Ebereo 9:26 - Deoso-ka Yama Hani

²⁶ Faha fowe‑nima bani mai ame‑ya mai daanamete, mai‑nima Kirisito ne‑mana, abi dame namatane. Yama nafi hawa tohiya, hini emene‑ya daani oharibisematane.

Ebereo 9:26 ပူးပေါင်းရင်းမြစ်များ

Mateo 13:39

Yama kabara noki‑ya werene i‑di Diaboro tamine amane. Yobe‑ya yamata‑ya mai nawada, yama towe mai sarikana na, yama faina‑bone tamine amani. Yamata‑ya mai a‑ani Deoso‑ka yo‑yose mai tamine amani.

Mateo 13:40

Yama faina koboniya, yama kabara‑ya mai sarikana‑nima mai ihi towe‑ya mai sarikanaboneni.

Mateo 25:34

Hidi webote‑ka kanika‑ya mai naha mai‑ya hiyarebona, ‘Okobi dai‑ya nofi nafine, dai nafi‑ka hidi kitabote ohawaha, owa‑ya dai sawiwahaboneni. Hibati‑ya yama nafi‑ya wamani awisareya, dai‑ya okayawamaroni.

Yowaho 1:29

Mahi owa‑ya Yowaho Yeso‑ya awe, mai dami‑ya hiyare, “Kamaki dai awaho. Deoso‑ka Kaneiro Bidi amane. Deoso hiyose, bofe‑ya ai wi‑wina ai manakone‑ya nanahabebonane.

Yowaho 17:24

Abi, owa‑ya mai daatinamaro, owa‑ya mai sawebone, mai‑ya owatibodi kobonineni. Yama nafi ai wamani awisari‑ya owa‑ya tinofi nafe, owa wehene‑bone daatinamaroni. Owa wehene‑ya mai awiyahi.

Korito daidi 10:11

Deoso ai‑ya kanawatobona, ati ene mai tamine‑ya mai kanahanameteni, mai‑nima ai rabonehe. Yeso koboni nahorebonane.

Karatiya 4:1

Ai‑ka abi bofe‑ya hika yama ai kayafabone tamine‑ya dai kadikahi. Maki ohari‑ka yo‑yose mai dama, bidi‑ta oharibisatene. Hika yama dama, hika yo‑yose ohari‑ya hiyare, “Owati timitahi. O·abiya, oka dao oka yama nafi‑ya kayafatebonane. Oka dao nafire ene oka yamata tinawadamataboneni. Oka dao nafire yamata nawadi‑ya watorane. O·abiya, oka dao tinayanaboneni. Oka dao nafi‑mana, sibare nane. Oka dao hawa toheya, oka yama nafi‑ya oka dao kayafawahebonane.” Ati nemarine. Bidi nafire, badi‑ka yama‑ya kayafaterene. Badi‑ka yo‑yose‑nima bidi ne tohatene.

Efesiyo 1:10

Yama nafi hawa tohiya, Deoso atibodi ati kobona‑mata‑ka‑nima yama nawahaboneni. Yeso Kirisito mai nafi‑ka Hidi tohawahebona, neme‑ya mai wi‑wina, bofe‑ya mai wi‑wina, mai na, Yeso Kirisito mai‑ka Hidi tohawahebonane.

Efesiyo 5:2

Kirisito ai‑ya nofe, ai manakone‑ya nanahabane, Deoso ai‑ya ati somawamebonaha. Kirisito ene yama mahi amosa‑nima nemona Deoso ati nematane. Kirisito ai‑ya nofi nafi, Kirisito ai‑ya nofi‑nima mai dai nofahi.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Ebereo 1:2

Hibayata ai‑ya Deoso ati‑ya Bidi i‑di Yeso kaminawahene. Deoso ati ene yama nafi‑ya Bidi wamane, neme‑ya wama, bofe‑ya wama nematane. Makobote Deoso ati ene yama nafi‑ya Bidi kayafawahebonane.

Ebereo 10:10

Yeso Kirisito hini‑ya daane ene Deoso ai‑ya kayafawahe, ai atibodi‑ya namosawahe, ai‑ya nofe, ai‑ya ati yawamaterebonane.

Ebereo 10:12

Kirisito‑ta Deoso‑ya yama‑ya daani ohari hawa tohe, Deoso‑ka kanika‑ya itariwahane. Ai manakone abi ohare, ai manakone‑ya Deoso haanamaterebonane.

Ebereo 10:26

Deoso ati‑ya mai wato, Deoso ati‑ya mai ati nofa mai na, makobote mahi‑nima Deoso ati‑ya mai tokadabara, mai manakone‑ya Yeso nanahabamarebonane.

Ebereo 10:4

Bowi mai ame, bodi mai ame na ihi mai atibodi amosawamara, mai ihi amosara manakone‑ya bani mai ame nanahabaterani.

Ebereo 4:3

Ai‑ta Deoso ati ai nofa, Deoso tabaro‑ya ai maa tohi fawanaboneni. “Owati‑ya mai nofara, owa tabaro‑ya mai winateraboneni.” Deoso yawe ati nematane. Hibati‑ya yama nafi‑ya Deoso wamane, hini tabaro‑bona‑ya wama, ai tabaro‑bone‑ya wama nematane.

Ebereo 7:27

Deoso‑ya ai manakone‑ya i‑di Refi‑ka nodi mai daana, mahi‑nima bani‑ya mai daa, mai manakone‑bone‑ya mai daani baha, makobote ai manakone‑bone‑ya mai daanamakitasa nameteni. Haa‑nima i‑di Yeso terene, Yeso hini emene‑ya ai manakone‑ya nanahabi oharibisane.

Ebereo 9:12

Ai manakone‑ya nanahabebona, bodi, bowi bidi mai na mai emene‑ya towakamare, hini emene‑ya towakamabise, yama manakone abi ohariwahabone, ai manakone‑ya wadamaterabonehe.

Ebereo 9:14

Fare Kirisito emene ai‑ya namosi nafibona, Kirisito ene amose hinama tohe, Deoso‑ka Doni hikasome ene ai manakone aba, hini emene‑ya Deoso‑ya daane ene ai ene amosaramaro, ai‑ya ai atibodi weenamaraboneni. Ai ene amosaramaro tamine‑ya Deoso kadikamaterebonane. Ai ene amosa, ai abamateraboneni. Deoso‑ya ai narifabisaboneni.

Bedoro daidi 1:20

Yama‑ya Deoso wamani awisareya, Bidi hiyosebona‑ya watone, ai manakone‑ya Bidi nanahabebonaha. Hibayata Deoso Bidi kame, dai manakone‑ya nanahabawahane.

Bedoro daidi 2:24

Ai ene amosara, ai ene Yeso Kirisito awa‑ya abemarine, ai manakone‑ya nanahabebonaha. Yeso abe ene ai atibodi bote ati ai tokadabamaraboneni, ai ene amosabisabonehe. Yeso abe ene ai kitamawahani.

Bedoro daidi 3:18

I‑di Yeso Kirisito ene amose hinama tohe, abe, dai manakone‑ya nanahabe, dai‑ya Deoso ati somawamebonaha. Hibati‑ya ai ene amosara, Kirisito amosabote abe, ai abarabonehe. Deoso‑ka Doni ene Yeso kitamemarine.

Bedoro daidi 4:7

Yama nafi tosiyo kanibote nabone, dai atibodi amosabone dai nokotonihi, dai ati‑ya Deoso mitebonaha.

Yowaho daidi 3:5

Hibati‑ya Yeso kame, ai ene amosara, ai manakone‑ya nanahabemarine. Yeso ene amose hinama amane.

Yowaho daidi 3:8

Mai ihi amosara, Satanasi‑ka mai toha, Satanasi ene amosaremata, ene amosanasa rene. Deoso Bidi i‑di Yeso kamemarine, Satanasi ene‑ya nanahabebonaha.

Yeso Kirisito ene‑bona 13:8

Bofe‑ya mai wi‑wina Bani Hame‑ya mai nafi kahiyarabone, fare Kaneiro Bidi‑ka yama hani‑ya mai oni sawi awiriya, Bani Hame‑ya mai nafi kahiyaraboneni. Hibati‑ya wami awisari‑ya Kaneiro Bidi ati‑ya mai to‑tokadababone mai oni‑ya Deoso wato, mai oni‑ya kanahanomatamonane. Kaneiro Bidi abemari, kitamemarine.

Yeso Kirisito ene‑bona 17:8

Bani Hame tiwe, hibati‑ya tohemari, hibayata wadamare, makobote tohamatasebonane. Hodi yaba‑kaya kimisamebonane. Makobote Deoso weehineya, komene fawarebonane. Hibati‑ya wami awisari‑ya mai abarabone‑ka yama hani‑ya mai oni‑ya Deoso kanahanomatamonane. Mai oni sawira mai atibodi yama‑ya kadiki kitabone, ‘Ka! Bani Hame ma‑mawane kitane.’ Mai atibodi ati naboneni. Bani Hame ma‑mawane hibati‑ya tohemari, wadamare, kamatase‑ya mai hiaweya, mai atibodi yama‑ya kadiki kitaboneni.