Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efesiyo 1:13 - Deoso-ka Yama Hani

13 Hibayata Yeso Kirisito tamine dai mita, ati dai nofe, hika dai tohawahineni. Deoso Ati Amosabote dai mitamaro, Yeso ati‑ya dai nofa, Deoso‑ka Doni dai‑ya sawiwahe, Deoso‑ka Doni tamine‑ya Yeso hiyare, “Owati dai nofiya, dai atibodi‑ya Deoso‑ka Doni sawiwahebonane.” Ati nematane.

အခန်းကိုကြည့်ပါ။ ကော်ပီ




Efesiyo 1:13
38 ပူးပေါင်းရင်းမြစ်များ  

Deoso oni ai‑ya sawi, hika Doni ai atibodi‑ya sawi ne, ati‑nima yama nabone ai watoboneni.


Deoso‑ka Doni dai‑ya sawi, dai ene Deoso‑ka Doni yawarayaho. Deoso‑ka Doni dai‑ya sawi, Deoso tabaro‑ya dai winabone dai watoneni.


I‑di Deoso ati abaterene. Deoso mai‑ya kadikemari, Deoso mai oni‑ya watone. Deoso‑ka ama·oni, ai ati niya, Deoso ati‑nima ai nahi. Ai ene amosahi.


Dai tabaro‑ya oda wina, dai‑ya oda hiyara, “Baoro hini mai ati tohi awirani. Deoso ati‑ya mai hiyarabisani.” Dai ati namaroni. Deoso ati oda hiyaremari, ati dai watowahineni. Deoso ati‑ya dai wata, dai ene sibarineni. Dai ene oda ya‑yaineni. Deoso‑ya dai ene oda hiyarineni.


I‑di Abaraho‑ya Deoso ati somawami hawa tohe, Abaraho sowiri tati ataro‑ya wisinakose, “Abaraho, tiwa sowiri tati ataro wisitinakosa, tiwa tamine‑ya mai mitiya, oka tihawaha, tiwa‑ya mai watowahaboneni.” Deoso ati nematane. Abaraho tamine‑ya Bara mai mita, “Abaraho‑nima Deoso ati ai nofahi. Abaraho sowiri tati ataro wisinakosi awisareya, Deoso ati‑ya nofe, Deoso ati somawamematane. Deoso ati ai nofiya, ai‑ya ati somawamaharibonane.” Mai ati naboneni. Abaraho‑nima mai na, Deoso ati‑ya mai nofawahiya, mai‑ya ati somawamaharibonane. Mai sowiri tati atori abara, mai sibarini. Abaraho‑ka nodi mai tohawahaboneni.


Hibati‑ya ai ene amosara, Deoso ai‑ya kasome, ai nafi manakone‑ya Yeso nanahabemarine. Yeso ati ai nofa, Deoso tabaro‑ya ai winabone, ai abateraboneni.


Abaraho‑ya Deoso kasomemarine. Yeso Kirisito ene Abaraho‑ya Deoso kasome‑nima Bara dai toha, Yeso ati dai nofiya, dai‑ya Deoso kasomaharibonane. Deoso‑ka Doni dai‑ya sawiwahebonane.


Yeso Kirisito Ati Amosabote okamina, owa habo siitora, owa habo kitabisa, ya‑yai·oneni. Deoso kitabote tohe, ati ene Yeso Kirisito Ati Amosabote‑ya ai nofa, ai‑ya ati somawamatene. Yodeo Yeso tamine‑ya mai miti baha, Bara Yeso tamine‑ya mai mitamakinineni.


Deoso neme‑ya hiwakame, Deoso‑ka kanika‑ya itariwahe, Yeso‑ya Deoso‑ka Doni sawimari, Yeso ati ene oda atibodi‑ya sawiwahe, ene dai ati‑ya oda hiyarawahineni.


Owati ihi Okobi hika Doni‑ya yosebonane. Dai‑ya kanawatoya, ati ene owati nafi‑ya dai atibodi watinawamaboneni. Deoso‑ka Doni dai‑ya kasomebonane.


Ai ene towe manakone‑bone tamine‑ya Mose kanahanomatamonane. Yeso Kirisito ene amose, ai ene towe manakone‑ya nanahabe, Yeso Kirisito ene Deoso ai watowahamaroni.


Okobi yama‑ya daanebona ati ne, yama‑ya dai‑ya daa·onaboneni. Yerosare‑ya yama dai nimanahi. Yama koboniya, dai kitawahiya, dai tokawahaboneni.” Yeso ati nematane.


Hibati‑ya Deoso‑ka dai toharamaro, hibayata Deoso‑ka dai tohawahi neni. Hibati‑ya Deoso dai‑ya kasomare ati ne, hibayata dai‑ya kasomawahatene.


Deoso ene ya‑yai·oneni. Hibati‑ya dai atibodi bote dai‑ka hidi toha, ati dai tokadabamaroni. Hibayata Deoso ati‑ya dai mita, ati dai nofe, ati dai tokadabawahatene.


Mai‑ya yorotokanihi, mai‑ya hiyare, “Yerosare‑ya dai nahohi. Yama‑ya okobi i‑di Deoso dai‑ya daanebona, dai nimanahi. Hibati‑ya dai‑ya daahinabone tamine okaminamaroni.


Deoso‑ka Doni Deoso ati yokana‑ya ka‑kamina amane. Okobi‑ya okomiya, dai‑ya kasomebona oyoseya, dai‑ya koboneya, owa tamine‑ya kaminebonane.


Soho, Abaraho‑ka nodi dai toha, Deoso ati dai no‑nofa, dai na, ai manakone‑ya Deoso‑ka Ka‑kadika nanahabebona tamine‑ya Deoso ati‑ya mai mi‑mita‑mete mai kanahanameteni.


Yamata dai nokotoniriyahi. Yamata batateni. Oka yamata bara ihi dai abaterabone, fara dai nokotonibisahi. Okobi i‑di Deoso owa‑ya yose, owa‑ya kayawemarine. Yamata bara dai‑ya daa·onaboneni. Dai‑ka Ayo neme‑ke ama·oni.” Yeso ati nemarine.


Dai ene kote towe toha, dai‑ka ewe‑ka yama amosa‑bone dai daateni. Deoso ene amose hinama tohe, Deoso‑ka Doni dai‑ya sawibona dai ati na, Deoso dai haaniya, yama‑ya daanebonane, ai‑ka Abi neme‑ke toheri.” Yeso ati nematane.


Deoso‑ka yo‑yose mai 4 kana wami‑ka yama nafi‑ya mai weenabone, faha webote‑ka yama nafi‑ya mai weenaboneni. Deoso‑ka yo‑yose owa mahi ka‑kaki‑kaya yanane, tokomisane. Deoso yokana oni korimari wa‑wama‑ya damakane. Ati kita yanane, Deoso‑ka yo‑yose mai 4 kana mai‑ya hiyare,


Deoso ati ai nofi awisariya, ai‑ya kadike, Ati Amosabote ai nofawahe, hika ewe ai tohawaha, hika yama wamani‑ka hidi ai tohawahaboneni.


Deoso Bidi Badi ati‑ya kamine, ati ai tokadabare, ai manakone amosara ba‑basi nibisaboneni. Deoso Ati Amosabote‑ya Bidi mai‑ya kamine, Yeso ati‑ya mai mita, ati mai hikaminamaki, ati oda mitane.


Madehe tiha, tiwa‑ya mai kanawatamaroni, Deoso‑ka yama hani‑ya. Deoso‑ka yama hani tinofa, Yeso ati tinofa tiniya, Deoso tabaro‑ya tiwinawahaboneni.


Timoti, tiwa noko wadahi. Deoso ati tikadika, Ati Amosabote mai‑ya tikamine, Deoso tiwa ene‑ya kadikeya, tiwa habo siitoraboneni.


Hibati‑ya Yeso Kirisito Ati Amosabote okamine, ati dai watokarini? Yeso keyehe‑ya hiriterene.


Deoso ati oda kamina, Deoso ene kitabote tohe, sodado mai‑nima sayo‑kaya yama kita‑ya mai damana, yama koma mai‑ya koborabone, yama mai damahina, mai‑ya kasoma‑nima Deoso oda‑ya kasomatene, Satanasi‑ka yama koma oda‑ya koborabonehe. Sodado mai yahi kanika‑ya yima‑ya mai damateni, mai hama mai‑ya mai bisinabonehe. Fara mai‑nima Deoso ati oda kamina, Satanasi‑ka mai kananaboneni.


Neme‑ke ati mai one hinofe, ‘Deoso ati amose, keyehe‑ya hirirene.’ Mai ati neni.


Dai ene amosaramaro‑nima dai ene namariyahi. Dai ati yanana, dai ati amosahi. Mai ati towe, mai ati‑nima dai ati rihi, mai ihi towe, mai ihi‑nima dai ene rihi nahi. Deoso hini ati‑ya dai atibodi‑ya kanahanomata, ati dai nofe, tabaro‑ya dai winamakeboneni.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ