Ebereo 7:6 - Deoso-ka Yama Hani

⁶ I‑di Meokisadeki i‑di Refi‑ka nodi tohi awire, hiniya Abaraho‑ka yama kote‑ya kayafe, i‑di Abaraho‑ya i‑di Meokisadeki kasome, “Abaraho, Deoso tiwa‑ya hiyare, ati‑mari‑nima yama nawahaboneni.” Ati nematane.

Ebereo 7:6 ပူးပေါင်းရင်းမြစ်များ

Yeso‑ka yo‑yose mai tamine 3:25

Deoso ati‑ya mai mi‑mita‑mete mai‑ka nodi dai toha, dai tamine‑ya Deoso i‑di Abaraho‑ya hiyare, ‘Abaraho, tabora nafi‑ya mai wi‑wina tika nodi mai‑ya kasomebonane.’ Deoso ati nematane.

Homa 4:13

Hibati‑ya Abaraho‑ya Deoso hiyare, “Abaraho, yama nafi tikayahaboneni. Makobote tika nodi tiwa tabaro‑ya mai kayafaboneni.” Deoso ati ne, “Ati‑nima yama naboneni.” Abaraho ati ne, Deoso ati‑ya nofe, Deoso ati somawame ene Deoso ati‑nima yama na‑ya Abaraho kayafebonane. Abaraho hini ene tohi awirihi, Mose ati ene tohi awirihi ne, Deoso ati‑ya Abaraho nofe ene Deoso ati‑nima yama na‑ya kayafebonane.

Homa 9:4

Isara·eo‑ka nodi oka mai toha, Deoso mai‑ya kadikematane, mai‑ya bidinebonaha. Hibati‑ya kabani‑ya mai yakana, mai hawi‑bone‑ya Deoso wehene mai‑ya yofikanematane. Adami tati‑ya mai‑ya hiyare, ati yokana mai himite, ati i‑di Mose hikanahano‑ya mai kayafa, Deoso ati ene Deoso‑ka yobe‑bona‑ya mai wamanameteni, Deoso‑ya mai kahiyarabonehe. Mai‑ya hiyaramatase, “Oka Ka‑kadika dai‑ka nodi tohebona, dai‑ya kasomebonane. Owati‑nima yama naboneni.” Deoso ati nematane.

Karatiya 3:16

Abaraho‑ya Deoso hiyare, “Tiwa okasomaboneni, tika nodi eyehe.” Deoso ati nemarine. Ati dai mitamatasaho. Abaraho‑ka nodi mai dami tamine‑ya hiyari awirane. Hika nodi ohari tamine‑ya hiyarabisemarine. Abaraho‑ka nodi i‑di Yeso Kirisito tohe, fare‑ya Deoso kasomebonane.

Ebereo 11:13

Mai tamine okanahana, mai abiya, Deoso ati‑nima yama nabone, nafi‑ya mai awi awisara, mai aba, Deoso ati‑ya mai atibodi nofasa na, “Deoso ati‑nima yama naboneni. A‑ahi‑ya oda tabaro yokana awirani. Neme‑ya oda tabaro yokana‑bone tohabisani.” Mai atibodi ati nameteni.

Ebereo 11:17

I‑di Isaki yetene toheya, Abaraho‑ya Deoso haane, “Abaraho, tika dao yokana ohari owa‑ya daatiyaho.” Deoso ati ne, Deoso ati‑ya Abaraho atibodi nofi nafi, fare Deoso‑ya Isaki‑ya daani yanatonane.

Ebereo 7:1

Hibati‑ya Yerosare‑ya mai wi‑wina mai‑ka hidi webote i‑di Meokisadeki tohe, Deoso‑ka yama‑bone‑ya da‑daa tohematane. “Neme‑ya Deoso yokana winane.” Meokisadeki ati nematane. I‑di Abaraho bidi owa i‑di Ro‑ya yara mai towakama, i‑di Abaraho tokomaki, yara mai‑ka hidi mai‑ya bisine, mai‑ka yama mai hiwakama‑ya Abaraho dodimaki, i‑di Ro‑ya dodimaki ne, i‑di Abaraho mai eyehe kame, i‑di Meokisadeki‑ya kobone, “Abaraho, Deoso tiwa‑ya kasomane.” Meokisadeki ati nematane.

Ebereo 7:7

Ai webote toha, ai bi‑bidi na‑ya kasomateni. Fare Meokisadeki webote tohe, Abaraho bi‑bidi nane.