Ebereo 7:25 - Deoso-ka Yama Hani

²⁵ Yeso ati ai nofa, Deoso‑ka ai tohawaha, Yeso ai‑ya kasomatene. Ai aba, Deoso tabaro‑ya ai‑ya towakamebonane. Yeso abamatere, ai tamine‑ya kaminatene Deoso‑ya. “Abi, owati‑ya mai no‑nofa mai tikasomahi. Mai ihi amosariya, mai manakone onahabamaroni. Mai‑ya tiwati yawariyahi.” Yeso ati tene.

Ebereo 7:25 ပူးပေါင်းရင်းမြစ်များ

Yowaho 14:13

Yama onofa‑nima yama na dai nofa, owa‑ya dai haaniya, dai ati‑nima onaboneni. Owa ene‑ya mai awa, Deoso‑ya mai kahiyaraboneni.

Yowaho 14:16

Okobi haa·onaboneni. Dai‑ya ka‑kasoma‑bona‑ya Okobi daanebonane, dai‑ya dabatebonaha.

Yowaho 14:6

“Deoso tabaro hawine ama·oni. Deoso ati yokana ka‑kamina ama·oni. Ai abarabone‑ka yama da‑daa ama·oni. Owati‑ya mai tokadabara, Okobi‑ya mai koboteraboneni.

Homa 5:10

Deoso ai nofasa riya, Deoso Bidi abe, ai manakone‑ya nanahabematane. Deoso Bidi abe ene ai‑ya ati somawame, Bidi kitame ene ai‑ya weenamarebona, hini tabaro‑ya ai winabone ai watoneni.

Homa 5:2

Deoso‑ya ai tamine‑ya Yeso Kirisito hiyare, “Abi, tika mai tiawahi. Mai manakone onahaba, owati‑ya mai nofawaha, tika dao mai tohawahani.” Ati tene. Deoso ai‑ya kasomi fawatere, tabaro‑ya ai winamakebone, ai ya‑yainineni.

Homa 8:34

Deoso‑ya ai tamine‑ya mai hiyariya, “Mai ihi amosaramaro, mai abahi.” Mai ati naba awineni. Deoso‑ka kanika‑ya Yeso itari, ai tamine‑ya kaminamakiya, “Mai abarabone, mai manakone onahaba, o·aba, okitamamaro, mai manakone amosara wadami awirani.” Ati nebonane.

Korito daidi 1:21

Yama dama‑ya mai wa‑wato‑mone mai ati na, yama wato ihi Deoso hawine‑ya mai wasiterani. Deoso ene Yeso abe, ai manakone‑ya nanahabe tamine oda kamine, oda ati‑ya mai nofa, Deoso hawine‑ya mai wasiteni. Oda ati‑ya mai nofara, ka‑kana oda‑mone mai ati na, Deoso hawine‑ya mai wasirani.

Efesiyo 2:18

Kirisito ene Deoso‑ka Doni ai‑ya sawi, Deoso ai nafi‑ka Abi tohawahe, ai‑ka Abi‑ya ai hiyara, ai ati‑ya mitatene.

Efesiyo 3:12

Yeso ati‑ya ai no‑nofa Deoso‑ya ai ati hiyara, ai habo siitora, ai hiyara kanibote na, ai ati‑ya mitatene.

Efesiyo 3:20

Deoso kitabote ene amose hinama, ai‑ka yama amosabote‑bone‑ya daatene. Deoso‑ya yama ai haana, ai ati‑ya fiyakana, yama‑ya ai atibodi kadika, ai atibodi ati‑ya fiyakana tene.

Firibo 3:21

Hibayata ai kitara, Yeso kameya, ai abano yati tohawahaboneni. Hini abano amosabote‑nima ai abano nawahaboneni. Yeso ene kite, yama nafi‑ya kayafebonane.

Timoti daidi 2:5

Deoso ohari‑ta tohe, Deoso‑ya ai tamine‑ya hi‑hiyara ohari toha nane. Fare ai owa i‑di Yeso Kirisito tohane.

Timoti yoto‑ke 1:12

Deoso ati‑ya ohiyara, kadeya‑ya owa‑ya mai nawaa, kadeya‑ya owaa, oyawi awirani. Sibarabone owatibodi ati nani. Deoso owato, ati onofe, owa‑ya nawadebona, owa‑ya kayawebonane. Hika yama ani·ona‑ya kayafatene. Makobote Yeso kamataseya, oka yama‑bone‑ya daanebonane.

Ebereo 11:6

Deoso ati‑ya mai nofara Deoso‑ya mai ya‑yaini terani. Deoso‑ya ai hiyarabone ai atibodi ai‑ya hiyara, “Deoso tohe ati onofe, owa‑ya kasomebonane.” Ai atibodi ati teni.

Ebereo 13:15

Yeso ene ai‑ka ka‑kahiyara Deoso‑ya mahi‑nima ai daanahi. “Yeso‑ka oda amani.” Ai ati nahi.

Ebereo 2:18

Hibati‑ya ai fimi‑nima Yeso fimi, ai eme komene‑nima Yeso komene, Satanasi ai‑ya keyehe‑nima Yeso‑ya keyehematane. Fare hibayata Satanasi ai‑ya keyeheya, Yeso ai‑ya kasomane, Satanasi ati ai nofarabonehe.

Ebereo 2:9

Hibayata yama ai watoneni. Yeso bofe‑ya wine, ai‑nima ne kiti bi‑bidi, bofe‑ya wineya, Deoso‑ka yo‑yose mai kiti ba‑basi, Yeso abe, ai nafi manakone‑ya nanahabe, Deoso hinakitame, hini kiti tohamatase, abamaterebona, amosabote tohawahene.

Ebereo 5:7

Yeso bofe‑ya wine, Deoso‑ya hiyare, hini mahi‑nima badi‑ya hiyare, hini ati koboni‑ka yama‑ya haane, ohinawahe, Yeso Badi ati‑ya tokadabi nafi, Badi ati‑ya nofi nafine. Badi‑ya weere, Deoso ati‑ya Yeso tokadabe, Yeso ati‑ya Deoso tokadabahari, Yeso‑ya nakitamemarine.

Ebereo 7:16

Yeso‑ka abise hika idi ne Deoso‑ka yama‑bone‑ya mai daatera, Yeso abaterebona ene Deoso‑ka yama‑bone‑ya daa nibisane.

Ebereo 7:19

Mose ati kote‑ta ai tokadaba Deoso tabaro‑ya ai winaraboneni. Yeso ati ai nofa, Deoso bidi ai tohawaha, Deoso tabaro‑ya ai winabisaboneni.

Ebereo 7:24

Yeso‑ta ai manakone‑ya daane, oharibisane. Abaterebonane.

Ebereo 7:8

Mai‑ka yama kote‑ya Refi‑ka nodi mai kayafa, mai aba, makobote mai‑ka nodi mai abamakitasa nameteni. Meokisadeki‑ta abare, hiniya neme‑ya tokomemata, hasinasa na‑mone mai ati teni.

Ebereo 9:24

Neme‑ke yobe Deoso wamahinemata, fare bofe‑ke mai wamahine hetarato‑nima ne‑ya idi Mose wamanane. Yobe kote Deoso hikayawemata‑ya Kirisito tokiyomare, neme‑ke yobe‑ta‑ya tokiyomabisene, Deoso‑ya ai manakone‑ya daanebonaha.

Yoda‑ka yama hani 1:24

Deoso dai‑ya kasomayaho, dai ene amosabone, Yeso hawine‑ya dai taratokara, Yeso‑ya dai koboni amosaboneni. Yeso amose dai awiya, dai ya‑yaina, “Dai ene amosini.” Ati nebonane.