Ebereo 9:11 - Deoso-ka Yama Hani

¹¹ Makobote Kirisito kaki, Deoso‑ka yama‑bone‑ya mai da‑daa mai‑ka hidi webote tohe, neme‑ke Deoso‑ka yobe kote kayawi ba‑basi ne‑ya Kirisito tokiyome, Deoso‑ka yobe webote, amosabote, ai wamatere, Deoso‑ta wamahine‑ya tokiyomane.

Ebereo 9:11 ပူးပေါင်းရင်းမြစ်များ

Mateo 11:3

Yeso‑ya mai haana, “‘Deoso‑ka kakibona mai ati namete, fara amatiraniha? Fara tihi awiriya, Deoso‑ka yokana oda nimanaboneni.’ I‑di Yowaho ati nene.” Mai ati namaroni.

Mateo 2:6

‘Bere Yodeya‑ka tabora bide towe tohi awirini. Bere amosateni, fara‑ya ai‑ka hidi wadebonane.’ Deoso‑ka yama hani ati teni.” Mai ati nameteni.

Maroko 14:58

“‘Deoso‑ka yobe maki mai wamahinemata onahabeya, amoni 3 kane‑ya wama·onamatasaboneni. Owati yananiya, yobe hawa tohebonane.’ Yeso ati nene.” Mai one ati nameteni.

Yowaho 1:14

Deoso‑ya Yo‑yofikana ai owa tohawahane, bofe‑ya ai‑ya sawiwahemarine. Deoso Bidi yokana amane. Hini wehene oda awemarine. Ai nafi‑ya nofe, keyehe‑ya hiriremarine.

Yowaho 4:25

“Deoso‑ka Ka‑kadika kakibona, oni owa Kirisito tohe, koboneya, yama nafi tamine‑ya kaminebonane.” Fana ati na,

Yeso‑ka yo‑yose mai tamine 7:48

Yobe ai wamane‑ya Deoso kitabote winaterene. Deoso ati‑ya mi‑mita‑mata ati ne,

Korito yoto‑ke 4:18

Yama ai awa ai nokotonira, aba kanibote naboneni. Yama ai awara ai nokotonihe abateraboneni.

Korito yoto‑ke 5:1

Yobe ewene kitare, aba kanibote tene. Yobe ewene kitare‑nima ai abano na, ai amoni fa‑famaraba niya, ai aba, neme‑ya ai abano bara Deoso ai‑ya daanebona, neme‑ka ai kayafa, abateraboneni.

Koroso 2:11

Yodeo makidi mai sowiri tati atori wisinakosa, Kirisito‑ka mai tebone mai ati neni. Ai‑ta ai atibodi amosaramaro, Kirisito ene ai atibodi yati tohawaha, Kirisito‑ka ai teboneni. Kirisito ene Satanasi ati ai nofamaraboneni.

Ebereo 10:1

Deoso ati‑ya i‑di Mose kanahano, neme‑ka yama korimari‑ya mai‑ya kanawato, neme‑ka yama aboni ai awiya, yama ai wataboneni. Faha fowe‑nima Deoso‑ya yama mai daahina, mai atibodi‑ya namosaterani.

Ebereo 12:27

Yama wamani nafi wawawakanaboneni. Deoso‑ka yamata wawawakani kiteraboneni. Bofe‑ka yama nafi ababone, Deoso‑ka yama nafi hasinibisaboneni.

Ebereo 13:14

Ahi‑ya ai tabaro awira, neme‑ya ai tabaro yokana‑bone toha‑ya ai koboni awisarani.

Ebereo 2:17

Abaraho‑ka nodi ai toha, ai‑ka Ayo ai‑ya kasomebona, ai‑nima ne. Deoso‑ka yama‑bone‑ya mai da‑daa mai‑ka hidi webote Yeso tohebona, ene amose hinama tohe, ai ene amosara manakone‑ya Deoso‑ya daanebonane.

Ebereo 3:1

Soho, owati dai mitahi. Hibati‑ya Deoso ai‑ya kadike, Yeso‑ya Deoso yosemari, Deoso‑ka yama‑bone‑ya mai da‑daa mai‑ka hidi webote tohe, tamine dai kadikahi.

Ebereo 4:15

Ai‑ya Satanasi keyehe‑nima Deoso‑ka yama‑bone‑ya mai da‑daa mai‑ka hidi webote‑ya keyehemata, Satanasi ati‑ya nofare, ati hikadabarematane. Ai‑ta Satanasi ai‑ya keyeheya, ai kitara, Satanasi ati ai nofaba awineni. Satanasi ati ai nofa ai atibodi koma, Deoso‑ka yama‑bone‑ya mai da‑daa mai‑ka hidi webote ai‑ya kasomebona ati nane.

Ebereo 7:1

Hibati‑ya Yerosare‑ya mai wi‑wina mai‑ka hidi webote i‑di Meokisadeki tohe, Deoso‑ka yama‑bone‑ya da‑daa tohematane. “Neme‑ya Deoso yokana winane.” Meokisadeki ati nematane. I‑di Abaraho bidi owa i‑di Ro‑ya yara mai towakama, i‑di Abaraho tokomaki, yara mai‑ka hidi mai‑ya bisine, mai‑ka yama mai hiwakama‑ya Abaraho dodimaki, i‑di Ro‑ya dodimaki ne, i‑di Abaraho mai eyehe kame, i‑di Meokisadeki‑ya kobone, “Abaraho, Deoso tiwa‑ya kasomane.” Meokisadeki ati nematane.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.

Yowaho yoto‑ke 1:7

Ai tabaro dami‑nima keyehe‑ya mai hi‑hiri mai tokateni. “Deoso Bidi, i‑di Yeso Kirisito bofe‑ya kakiterene.” Mai ati na. Haa‑nima mai ati na, Satanasi‑ka mai toha, Kirisito‑ya mai ka‑kako mai amane.