Ebereo 7:18 - Deoso-ka Yama Hani

¹⁸ I‑di Refi‑ka nodi Deoso‑ya dai manakone‑ya mai da‑daa‑mete, dai manakone abara ene dai manakone‑ya mai daanami awiraboneni.

Ebereo 7:18 ပူးပေါင်းရင်းမြစ်များ

Yeso‑ka yo‑yose mai tamine 13:39

Yeso ati ai nofa, ai‑ya Deoso ati somawamatene. Mose‑ka yama hani ati ihi ai‑ya Deoso ati somawamare, Yeso ati ai nofa‑ta Deoso ai‑ya ati somawamatene.

Homa 3:31

“Yeso Kirisito ati ai nofiya, Deoso ai‑ya ati somawameya, Mose ati fawanebonane.” Dai ati na awineni. Mose ati fawani awirebonane. Deoso ati Mose hikanahanomata, ati‑nima yama nabone ai watoneni.

Homa 8:3

Ai atibodi bote‑ya Mose ati namosaterene. Ai tabaro‑ya Deoso hini Bidi‑ya yose, ai abano‑nima Yeso abano ne, ene amose hinama, ai ene towe manakone‑ya nanahabematane. Ai atibodi yati‑ya Mose ati daaterene. Deoso‑ta ai atibodi yati‑ya daane, ai ene amosawama, yama towe ai nokotonimaraboneni.

Karatiya 3:15

Soho, owati dai mitahi. Yama ai kanika, manakone nafi abi awisariya, yama hani‑ya ai oni‑ya ai kanahano, makobote yama hani ati‑nima ai teni. Yama hani kote ai kanahanomakitera, ati kote ai nanahabateni.

Karatiya 3:17

Abaraho‑ya Deoso hiyare, “Owati‑nima yama teboneni.” Deoso ati ne. Ati‑ya mai kanahanamaroni. Makobote amoni dameya, faha fowe 430 tohamakiya, Deoso Mose‑ya hiyare, “Mai ihi‑bone onofabone mai‑ya tikaminiyahi.” Ati ne. Mose‑ya hiyareya, Abaraho‑ya hiyaremata ati abarene. Ati‑nima yama teboneni.

Karatiya 3:21

I‑di Abaraho‑ya Deoso hiyare, ati amosa, i‑di Mose‑ya Deoso hiyare, ati amosahari nane. Deoso ati abaterene. Mose ati ene ai manakone aba‑mani, ai‑ya Deoso ati somawame nane. Mose ai manakone‑ya nanahabaterene.

Karatiya 4:21

I‑di Mose ati‑ya dai tokadababone dai ati na, i‑di Mose ati‑ya dai wata awineni.

Karatiya 4:9

Deoso yokana dai watowaha, Deoso dai‑ya watoharine, hini yama‑bone madi mai‑ya dai ati hiyaramiti? Madi mai ati dai nofamatasiya, dai‑ya mai yosematasaboneni. Dai‑ka hidi mai tohawahaboneni. Madi mai kitara, dai‑ya mai kasomateraboneni.

Timoti daidi 4:8

Ai kiti nafebone, ai yaka, yama ai ani ai teni. Hibayata yakani ai‑ya kasomi bide toha, makobote ai‑ya kasomi terani. Ai‑ya ai kasomi ba‑basi nabone, Deoso ati ai tokadabahi. Deoso ati ai tokadaba, hibayata ai‑ya kasoma, makobote ai‑ya kasomahari nebonane.

Ebereo 13:9

Yamata bara dai kababone tamine‑ya mai kamina, mai ati‑nima dai na, dai‑ya kasomi nafebone mai ati na, mai ati dai nofariyahi, Yama ai kaba ai atibodi‑ya namosaterani. Deoso ati ai nofa, ai atibodi‑ya kasomabisatene. Yamata bara mai hikaba, mai atibodi‑ya kasomaterani.

Ebereo 7:19

Mose ati kote‑ta ai tokadaba Deoso tabaro‑ya ai winaraboneni. Yeso ati ai nofa, Deoso bidi ai tohawaha, Deoso tabaro‑ya ai winabisaboneni.