Ebereo 8:10 - Deoso-ka Yama Hani

¹⁰ Makobote Isara·eo‑ka nodi mai‑ka yama hani yati tohamakitasa, mai‑ya ohiyaramakitasaboneni. Mai okanawatabone, mai atibodi‑ya owati okanahanabone, oka mai tohawahabone, mai‑ka Deoso yokana ohawahaboneni.

Ebereo 8:10 ပူးပေါင်းရင်းမြစ်များ

Mateo 22:32

‘I‑di Abaraho, i‑di Isaki, i‑di Yako mai na, mai‑ka Deoso ama·oni.’ Deoso ati nematamonane. Hibati‑ya mai abametemoneni. Mai wadamara mai‑ka Deoso tohaterene. Mai hasinibisa mai‑ka Deoso amane.” Yeso ati nemarine.

Homa 11:27

“‘Mai ihi amosara mai ihi fawa·onihebone onamaro, mai ihi amosara fawa·oniheboneni.’ Deoso ati nane.” Hika yama hani ati nineni.

Korito daidi 6:16

Fana towe‑ya ai aha, fara fana towe‑ya ai abano fama, ai abano ohariwamateni. Deoso‑ka yama hani ati nineni.

Korito yoto‑ke 3:3

Yeso Kirisito‑ka yama hani dai amani. Oda‑ka yama hani dai tohaharina, oda‑ka yama hani bebeo‑ya awirihi, yati‑ya awirihi na, dai atibodi‑ya Deoso‑ka Doni oda‑ka yama hani‑ya kanahano, Yeso ati‑ya kanahano ne, fara dai atibodi ati‑nima dai ene na, dai ene‑ya mai kadikaboneni.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Ebereo 11:16

Neme‑ka tabora‑ya mai nokotonihe. “Neme‑ya oda tabaro amosabisaboneni.” Mai atibodi ati na. Fara mai tabori‑bone‑ya Deoso neme‑ya wamane. “Oka mai amani.” Ati tene.

Tiyako 1:18

Deoso ati ai nofi awisariya, ai‑ya kadike, Ati Amosabote ai nofawahe, hika ewe ai tohawaha, hika yama wamani‑ka hidi ai tohawahaboneni.

Tiyako 1:21

Dai ene amosaramaro‑nima dai ene namariyahi. Dai ati yanana, dai ati amosahi. Mai ati towe, mai ati‑nima dai ati rihi, mai ihi towe, mai ihi‑nima dai ene rihi nahi. Deoso hini ati‑ya dai atibodi‑ya kanahanomata, ati dai nofe, tabaro‑ya dai winamakeboneni.

Bedoro daidi 1:23

Deoso ati abatere, ati dai nofa, dai‑ka Abi i‑di Deoso tohe ene dai atibodi yati toha, ai wada yati‑nima dai nawaha, Deoso ene dai atibodi abaterabone, neme‑ya dai winamakeboneni.

Bedoro daidi 2:9

Dai‑ya Deoso kadikemari, hika yama‑bone‑ya da‑daa dai tohaboneni. Dai ene amosa hinama tohebona ati ne, Deoso‑ka dai toha, Deoso ene amosabote tamine dai kaminahi. Hibati‑ya yama soki‑nima dai ene namaro, Deoso ene yama tehe‑nima dai ene nawaha, Deoso wehene amosabote tohatene.