakone‑ya nanahabemari, kameya, kami amosebonane. Deoso kitabote amose‑nima Yeso nane.


Ai manakone abawaha, Deoso bidi ai tohawaha, ai abateraboneni. Deoso tabaro‑ya ai winabisaboneni.


Hibati‑ya Yeso ati dai nofi yanakani‑ya dai‑ya mai wee, dai‑ya mai ati kosi na, dai habo siitoramaroni.


Deoso ati‑ya mai wa‑wato, Deoso‑ka Doni mai‑ya sawi, yama amosabote‑ya Deoso mai‑ya daane, Deoso ati‑ya mai nofami awiriya, mai ihi Deoso‑ya hini mai tamine‑ya mai kaminamariya, Deoso mai‑ya ati somawamaterebonane.


Ai‑ka Abi ai kahiyarahi. Ai‑ka Hidi i‑di Yeso Kirisito‑ka Abi i‑di Deoso amosabote amane. Ai‑ya nofe, ai‑ya kadike ene ai wada yati‑nima ai nawahani, Deoso bidi ai tohawahabonehe. Deoso bidi ai toha, Bidi i‑di Yeso Kirisito‑ya nakitame‑nima ai‑ya nakitamebona ai nimaneni.


Dai‑ya mai we‑wee mai dai weerihi, dai‑ya mai ka‑kako mai dai kakorihi na, hiniya mai dai kasomahi. Haa‑nima dai nabone Deoso ati ne, dai‑ya haanemarine. Haa‑nima dai niya, Deoso dai‑ya kasomebonane.


Deoso yama nafi‑ya da‑daa dai‑ya kadikemarine, hini tabaro‑ya dai winawahabonehe. Bofe‑ya dai winasa niya, dai‑ya mai bisina, makobote Yeso Kirisito amosabote‑nima dai nawahaboneni. Deoso ene dai kitawaha dai korikasara, Yeso ati‑ya dai nofi nafiwahaboneni.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ