Efesiyo 1:14 - Deoso-ka Yama Hani

¹⁴ Deoso‑ka ai toha, Deoso‑ka Doni ai‑ya sawitene. Deoso‑ka Doni ai‑ya sawi, Deoso tabaro‑ya ai winabone ai watoneni. Makobote Deoso tabaro‑ya ai koboniya, yama‑ya daanebona ati ne, ai‑ya yama‑ya daanebonane. Deoso amosabote‑ya ai kahiyarahi.

Efesiyo 1:14 ပူးပေါင်းရင်းမြစ်များ

Korito yoto‑ke 5:5

Ai abano yati Deoso wamahina‑ya ai‑ya daanebona ati nane. Hika Doni ai‑ya sawi, ai abano yati ai kayafabone ai watoneni.

Korito yoto‑ke 1:22

Deoso oni ai‑ya sawi, hika Doni ai atibodi‑ya sawi ne, ati‑nima yama nabone ai watoboneni.

Efesiyo 4:30

Deoso‑ka Doni dai‑ya sawi, dai ene Deoso‑ka Doni yawarayaho. Deoso‑ka Doni dai‑ya sawi, Deoso tabaro‑ya dai winabone dai watoneni.

Karatiya 4:6

Deoso bidi ai tohawaha, Deoso‑ka Doni ai atibodi‑ya sawi ene Deoso ai Abi nineni. Deoso ai‑ya ewe tene. “Abi Deoso” ai ati teni.

Homa 8:23

Ai komaharineni. Bofe‑ya ai winasa na ai abano komateni. Hibati‑ya Deoso ai‑ya ewe ne, hika tabora‑ya ai koboniya, yama ai kayafaboneni. Hibayata ai abano yati ai nimaniya, Deoso‑ka Doni ai‑ya sawi, makobote ai abano yati ai kayafiya, ai komami awiraboneni.

Efesiyo 1:12

Yeso Kirisito ati oda nofi baha, oda‑ya mai awiya, Deoso amosabote‑ya mai watowahiya, Deoso‑ya mai kahiyaraboneni.

Yeso‑ka yo‑yose mai tamine 20:32

Deoso dai‑ya nawada, dai‑ya kasoma nebona owatibodi ati nineni. Deoso‑ka yama hani dai kadikiya, dai habo kitawahaboneni. Deoso tabaro‑ya, dai kobona, dai nafi‑ya Deoso hika yama‑ya daanebonane.

Bedoro daidi 2:9

Dai‑ya Deoso kadikemari, hika yama‑bone‑ya da‑daa dai tohaboneni. Dai ene amosa hinama tohebona ati ne, Deoso‑ka dai toha, Deoso ene amosabote tamine dai kaminahi. Hibati‑ya yama soki‑nima dai ene namaro, Deoso ene yama tehe‑nima dai ene nawaha, Deoso wehene amosabote tohatene.

Yeso‑ka yo‑yose mai tamine 20:28

Dai narabo hawihi. Yeso‑ka mai dai nawadahi. Deoso‑ka Doni ati ene mai‑ka hidi‑nima dai na, mai dai nawadabonehe. Hibati‑ya Yeso abe, mai manakone hinahabamaro, dai atibodi yama‑ya watoyahi. Hika mai toha mai dai nawadabone ati nane.

Roka 21:28

Haa‑nima yama na dai awiya, dai ya‑yainahi. Deoso dai‑ya kasoma kanibote nebonane.” Yeso ati nematane.

Korito daidi 1:30

Deoso ene Yeso Kirisito ai‑ya sawiwahene, ai abarabonehe. Kirisito ene yama‑ya ai watowaha, Deoso‑ka ai toha, Deoso ai‑ya kayawe, Kirisito ene ai ene amosawamaboneni. Ai manakone abawaha, ai abiya, ai kitamateboneni.

Efesiyo 1:11

Hibati‑ya Deoso ai‑ya kadikematane, Kirisito‑ka ai tohabonehe. Deoso tabaro‑ya ai koboniya, yama Deoso ati daahinamaro ai kayafaboneni. Deoso ati‑nima yama nafi nawahaboneni.