Ebereo 9:10 - Deoso-ka Yama Hani

¹⁰ Yama‑ya mai kaba, yama‑ya mai fawa, yama‑ya mai soko na, mai atibodi‑ya namosaterani. Mai atibodi namosabone tamine‑ya Deoso mai‑ya kaminamakimatane.

Ebereo 9:10 ပူးပေါင်းရင်းမြစ်များ

Maroko 7:4

Yama ka‑kanika‑ya mai tokiya, mai wininamiya, mai yahi faha‑ya bokiya, hini mai‑ya mai wisakari mai teni. Mai‑ka keneko, mai‑ka faha wiye, mai‑ka yiwaha na faha‑ya mai korotofiteni. Mai‑ka idi mai ati dama mai ati‑ya mai tokadabateni.

Karatiya 4:9

Deoso yokana dai watowaha, Deoso dai‑ya watoharine, hini yama‑bone madi mai‑ya dai ati hiyaramiti? Madi mai ati dai nofamatasiya, dai‑ya mai yosematasaboneni. Dai‑ka hidi mai tohawahaboneni. Madi mai kitara, dai‑ya mai kasomateraboneni.

Efesiyo 1:10

Yama nafi hawa tohiya, Deoso atibodi ati kobona‑mata‑ka‑nima yama nawahaboneni. Yeso Kirisito mai nafi‑ka Hidi tohawahebona, neme‑ya mai wi‑wina, bofe‑ya mai wi‑wina, mai na, Yeso Kirisito mai‑ka Hidi tohawahebonane.

Efesiyo 2:15

Hibati‑ya Mose ati ai‑ya barikane, Mose ati nafi‑ya ai tokadabara, ai manakone hasinamaroni. Yeso Kirisito‑ta Mose ati nafi‑ya tokadabe, abe, ai nafi manakone‑ya nanahabematane, hika ai tohabonehe. Yodeo ai tohamarihi, Bara ai tohamarihi, ai na, fara hinama ai toha, Yeso Kirisito‑ka ai tohawahineni.

Koroso 2:16

Deoso ati‑ya dai no‑nofa dai atibodi yati ati‑nima dai nahi. Yama dai ati hikaba, dai kaba, dai ati hikabara, dai kabarihi nahi. Fino‑ya dai ati fawa, bide dai fawahi. Fino dai nofara, sibarini. Abariko yati‑ya dai ati yorotokana, Deoso‑ka marina dai hirina, sibarini, mai ati mari nofara, sibarihi teni. Domiko‑ya dai ati yorotokana, Deoso‑ya dai hiyarabone dai ati na, sibarihi, Sabado‑ya mai ati yorotokana, Deoso‑ya mai hiyarabone mai one ati na, sibarihi teni. Fara tamine‑ya dai‑ya mai weena, mai ati dai nofariyahi.

Ebereo 10:22

Deoso‑ya ai hiyarabone, ai atibodi amosahi. Deoso ai ati‑ya mitebona ai atibodi ati nahi. Hibati‑ya ai atibodi‑ya Deoso‑ka Doni namose, ai atibodi ai‑ya weenamara, hibati‑ka mai‑ya mai wisana, mai‑nima ai nawaha, ai ene amosara manakone aba ihi faha amosa‑ya ai afina‑nima ai nawahani.

Ebereo 13:9

Yamata bara dai kababone tamine‑ya mai kamina, mai ati‑nima dai na, dai‑ya kasomi nafebone mai ati na, mai ati dai nofariyahi, Yama ai kaba ai atibodi‑ya namosaterani. Deoso ati ai nofa, ai atibodi‑ya kasomabisatene. Yamata bara mai hikaba, mai atibodi‑ya kasomaterani.

Ebereo 2:5

Yama nafi‑ka hidi Deoso‑ka yo‑yose mai toharabone, Deoso Bidi yama nafi‑ka Hidi tohebona tamine oda hiyarawahaboneni.

Ebereo 6:2

Faha‑ya ai habanisa tamine dai wato, Deoso‑ka Doni ai‑ya sawi tamine dai wato, ai aba, ai kitamabone tamine dai wato, ai ene‑ya Deoso kadike, ai manakone‑ya daanebona tamine dai wato nineni. Hibayata Deoso‑ka yama kita tamine ai hiyaramakeboneni.

Ebereo 6:5

Deoso ati amosabote‑ya mai wa‑wato‑maro, Deoso ene kitabote‑ya mai awamaroni.

Ebereo 7:12

Hibati‑ya i‑di Mose‑ya Deoso hiyare, ati‑ya i‑di Mose kanahano, “Mai ihi amosara manakone‑ya i‑di Refi‑ka nodi‑ya mai daanaboneni.” Deoso ati ne, ati‑ya Mose kanahanomatane. Deoso‑ka yama‑bone‑ya bare daanebona Deoso ati yananamatasebonane.

Ebereo 7:16

Yeso‑ka abise hika idi ne Deoso‑ka yama‑bone‑ya mai daatera, Yeso abaterebona ene Deoso‑ka yama‑bone‑ya daa nibisane.

Ebereo 9:1

Hibati‑ya Deoso ene Deoso‑ya mai kahiyarabone, ati‑nima mai nabone ati ne, bofe‑ya Deoso‑ka yobe toheya, yama towe sawirabone ati nematane.