Ebereo 7:26 - Deoso-ka Yama Hani

²⁶ Deoso‑ya ai manakone‑ya Yeso daane ene ai manakone abawahani. Ati amose hinama tosawariterene. Ai‑ta ai tosawari, Yeso‑ta tosawari terene. Neme amosi‑ya Yeso amosi fiyakanane.

Ebereo 7:26 ပူးပေါင်းရင်းမြစ်များ

Mateo 27:18

Mai‑ka hidi mai atibodi ati‑ya i‑di Birato wato, Yeso‑ya mai dama mai nofa, mai ihi Yeso‑ya hidi mai kakoteni.

Maroko 16:19

Ai‑ka Ayo Yeso hiyari hawa toheya, Deoso ene neme‑ya tokome, Deoso mano kanika‑ya itariwahematane.

Roka 1:35

“Deoso‑ka Doni tiwa‑ya sawibona, Deoso ene kitabote ati ene naba tihaboneni. Deoso Bidi wadeya, mai awiya, ‘Deoso Bidi amane.’ Mai ati naboneni.

Roka 23:22

“Hini yamata ihi baa·okabati? Yeso ati omite, Yeso ati sibarene. Yeso ene towe wadare, abarayaho. Owati ihi Yeso‑ya mai bisiniya, mai seekanebonane.” Birato ati nematane.

Roka 23:41

Ai ene amosara, ai ene manakone ai kayafineni. Yeso ene amose hinama amane.

Roka 23:47

Mahi wehene fawane‑ya sodado mai‑ka hidi awe, Yeso ati‑ya mite, “Deoso ene amane.” Atibodi ati ne, “Yeso ene amosabisane.” Ati nematane.

Roka 24:26

Deoso‑ka yama hani ati‑nima Deoso‑ka Ka‑kadika abe, kitame, amosabote tohawahane.” Yeso ati nematane.

Roka 24:46

“Yama hani ati dai mitahi. ‘Deoso‑ka Ka‑kadika‑ya mai nanahababone, dai amoni 3 kani‑ya kitamebonane.

Yowaho 14:30

Dai‑ya ohiyari nafimaraboneni. Bofe‑ka mai‑ka hidi kobonebonane. Oka hidi tohi awirane.

Yowaho 8:29

Owa hari terani. Owa‑ya yose‑mari owa‑ya famatene. Okobi yama hinofa‑nima oteni.” Yeso ati nemarine.

Yeso‑ka yo‑yose mai tamine 3:14

‘Yeso amosabote amane.’ Deoso ati ne, ‘Yeso seetikariyahi, oda nofi awire. Ai‑ya nanahabamari seetikabisahi.’ Dai ati namaroni.

Yeso‑ka yo‑yose mai tamine 4:27

Abi Deoso, Dafi ati‑nima ahi‑ya sidadi‑ya ai wi‑wina i‑di Erodi, i‑di Bonisiyo Birato, Bara mai toha, Yodeo mai toha na, Tiwa‑ya na‑narifa i‑di Yeso tikadikemata‑ya mai kaka, mai yorotokana,

Korito yoto‑ke 5:21

Yeso ene amose hinama tohe, ai ene amosara‑ya kayafe, abematane. Ai ene amosara manakone‑ya nanahabemata, ati ai nofe‑ya Yeso ene amose hinama‑ya ai kayafaboneni. Deoso ai‑ya ati somawamatene.

Ebereo 1:3

Deoso amosabote noko wehene nafi, noko wehene‑nima Bidi noko wehene ne Deoso‑nima Bidi ne. Ati kite ene neme toha, bofe tohasa nihi nineni. Ai ene amosara manakone wada, ai manakone‑ya nanahabe, Deoso kitabote‑ka kanika‑ya itariwahematane neme‑kaya.

Ebereo 12:2

Yeso‑ta ai nokotoni oharibisahi. Yeso ene Deoso ati ai nofa, Deoso tabaro‑ya ai winamakeboneni. Yeso Deoso ati‑ya tokadabe, fare‑nima ai nahi. “Deoso owa‑ya kasomebona, ene ya‑yai·onaboneni.” Yeso ati ne. Yeso mai baahikane, awa‑ya waane, abe, mai hahahikane, mai‑ya yawaremata, hibayata Deoso itari‑ka kanika‑ya itariwahane.

Ebereo 2:10

Yama nafi‑ya Deoso wamanemata, hika yama toha, ai ene amosara manakone‑ya ai‑ka Hidi‑bona nanahabebona, Deoso ene amose ene Yeso komene kitematane, amosabote tohebonaha. Yeso ene Deoso bidi mai dodamawahani.

Ebereo 2:17

Abaraho‑ka nodi ai toha, ai‑ka Ayo ai‑ya kasomebona, ai‑nima ne. Deoso‑ka yama‑bone‑ya mai da‑daa mai‑ka hidi webote Yeso tohebona, ene amose hinama tohe, ai ene amosara manakone‑ya Deoso‑ya daanebonane.

Ebereo 3:1

Soho, owati dai mitahi. Hibati‑ya Deoso ai‑ya kadike, Yeso‑ya Deoso yosemari, Deoso‑ka yama‑bone‑ya mai da‑daa mai‑ka hidi webote tohe, tamine dai kadikahi.

Ebereo 7:11

I‑di Refi‑ka nodi mai ihi, ai ene amosa hinama tohaterani. Yama‑ya mai da‑daa mai ihi, ai ene amosara barikana, manakone abara, Deoso ati‑ya Refi‑ka nodi mai mita, ati mai hikaminabisematane. Mai ati ihi ai ene amosara manakone aba‑mani, ai ene amosara manakone wadamara neni. Ai ene amosara manakone wadamara‑mani Deoso‑ka yama‑bone‑ya da‑daa owa‑ya Deoso haare nane. I‑di Refi‑ka nodi‑nima ai owa‑ya kadikare, i‑di Meokisadeki‑nima ai owa ne‑ya kadikematane.

Ebereo 8:1

Owati dai mita yama‑ya dai watowahaboneni. Deoso‑ka yama‑bone‑ya mai da‑daa mai‑ka hidi webote i‑di Yeso tohe. Ai manakone‑ya Deoso‑ya daane, ai‑ka Abi neme‑ke‑ka kanika‑ya itariwahane.

Ebereo 9:14

Fare Kirisito emene ai‑ya namosi nafibona, Kirisito ene amose hinama tohe, Deoso‑ka Doni hikasome ene ai manakone aba, hini emene‑ya Deoso‑ya daane ene ai ene amosaramaro, ai‑ya ai atibodi weenamaraboneni. Ai ene amosaramaro tamine‑ya Deoso kadikamaterebonane. Ai ene amosa, ai abamateraboneni. Deoso‑ya ai narifabisaboneni.

Bedoro daidi 1:19

Hini emene‑ya dai manakone‑ya nanahabemarine. Hibati‑ya mai ihi amosara, kaneiro bidi amose‑ya mai daanameteni, mai ihi‑ya Deoso barikanebonaha. Kirisito Deoso‑ka kaneiro bidi emene ene ai manakone nafi abawahani.

Bedoro daidi 2:22

Yeso ene amose hinama tohe, keyehe‑ya hiriterene.

Bedoro daidi 3:22

Yeso kitame, neme‑ya toke, Badi i‑di Deoso‑ka kanika‑ya itariwahe, Yeso kitabote tohe, neme‑ya mai wi‑wina, Deoso‑ka yo‑yose, mai na, mai‑ka hidi tohanane.

Yowaho daidi 2:2

Yeso ai manakone‑ya nanahabemari, Yeso ati ene Deoso ai‑ya yawamaterebonane. Ai nafi manakone‑ya Yeso nanahabemarine.

Yowaho daidi 3:5

Hibati‑ya Yeso kame, ai ene amosara, ai manakone‑ya nanahabemarine. Yeso ene amose hinama amane.

Yeso Kirisito ene‑bona 3:7

“Yama hani tikanahanohi. Deoso‑ya mai hi‑hiyara‑ke yobe Firadefia‑ya wai, yobe hidi‑ya daatinahi. Amosabotebisa ama·oni. Keyehe‑ya hiri·oterani. I‑di Dafi‑ka safi owa‑ya sawe, yama see·okani‑ya mai barihikaraboneni. Yama bari·okani‑ya mai seehikani awiraboneni. Fara owati amani.