Ebereo 9:9 - Deoso-ka Yama Hani

⁹ Hibati‑ya Deoso‑ya mai kahiyarabone, bani, yamataha na‑ya mai daana, bani‑ya mai nanahaba, bani emene aba, mai ihi towe‑ya Deoso barikane, mai atibodi‑ya namosire mai atibodi mai‑ya weenasa teni.

Ebereo 9:9 ပူးပေါင်းရင်းမြစ်များ

Homa 5:14

I‑di Adaho nowati‑ya i‑di Mose ati awisareya, mai nafi abameteni. Deoso ati‑ya i‑di Adaho mite, Deoso ati‑ya tokadabare. Deoso ati‑ya mai mitara, mai abaharemeteni. Ai a‑ababone‑ke i‑di Adaho amane. Ai abari‑bone‑ke ai owa kamakibisematane.

Karatiya 3:21

I‑di Abaraho‑ya Deoso hiyare, ati amosa, i‑di Mose‑ya Deoso hiyare, ati amosahari nane. Deoso ati abaterene. Mose ati ene ai manakone aba‑mani, ai‑ya Deoso ati somawame nane. Mose ai manakone‑ya nanahabaterene.

Ebereo 10:11

Hibati‑ya mahi‑nima Deoso‑ka yama‑bone‑ya mai da‑daa, bani mai‑ya mai daana mai atibodi‑ya namosi awirameteni.

Ebereo 11:19

Abaraho atibodi ati, “I‑di Isaki‑ka nodi mai damabone Deoso ati ne, fare hika nodi mai damaboneni. Isaki abeya, Deoso hinakitamebonane.” Abaraho atibodi ati ne, I‑di Abaraho atibodi‑ya i‑di Isaki abi hawa tohe‑nima ne. “Deoso ati ene Isaki abe, kitame‑nima nawahene.” Abaraho atibodi ati nawahematane.

Ebereo 5:1

Hibati‑ya Deoso‑ka yama‑bone‑ya mai da‑daa mai‑ka hidi webote‑bona‑ya Deoso kadikematane, ai ene amosara manakone‑ya Deoso‑ya daanebonaha.

Ebereo 7:11

I‑di Refi‑ka nodi mai ihi, ai ene amosa hinama tohaterani. Yama‑ya mai da‑daa mai ihi, ai ene amosara barikana, manakone abara, Deoso ati‑ya Refi‑ka nodi mai mita, ati mai hikaminabisematane. Mai ati ihi ai ene amosara manakone aba‑mani, ai ene amosara manakone wadamara neni. Ai ene amosara manakone wadamara‑mani Deoso‑ka yama‑bone‑ya da‑daa owa‑ya Deoso haare nane. I‑di Refi‑ka nodi‑nima ai owa‑ya kadikare, i‑di Meokisadeki‑nima ai owa ne‑ya kadikematane.

Ebereo 8:4

Neme‑ya Deoso‑ya Yeso yama‑ya daanane. Bofe‑ya Mose ati ene Refi‑ka nodi mai‑ta Deoso‑ka yama‑bone‑ya mai da‑daa mai toha, i‑di Yeso i‑di Refi‑ka nodi tohare, bofe‑ya Deoso‑ka yama‑bone‑ya da‑daa toharene.

Ebereo 9:24

Neme‑ke yobe Deoso wamahinemata, fare bofe‑ke mai wamahine hetarato‑nima ne‑ya idi Mose wamanane. Yobe kote Deoso hikayawemata‑ya Kirisito tokiyomare, neme‑ke yobe‑ta‑ya tokiyomabisene, Deoso‑ya ai manakone‑ya daanebonaha.

Bedoro daidi 3:21

Ai‑ya mai habanirisa ihi ai besene fawara, Deoso‑ya ai tamine ai kamina ai‑ya ati somawame, ai atibodi besene fawateni. Ai‑ya mai habanirisa, ai‑ya mai one awiya, Deoso ati ai nofa ai‑ya mai watowahaboneni. “Owati‑ya dai nofa, dai‑ya mai habanirisahi faha‑ya.” Deoso ati nematane. Dai atibodi dai‑ya weerabone, dai‑ya mai habanirisahi. Yeso Kirisito kitamemari‑nima ai kitamahareboneni.