Ebereo 9:12 - Deoso-ka Yama Hani

¹² Ai manakone‑ya nanahabebona, bodi, bowi bidi mai na mai emene‑ya towakamare, hini emene‑ya towakamabise, yama manakone abi ohariwahabone, ai manakone‑ya wadamaterabonehe.

Ebereo 9:12 ပူးပေါင်းရင်းမြစ်များ

Maroko 3:29

Deoso‑ka Doni‑ya mai weena, mai ihi manakone wadabisateni. Mai ihi manakone fawateraboneni.” Yeso ati nemarine.

Roka 1:68

“Deoso ene amosabote amane. Isara·eo‑ka nodi ai toha, Deoso‑ka ai amani. Deoso ai‑ya kasomamatasane.

Yeso‑ka yo‑yose mai tamine 20:28

Dai narabo hawihi. Yeso‑ka mai dai nawadahi. Deoso‑ka Doni ati ene mai‑ka hidi‑nima dai na, mai dai nawadabonehe. Hibati‑ya Yeso abe, mai manakone hinahabamaro, dai atibodi yama‑ya watoyahi. Hika mai toha mai dai nawadabone ati nane.

Efesiyo 1:7

Deoso Bidi Yeso Kirisito abe, emene tokafodo ene ai manakone abamaroni, ai manakone wadamaterabonehe. Ai ene amosara ai‑ya yaditona‑nima namaro, ai manakone aba, Deoso ai‑ya ati somawame, ai‑ya seekanemarine. Deoso ene amosabote amane.

Koroso 1:14

Yeso ai manakone‑ya nanahabe, ene Deoso ai‑ya ati somawamane.

Tesaronika daidi 1:10

Yeso kamebona‑ya dai nimanineni. Hibati‑ya Deoso hinakitame, neme‑ya tokome, ai‑ya idimebonane. Neme‑ya ai eyehe tokomeya, bofe‑ya mai winasa na, Deoso ene yama kome mai‑ya kitaboneni.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Ebereo 1:3

Deoso amosabote noko wehene nafi, noko wehene‑nima Bidi noko wehene ne Deoso‑nima Bidi ne. Ati kite ene neme toha, bofe tohasa nihi nineni. Ai ene amosara manakone wada, ai manakone‑ya nanahabe, Deoso kitabote‑ka kanika‑ya itariwahematane neme‑kaya.

Ebereo 10:19

Oka soho dai toha, owati dai mitahi. Yeso emene ene ai manakone aba, Deoso‑ka yobe kote neme‑ke kayawi ba‑basi hine‑ya ai tokiyoma, Deoso‑ya ai hiyarateni. Ai hiyariya, ai habo siitoriyahi.

Ebereo 10:4

Bowi mai ame, bodi mai ame na ihi mai atibodi amosawamara, mai ihi amosara manakone‑ya bani mai ame nanahabaterani.

Ebereo 13:12

Fara‑nima tabora tokiya Yeso abematane. Ai manakone‑ya nanahabe, hini emene‑ya ai atibodi‑ya namosebonaha.

Ebereo 5:9

Deoso ati hinama‑ya tokadabi hawa tohe, ati ai tokadabeya, Deoso‑ka ai tohawaha, Deoso tabaro‑ya ai winamakeboneni.

Ebereo 7:27

Deoso‑ya ai manakone‑ya i‑di Refi‑ka nodi mai daana, mahi‑nima bani‑ya mai daa, mai manakone‑bone‑ya mai daani baha, makobote ai manakone‑bone‑ya mai daanamakitasa nameteni. Haa‑nima i‑di Yeso terene, Yeso hini emene‑ya ai manakone‑ya nanahabi oharibisane.

Ebereo 9:13

Hibati‑ya yama aba‑ya mai boyona, mai bisa toha‑nima mai na, bowi maki, bodi maki mai na, mai ame‑ya mai‑ya mai wisana, bowi bide‑ya mai sarikana, bowi nakasiri faha‑ya tabonawahaya, mai‑ya mai wisanamaki na, mai bise fawanani mai ati teni.

Ebereo 9:14

Fare Kirisito emene ai‑ya namosi nafibona, Kirisito ene amose hinama tohe, Deoso‑ka Doni hikasome ene ai manakone aba, hini emene‑ya Deoso‑ya daane ene ai ene amosaramaro, ai‑ya ai atibodi weenamaraboneni. Ai ene amosaramaro tamine‑ya Deoso kadikamaterebonane. Ai ene amosa, ai abamateraboneni. Deoso‑ya ai narifabisaboneni.

Ebereo 9:15

Hibati‑ya ai ene amosara ai ene yama amosa‑ya ai kayafarabone, ai ababisabone Deoso ati nemata, Yeso abe ai manakone‑ya nanahabe ene Deoso ai‑ya ati somawame, yama amosa daahinabone ati ne, ai kayafaboneni.

Ebereo 9:19

Deoso ati nafi‑ya Mose mai‑ya kamini hawa tohe, bowi bidi, bodi mai na, mai ame‑ya faha‑ya i‑di Mose rawikane, isobo afe mese‑ya kaneiro kone mawa yadineya, mai dami‑ya i‑di Mose wisa, yama hani‑ya wisa nematane.

Ebereo 9:28

Kirisito abe, ai manakone‑ya nanahabemata, kamatasebona, ai manakone‑ya nanahabami awirebona, ai nimane, neme‑ya ai‑ya towakamebonane.

Ebereo 9:7

Yobe kote Deoso kayawi ba‑basi hine‑ya mai tokiyomara, faha fowe ohari‑ya Deoso‑ka yama‑bone‑ya mai da‑daa mai‑ka hidi webote tokiyomi oharibisematane. Tokiyome, ama‑ya damakane, Deoso‑ya ama‑ya daane, hini manakone‑bona‑ya daani baha, ai manakone‑bone‑ya daanamakinematane. Ai ene‑ya barikanane, Deoso ai ene‑ya awarebonaha.

Yeso Kirisito ene‑bona 1:5

Yeso Kirisito yama‑ya watone, yama hiwata tamine‑ya kaminawahane. Yeso kitame, abamaterebona, kitami daidi amane. Bofe‑ka hidi mai‑ka hidi webote amane. Fare okahiyarineni. Ai‑ya nofi nafibisane. Hibati‑ya ai ene amosara, ai barikana‑nima ai namaroni. Makobote Yeso abe, ai‑ya seekawahemarine.

Yeso Kirisito ene‑bona 5:9

Wayoma yati‑ya mai hirina, “Bebeo seetikanahi, yama barikani 7 kana‑ya wakatikanahi. Kitabote yokana amatini. Tiwa‑ya mai nanahabamaro, tabora nafi‑ka mai one tiwa emene‑ya mai tikanikamaro, Deoso‑ka mai tohabonehe. Tabora nafi‑nima mai‑ka mai one tikanikamaroni.