Ebereo 9:14 - Deoso-ka Yama Hani

¹⁴ Fare Kirisito emene ai‑ya namosi nafibona, Kirisito ene amose hinama tohe, Deoso‑ka Doni hikasome ene ai manakone aba, hini emene‑ya Deoso‑ya daane ene ai ene amosaramaro, ai‑ya ai atibodi weenamaraboneni. Ai ene amosaramaro tamine‑ya Deoso kadikamaterebonane. Ai ene amosa, ai abamateraboneni. Deoso‑ya ai narifabisaboneni.

Ebereo 9:14 ပူးပေါင်းရင်းမြစ်များ

Mateo 12:28

Deoso‑ka Doni ati ene madi towe mai kana·onihe, dai ati na, Deoso ai nafi‑ka hidi kitabote tohawahebona dai‑ya sawine.

Mateo 16:16

“Deoso‑ka Ka‑kadika amatini. Deoso yokana Bidi amatini.” Simaho Bedoro ati nemarine.

Mateo 20:28

Dai‑ka Ayo neme‑ke‑nima dai nahi. Owa dai narifara, dai‑ya onarifabisateni. Mai dama mai ihi manakone‑ya onahababone, o·ababoneni.” Ati nemarine.

Mateo 7:11

Dai ene kote towe toha, dai‑ka ewe‑ka yama amosa‑bone dai daateni. Deoso ene amose hinama tohe, Deoso dai haaniya, yama amosa‑ya daanebonane, ai‑ka Abi neme‑ke toheri.

Roka 1:74

Tika nodi mai‑ya okasomabone, mai‑ya mai one bisinamarabone, tika nodi owa‑ya mai narifabone, mai habi siitonamaraboneni.

Roka 12:24

Bani bidi mai tamine dai mitahi. Bani bidi mai‑ka yamata‑bone‑ya mai kamaterani. Fadara‑ya mai kiharihi, mai tafe‑ka yobe wadarihi, tene. Bani bidi mai tafe‑bone‑ya Deoso daanibisatene. Bani bidi mai‑ya Deoso nofi bi‑bidi ne, ai‑ya nofi nafibisane.

Roka 12:28

Deoso ati ene awa mowe amosani. Makobote awa mowe aba kanibote na, ai sarikiteni. Awa mowe‑ya Deoso nokotoni nafire, ai‑ya nokotoni nafibisatene. Deoso ati ene ai‑ka bora tohaboneni. Deoso ati dai nofi nafira, ati dai nofi nafihi.

Roka 4:18

“Deoso‑ka Doni owa‑ya sawi, Deoso owa‑ya kadikemari, owa‑ya yosemarine. Yama‑ya mai kihara mai‑ya Deoso ati amosabote okaminawahaboneni. Hibati‑ya mai‑ya barikanemari, owati ihi mai seekawahaboneni. Hibati‑ya yama‑ya mai awatera, owati ihi yama‑ya mai awawahaboneni. Mai mai bisihinamaro, owati ihi mai mai bisihinami awiraboneni.

Yowaho 3:34

Deoso hiyose, Deoso ati‑ya kaminatene. Deoso ati ene Bidi‑ya hika Doni sawi oharine.

Yeso‑ka yo‑yose mai tamine 1:2

Neme‑ya Yeso tokome tamine okanahano, neme‑ya toki awisareya, Deoso‑ka Doni ene hika yo‑yose mai hikadikamaro, mai‑ya hiyaremonane.

Yeso‑ka yo‑yose mai tamine 10:38

Yeso Nasare‑ke tamine dai mite awane. Deoso ene Deoso‑ka Doni Yeso‑ya sawi, mai tabori dami‑ya toke, ene amose, kite, madi mai‑ya mai foya, Yeso ene madi mai kanana, mai kiyanamaro, mai kitamawahani.

Yeso‑ka yo‑yose mai tamine 14:15

“Haa‑nima dai riyahi, deoso oda tohi awirini. Dai one oda amani. Deoso yokana Ati Amosabote oda kaminabone oda kakamani. Dai‑ka deoso bara hini mai tohiya, dai‑ya mai kasomara, mai‑ya dai kahiyarariyahi. Deoso yokana‑ta dai nofabisahi. Deoso yokana neme‑ya wama, bofe‑ya wama, faha webote‑ya wama, faha abe na, yama nafi‑ya Deoso yokana wama nibisane.

Yeso‑ka yo‑yose mai tamine 15:9

Deoso noko‑ka oda‑nima mai na, Yeso ati‑ya mai nofa, mai‑ya ati somawamane.

Homa 1:20

Bofe‑ya Deoso ene‑ya mai nafi awa, neme‑ya ene mai hiawahari hine. Deoso kitabote tohe‑ya mai awateni. Deoso‑ya mai watora, hini mai ihi tohateni.

Homa 1:4

Hibati‑ya bofe‑ya kobone, mai hinahabe, Deoso hinakitame, “Yeso Kirisito i‑di Deoso Bidi kitabote tohane.” Deoso‑ka Doni amosabote ati nematane.

Homa 11:12

Yodeo mai taratokaniya, Bara mai‑ya Deoso kasome, Yeso ati‑ya Yodeo mai nofariya, Bara mai‑ya kasome, Yeso ati‑ya Yodeo mai nofawahiya, ai nafi‑ya kasomi na‑nafi nebonane.

Homa 11:24

Orifera tabora‑ke ede‑ya orifera yama‑ke ino ai nawaanaterani. Orifera yama‑ke ino‑nima Bara dai tohabisa, orifera tabora‑ke ede‑ya dai‑ya nawaane. Orifera tabora‑ke ino‑nima Yodeo mai tohabisa, tabora‑ke orifera ino Deoso bakanakose, hini ede‑ya Deoso hinawaanami nofeya, mai‑ya nawaanama kanibote nebonane.

Homa 6:13

Hibati‑ka dai aba, dai yati tohawaha, dai abano kobobona dai daanahi, Deoso‑ya. Dai abano kobobona ene amosaramaro‑nima dai riyahi. Deoso ati kobohina‑nima dai abano kobobona nawahabisahi.

Homa 6:22

Dai ene‑maro dai‑ya yaditonamara, dai manakone abawaha, hibayata Deoso‑ka dai toha, dai ene amosawama, dai manakone amosawamahari na, makobote Deoso tabaro‑ya dai winaboneni.

Korito daidi 15:45

Hibati‑ya ai‑ka idi‑bona i‑di Adaho tamine‑ya Deoso hiyare, “I‑di Adaho atabo‑ya wama·one, ai tohawahane.” Deoso‑ka yama hani ati nineni. I‑di Adaho yoto‑ke Kirisito tohe, ai abano yati‑ya daanebonane.

Korito yoto‑ke 5:21

Yeso ene amose hinama tohe, ai ene amosara‑ya kayafe, abematane. Ai ene amosara manakone‑ya nanahabemata, ati ai nofe‑ya Yeso ene amose hinama‑ya ai kayafaboneni. Deoso ai‑ya ati somawamatene.

Korito yoto‑ke 6:16

Mai‑ka deoso hiniya wamane, Deoso yokana tabaro‑ya sawiterene. Deoso yokana tabaro ai toha, deoso hiniya wamane‑ya ai sawiriyahi. “Oka mai toha, mai atibodi‑ya osawe, mai eyehe yaka·onaboneni. Mai‑ka Deoso ama·oni.” Deoso ati nematane.

Karatiya 2:19

Mose ati‑nima onabone onamaro, Mose ati nafi okadabara, hini owa ene o·ababoneni. Hibati‑ya Deoso owa‑ya awe, o·aba‑nima onamaroni. Yeso abe, owa manakone‑ya nanahabe, Yeso ene okitamawahani. Deoso ati‑ya noko·onibisaboneni.

Efesiyo 2:5

Ai atibodi bote ati‑ya ai tokadabamaro ihi ai aba‑nima ai namaroni. Deoso ai‑ya nofi kite, ai‑ya nakitamane. Ai atibodi yati daahina, fara‑ya hika Doni sawiya, Kirisito‑ka ai tohawahineni.

Efesiyo 5:2

Kirisito ai‑ya nofe, ai manakone‑ya nanahabane, Deoso ai‑ya ati somawamebonaha. Kirisito ene yama mahi amosa‑nima nemona Deoso ati nematane. Kirisito ai‑ya nofi nafi, Kirisito ai‑ya nofi‑nima mai dai nofahi.

Tesaronika daidi 1:9

Mai ati ihi oda ya‑yainineni. Hibati‑ya dai tabaro‑ya oda kobona, oda ati dai nofa, madi mai‑ya dai hiyaramaro, madi mai‑ya dai hiyarami awirabone dai ati na, “Deoso yokana ohari‑ta oda kahiyarabisaboneni.” Dai ati namaro, Dai ati‑nima dai nineni.

Timoti daidi 1:17

Deoso ai‑ka Hidi webote ohari, abaterebonane. Ai nafi‑ka Hidi i‑di Deoso tohe, Deoso noko ai awatere, neme‑ya wine, Deoso ai nofa, “Deoso amosabote amane.” Ai ati na. Ai ati fawariyahi. Owatibodi ati nineni.

Timoti daidi 3:15

Okomaki kanibote oni awiriya, yama tiwatowahaboneni. Deoso‑ka mai ai toha, haa‑nima ai ene naboneni. Deoso‑ka mai ai toha, ai ene‑ya mai awiya, Deoso‑ya mai watowahaboneni. Yobe ewene amosare, yobe soneba awane. Fare‑nima ai ene amosara, Deoso Ati Amosabote mai watoraba awineni.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Ebereo 1:3

Deoso amosabote noko wehene nafi, noko wehene‑nima Bidi noko wehene ne Deoso‑nima Bidi ne. Ati kite ene neme toha, bofe tohasa nihi nineni. Ai ene amosara manakone wada, ai manakone‑ya nanahabe, Deoso kitabote‑ka kanika‑ya itariwahematane neme‑kaya.

Ebereo 10:10

Yeso Kirisito hini‑ya daane ene Deoso ai‑ya kayafawahe, ai atibodi‑ya namosawahe, ai‑ya nofe, ai‑ya ati yawamaterebonane.

Ebereo 10:12

Kirisito‑ta Deoso‑ya yama‑ya daani ohari hawa tohe, Deoso‑ka kanika‑ya itariwahane. Ai manakone abi ohare, ai manakone‑ya Deoso haanamaterebonane.

Ebereo 10:2

Bani mai ame ihi mai atibodi amosawama‑mani, faha fowe one‑ya bani mai one‑ya mai nanahabamakira nemeteni. Ai atibodi amosawama‑mani, ai atibodi ai‑ya weenamara neni.

Ebereo 10:22

Deoso‑ya ai hiyarabone, ai atibodi amosahi. Deoso ai ati‑ya mitebona ai atibodi ati nahi. Hibati‑ya ai atibodi‑ya Deoso‑ka Doni namose, ai atibodi ai‑ya weenamara, hibati‑ka mai‑ya mai wisana, mai‑nima ai nawaha, ai ene amosara manakone aba ihi faha amosa‑ya ai afina‑nima ai nawahani.

Ebereo 11:21

Deoso ati‑ya i‑di Yako nofemari, bote tohe, abi yanatoneya, bidi i‑di Yose bidi mai fama mai‑ya hiyare, “Deoso dai‑ya kasomebona ati ne, dai‑ya kasomebonane.” I‑di Yako ati ne. I‑di Yako hika awa‑ya damane wai, moinise‑ya Deoso‑ya kahiyarematane.

Ebereo 13:12

Fara‑nima tabora tokiya Yeso abematane. Ai manakone‑ya nanahabe, hini emene‑ya ai atibodi‑ya namosebonaha.

Ebereo 3:12

Dai noko wadahi. Dai atibodi amosa, Satanasi dai‑ya keyeheya, ati dai nofarayaho. Deoso ati dai tokadababisabonehe.

Ebereo 6:1

Yeso ai manakone‑ya nanahabematane, ai abarabonehe. Tamine dai wato, ai ene amosaramaro, ai ene‑maro‑nima ai ene namarabone tamine dai wato neni. Hibayata ai webote‑nima dai na, Deoso ati nafi dai kadikeya, ati dai tokadabaho.

Ebereo 7:16

Yeso‑ka abise hika idi ne Deoso‑ka yama‑bone‑ya mai daatera, Yeso abaterebona ene Deoso‑ka yama‑bone‑ya daa nibisane.

Ebereo 7:27

Deoso‑ya ai manakone‑ya i‑di Refi‑ka nodi mai daana, mahi‑nima bani‑ya mai daa, mai manakone‑bone‑ya mai daani baha, makobote ai manakone‑bone‑ya mai daanamakitasa nameteni. Haa‑nima i‑di Yeso terene, Yeso hini emene‑ya ai manakone‑ya nanahabi oharibisane.

Ebereo 9:12

Ai manakone‑ya nanahabebona, bodi, bowi bidi mai na mai emene‑ya towakamare, hini emene‑ya towakamabise, yama manakone abi ohariwahabone, ai manakone‑ya wadamaterabonehe.

Ebereo 9:26

Faha fowe‑nima bani mai ame‑ya mai daanamete, mai‑nima Kirisito ne‑mana, abi dame namatane. Yama nafi hawa tohiya, hini emene‑ya daani oharibisematane.

Ebereo 9:7

Yobe kote Deoso kayawi ba‑basi hine‑ya mai tokiyomara, faha fowe ohari‑ya Deoso‑ka yama‑bone‑ya mai da‑daa mai‑ka hidi webote tokiyomi oharibisematane. Tokiyome, ama‑ya damakane, Deoso‑ya ama‑ya daane, hini manakone‑bona‑ya daani baha, ai manakone‑bone‑ya daanamakinematane. Ai ene‑ya barikanane, Deoso ai ene‑ya awarebonaha.

Ebereo 9:9

Hibati‑ya Deoso‑ya mai kahiyarabone, bani, yamataha na‑ya mai daana, bani‑ya mai nanahaba, bani emene aba, mai ihi towe‑ya Deoso barikane, mai atibodi‑ya namosire mai atibodi mai‑ya weenasa teni.

Bedoro daidi 1:19

Hini emene‑ya dai manakone‑ya nanahabemarine. Hibati‑ya mai ihi amosara, kaneiro bidi amose‑ya mai daanameteni, mai ihi‑ya Deoso barikanebonaha. Kirisito Deoso‑ka kaneiro bidi emene ene ai manakone nafi abawahani.

Bedoro daidi 2:22

Yeso ene amose hinama tohe, keyehe‑ya hiriterene.

Bedoro daidi 2:24

Ai ene amosara, ai ene Yeso Kirisito awa‑ya abemarine, ai manakone‑ya nanahabebonaha. Yeso abe ene ai atibodi bote ati ai tokadabamaraboneni, ai ene amosabisabonehe. Yeso abe ene ai kitamawahani.

Bedoro daidi 3:18

I‑di Yeso Kirisito ene amose hinama tohe, abe, dai manakone‑ya nanahabe, dai‑ya Deoso ati somawamebonaha. Hibati‑ya ai ene amosara, Kirisito amosabote abe, ai abarabonehe. Deoso‑ka Doni ene Yeso kitamemarine.

Bedoro daidi 4:2

Ai‑ya mai bisina, ai ene amosaramaro ai nofamarabone, Deoso yama‑ya nofe‑nima ai nofabisaboneni.

Yowaho daidi 1:7

Yama tehe‑ya Deoso wini‑nima yama tehe‑ya ai wina, ai ibi hiyari nofateni. Ai ene amosara ai atibodi bisa toha, Deoso Bidi i‑di Yeso ai atibodi‑ya sokotene, ai atibodi besene fawanabonehe.

Yowaho daidi 3:5

Hibati‑ya Yeso kame, ai ene amosara, ai manakone‑ya nanahabemarine. Yeso ene amose hinama amane.

Yeso Kirisito ene‑bona 1:5

Yeso Kirisito yama‑ya watone, yama hiwata tamine‑ya kaminawahane. Yeso kitame, abamaterebona, kitami daidi amane. Bofe‑ka hidi mai‑ka hidi webote amane. Fare okahiyarineni. Ai‑ya nofi nafibisane. Hibati‑ya ai ene amosara, ai barikana‑nima ai namaroni. Makobote Yeso abe, ai‑ya seekawahemarine.