Ebereo 7:28 - Deoso-ka Yama Hani

²⁸ Deoso‑ka yama‑bone‑ya mai da‑daa mai‑ka hidi, ai one‑nima mai na, mai kitara, mai aba mai nabone, mai‑ya i‑di Mose kadikabisematane. Hai‑ta Deoso hini Bidi‑ya kadike, ai manakone‑ya nanahabebona, kitabote, amosabote, abaterebonane.

Ebereo 7:28 ပူးပေါင်းရင်းမြစ်များ

Roka 13:32

“I‑di Erodi ati hini tohaya. I‑di Erodi‑ya dai tokiya, dai hiyarahi. ‘Yeso ati tamine timitahi. Owa amoni famiya, madi towe mai kana·onihebone, mai kiyana mai onakitamaboneni. Owa amoni oharimaki‑ya yama noko·onihe, hawa·oniheboneni. Yeso ati nene.’ Dai ati nahi.

Yowaho 19:30

Fino‑ya to‑tomine, “Yama nafi hawa tohini.” Ati ne, tati winarise, abemarine.

Ebereo 1:2

Hibayata ai‑ya Deoso ati‑ya Bidi i‑di Yeso kaminawahene. Deoso ati ene yama nafi‑ya Bidi wamane, neme‑ya wama, bofe‑ya wama nematane. Makobote Deoso ati ene yama nafi‑ya Bidi kayafawahebonane.

Ebereo 2:10

Yama nafi‑ya Deoso wamanemata, hika yama toha, ai ene amosara manakone‑ya ai‑ka Hidi‑bona nanahabebona, Deoso ene amose ene Yeso komene kitematane, amosabote tohebonaha. Yeso ene Deoso bidi mai dodamawahani.

Ebereo 2:17

Abaraho‑ka nodi ai toha, ai‑ka Ayo ai‑ya kasomebona, ai‑nima ne. Deoso‑ka yama‑bone‑ya mai da‑daa mai‑ka hidi webote Yeso tohebona, ene amose hinama tohe, ai ene amosara manakone‑ya Deoso‑ya daanebonane.

Ebereo 3:1

Soho, owati dai mitahi. Hibati‑ya Deoso ai‑ya kadike, Yeso‑ya Deoso yosemari, Deoso‑ka yama‑bone‑ya mai da‑daa mai‑ka hidi webote tohe, tamine dai kadikahi.

Ebereo 3:6

Yeso‑ta Deoso Bidi tohe, Deoso‑ka yobe hidi amane. Deoso ati ai no‑nofa, Deoso ene ai habo siitora, Deoso‑ka yobe ai tohateni. Mai ihi‑maro‑nima dai ene riyahi.

Ebereo 4:14

I‑di Yeso, Deoso‑ka yama‑bone‑ya mai da‑daa mai‑ka hidi webote neme‑ya tokome, Deoso Bidi yokana amane. Deoso ati ai tokadababone ai ati na, Deoso ati ai tokadabahi.

Ebereo 5:5

Yeso Kirisito hini‑ya kadikaterene. Deoso hikadike, Deoso‑ka yama‑bone‑ya mai da‑daa‑bone mai‑ka hidi webote tohebonaha. “Oka Dao amatini. Tika Abi ama·oni.” Deoso ati nematane.

Ebereo 7:21

I‑di Refi‑ka nodi mai toha, mai‑ka idi mai‑ka abi mai‑nima Deoso‑ka yama‑bone‑ya mai daanamakineni. I‑di Yeso‑ta‑ya Deoso hiyare, “Tiwa tamine ohiyaramaro, owati‑nima yama nabone, mai manakone tinahabi oharebone, ti·abateraboneni.” Deoso ati nematane.

Ebereo 7:24

Yeso‑ta ai manakone‑ya daane, oharibisane. Abaterebonane.

Ebereo 7:3

Meokisadeki badi, madi, mai na mai wadarameteni. Wadarihi, abarihi ne, Deoso Bidi‑nima nane. “Meokisadeki, Oka yama‑bone‑ya da‑daa tihabone, tika yama daani fawateraboneni.” Deoso ati nematane.