Ebereo 7:19 - Deoso-ka Yama Hani

¹⁹ Mose ati kote‑ta ai tokadaba Deoso tabaro‑ya ai winaraboneni. Yeso ati ai nofa, Deoso bidi ai tohawaha, Deoso tabaro‑ya ai winabisaboneni.

Ebereo 7:19 ပူးပေါင်းရင်းမြစ်များ

Yowaho 1:17

Ai ene towe manakone‑bone tamine‑ya Mose kanahanomatamonane. Yeso Kirisito ene amose, ai ene towe manakone‑ya nanahabe, Yeso Kirisito ene Deoso ai watowahamaroni.

Yowaho 14:6

“Deoso tabaro hawine ama·oni. Deoso ati yokana ka‑kamina ama·oni. Ai abarabone‑ka yama da‑daa ama·oni. Owati‑ya mai tokadabara, Okobi‑ya mai koboteraboneni.

Yeso‑ka yo‑yose mai tamine 13:39

Yeso ati ai nofa, ai‑ya Deoso ati somawamatene. Mose‑ka yama hani ati ihi ai‑ya Deoso ati somawamare, Yeso ati ai nofa‑ta Deoso ai‑ya ati somawamatene.

Homa 5:2

Deoso‑ya ai tamine‑ya Yeso Kirisito hiyare, “Abi, tika mai tiawahi. Mai manakone onahaba, owati‑ya mai nofawaha, tika dao mai tohawahani.” Ati tene. Deoso ai‑ya kasomi fawatere, tabaro‑ya ai winamakebone, ai ya‑yainineni.

Homa 7:7

“Deoso ati‑ya i‑di Mose kanahano ati kasirone.” Onamone dai ati na. Ati kasiro awire, ati amosabisane. Deoso ati i‑di Mose hikanahanomata ai kadikiya, ai ene amosara ai watoteni. Hibati‑ya mai‑ka yama‑ya owatibodi ati kayafa, “Yama sibarini.” Owatibodi ati na, owa‑ya weeramaroni. Makobote Deoso ati okadika, “Mai‑ka yama‑ya dai atibodi ati kayafariyahi.” Deoso‑ka yama hani ati na. Okadika, owa‑ya owatibodi weenawahateni.

Homa 8:3

Ai atibodi bote‑ya Mose ati namosaterene. Ai tabaro‑ya Deoso hini Bidi‑ya yose, ai abano‑nima Yeso abano ne, ene amose hinama, ai ene towe manakone‑ya nanahabematane. Ai atibodi yati‑ya Mose ati daaterene. Deoso‑ta ai atibodi yati‑ya daane, ai ene amosawama, yama towe ai nokotonimaraboneni.

Karatiya 2:16

Bedoro, I‑di Mose ati‑ta ai ati tokadaba, Deoso ai‑ya ati somawamaterene. Yama tiwatoneni. Yeso Kirisito ai manakone‑ya nanahabe, ai‑ya hiyare, ‘Owa ene‑ta Deoso dai‑ya ati somawamebonane. Owati dai nofa, dai sibaraboneni. Deoso dai‑ya ati somawamebonane.’ Yeso ati nemarine. I‑di Mose ati nafi ai tokadabaterani. Mose ati ene Deoso ai‑ya ati somawamare. Fare Yeso ai manakone‑ya nanahabe, Yeso ati ai nofiya, Deoso ai‑ya ati somawamebonane.” Onamaroni, Bedoro‑ya ohiyararo.

Karatiya 3:21

I‑di Abaraho‑ya Deoso hiyare, ati amosa, i‑di Mose‑ya Deoso hiyare, ati amosahari nane. Deoso ati abaterene. Mose ati ene ai manakone aba‑mani, ai‑ya Deoso ati somawame nane. Mose ai manakone‑ya nanahabaterene.

Karatiya 3:24

Yama ai nabone, yama ai rabone i‑di Mose ai‑ya kanawato, Yeso Kirisito koboni awisareya, Mose ati ai‑ya barikanane. Yeso kobone, ai manakone‑ya nanahabe, Deoso ai‑ya ati somawamebonaha. Yeso ati ai nofiya, Yeso ati ene ai sibawarineni.

Efesiyo 3:12

Yeso ati‑ya ai no‑nofa Deoso‑ya ai ati hiyara, ai habo siitora, ai hiyara kanibote na, ai ati‑ya mitatene.

Koroso 1:27

Hibati‑ya Deoso Ati Amosabote‑ya mai watoramete, hibayata ai‑ya Deoso kanawato, Bara mai atibodi‑ya Kirisito sawiwahebonane. Yodeo ai toha, Bara dai toha na, ai nafi‑ya sawiwahane. Ai atibodi‑ya Kirisito sawi, Deoso tabaro‑ya ai winawahabone ai watowahini.

Timoti daidi 1:1

Baoro ama·oni. I‑di Yeso Kirisito‑ka yo‑yose ama·oni. I‑di Deoso owa‑ya kadikemarine, hika ohabonehe. I‑di Yeso Kirisito ai‑ya ka‑kasoma, kamebona ai nimaneni.

Ebereo 10:1

Deoso ati‑ya i‑di Mose kanahano, neme‑ka yama korimari‑ya mai‑ya kanawato, neme‑ka yama aboni ai awiya, yama ai wataboneni. Faha fowe‑nima Deoso‑ya yama mai daahina, mai atibodi‑ya namosaterani.

Ebereo 11:40

Deoso yama nafi‑ya wato, mai‑ya kasome, ai‑ya kasomahari, neme‑ya ai koboniya, mai eyehe ai winiya, yama amosa hinama tohaboneni.

Ebereo 11:6

Deoso ati‑ya mai nofara Deoso‑ya mai ya‑yaini terani. Deoso‑ya ai hiyarabone ai atibodi ai‑ya hiyara, “Deoso tohe ati onofe, owa‑ya kasomebonane.” Ai atibodi ati teni.

Ebereo 3:6

Yeso‑ta Deoso Bidi tohe, Deoso‑ka yobe hidi amane. Deoso ati ai no‑nofa, Deoso ene ai habo siitora, Deoso‑ka yobe ai tohateni. Mai ihi‑maro‑nima dai ene riyahi.

Ebereo 4:16

Deoso‑ya ai hiyarabone, ai habo siitoriyahi. Ai ya‑yainibisahi. Deoso ai hiyariya, ati somawamebonane, ai‑ya kasomebonane.

Ebereo 6:18

Deoso ati‑mata ai kadika, ene‑mata ai kadikamaki, Deoso ati‑nima ene ne ai wato, fare ati‑nima nebona ai wato, ai nimane, ai habo siitoraboneni.

Ebereo 7:11

I‑di Refi‑ka nodi mai ihi, ai ene amosa hinama tohaterani. Yama‑ya mai da‑daa mai ihi, ai ene amosara barikana, manakone abara, Deoso ati‑ya Refi‑ka nodi mai mita, ati mai hikaminabisematane. Mai ati ihi ai ene amosara manakone aba‑mani, ai ene amosara manakone wadamara neni. Ai ene amosara manakone wadamara‑mani Deoso‑ka yama‑bone‑ya da‑daa owa‑ya Deoso haare nane. I‑di Refi‑ka nodi‑nima ai owa‑ya kadikare, i‑di Meokisadeki‑nima ai owa ne‑ya kadikematane.

Ebereo 7:20

Yeso‑ya Deoso hiyare, “Yeso, oka yama‑bone‑ya mai da‑daa‑maro mai manakone‑ya mai nanahabaramaroni. Tiwa‑ta, tiwa haa·onamaro, owati ihi mai manakone tinahababisaboneni.” Ati nematane.

Ebereo 7:25

Yeso ati ai nofa, Deoso‑ka ai tohawaha, Yeso ai‑ya kasomatene. Ai aba, Deoso tabaro‑ya ai‑ya towakamebonane. Yeso abamatere, ai tamine‑ya kaminatene Deoso‑ya. “Abi, owati‑ya mai no‑nofa mai tikasomahi. Mai ihi amosariya, mai manakone onahabamaroni. Mai‑ya tiwati yawariyahi.” Yeso ati tene.

Ebereo 8:6

Hibayata Kirisito ene amosi ba‑basi ne, Refi‑ka nodi mai ihi amosi bi‑bidina, “Mose ati‑ya dai tokadabi nafi‑ya dai ene amosara‑ya Deoso barikanebonane.” Refi‑ka nodi mai ati na, “Owati dai nofa Deoso dai ene‑ya barikanamare, dai‑ya ati somawamebonane.” Kirisito ati nibise. Fare Kirisito ati amosabisane.

Ebereo 9:9

Hibati‑ya Deoso‑ya mai kahiyarabone, bani, yamataha na‑ya mai daana, bani‑ya mai nanahaba, bani emene aba, mai ihi towe‑ya Deoso barikane, mai atibodi‑ya namosire mai atibodi mai‑ya weenasa teni.

Tiyako 4:8

Deoso ati‑ya dai atibodi ati tokadaba, Deoso dai‑ya kasomebonane, ati dai nofi nafibonaha. Dai ene amosara dai ene dai kamina kanibote nahi. Deoso ati kote‑ya dai atibodi ati tokadaba, Satanasi ati kote‑ya dai ati tokadabahari na, towe dai amani. Deoso ati‑ya dai tokadabi ohari kanibote nahi.