Ebereo 8:8 - Deoso-ka Yama Hani

⁸ “Hibati‑ya mai‑ya ohiyara, owati nafi‑ya mai tokadabara. Makobote mai‑ya ohiyaramatasaboneni. Isara·eo‑ka mai‑ya ohiyara, i‑di Yoda‑ka mai‑ya ohiyara onaboneni.

Ebereo 8:8 ပူးပေါင်းရင်းမြစ်များ

Mateo 26:28

Owa emene tamine‑bone amani. Owa emene tokabone, o·ababone, mai dama mai ihi manakone onahababoneni.” Yeso ati nemarine.

Maroko 14:24

Fino‑ya mai fawiya, Yeso ati yanane, “Owa emene tamine‑bone amani. Owa emene tokabone, o·ababone, mai dama mai ihi manakone onahababoneni.

Roka 17:22

Hika mai da‑daba mai‑ya hiyare, “Yama one‑ya dai‑ka Ayo neme‑ke dai‑ya sawimarebona dai ati hifoyebonane.

Roka 22:20

Mai tafi hawa toha, fino‑ya mai‑ya Yeso daakanamatasane. “Owa emene tamine‑bone amani. Owa emene tokabone, o·ababone, dai ene manakone onahababoneni.

Korito daidi 11:25

Mai tafi hawa toha, awa bono fahi‑ya damakane, Deoso‑ya hiyaramatase, mai‑ya hiyare, “Owa emene tokafodabone, owati dai nofiya, Deoso dai‑ya kasomebona, hini tabaro‑ya dai‑ya towakamebonane. Dai yorotokana, awa bono fahi‑ya dai fawa, owa tamine dai kadikahi.” Yeso ati nane.

Korito yoto‑ke 3:6

Deoso ati‑ya i‑di Mose kanahanomata, ati nafi ai tokadabara, ai manakone wadateni. Ai manakone abara‑mani, ai aba neni. Deoso oda‑ya yose, ai manakone‑ya Yeso nanahabe tamine dai‑ya oda kaminaboneni. Ati ai nofe, ai manakone wadamarabone, Deoso‑ka Doni ai‑ya sawi, Deoso‑ka Doni ene Deoso‑ka ai toha ai wata, Deoso tabaro‑ya ai winaboneni.

Ebereo 12:24

Hibati‑ya Deoso‑ya mai hiyarabone, Deoso‑ka bani emene‑bona‑ya mai towakama, Deoso‑ya mai hiyarameteni. Hibayata Yeso ene Deoso‑ya ai hiyarawahabone, hiniya Deoso‑ya ai hiyarateni. Hibati‑ya Abeo abe ene, i‑di Kaina‑ya Deoso yawe, i‑di Yeso abe ene Deoso ai‑ya ati somawamawahematane.

Ebereo 7:22

Deoso ati fawaterebonane. Yeso ene Deoso ai‑ya kasomi ba‑basi nebonane.

Ebereo 8:13

Yama hani yati tohawaha, yama hani daidi bote toha, yama bote fawanawahaboneni.

Ebereo 8:6

Hibayata Kirisito ene amosi ba‑basi ne, Refi‑ka nodi mai ihi amosi bi‑bidina, “Mose ati‑ya dai tokadabi nafi‑ya dai ene amosara‑ya Deoso barikanebonane.” Refi‑ka nodi mai ati na, “Owati dai nofa Deoso dai ene‑ya barikanamare, dai‑ya ati somawamebonane.” Kirisito ati nibise. Fare Kirisito ati amosabisane.

Ebereo 9:15

Hibati‑ya ai ene amosara ai ene yama amosa‑ya ai kayafarabone, ai ababisabone Deoso ati nemata, Yeso abe ai manakone‑ya nanahabe ene Deoso ai‑ya ati somawame, yama amosa daahinabone ati ne, ai kayafaboneni.